ချောက်မြို့နယ်

February 24, 2022

ချောက်မြို့နယ်တွင် လူငယ် ၂၀ ခန့် ဖမ်းဆီးနှိပ်စက်ခံနေရ

မကွေးတိုင်း ချောက်မြို့နယ်မှာ အသက်မပြည့်သေးတဲ့ လူငယ် ၂၀ လောက် ဖမ်းဆီးနှိပ်စက်ခံနေရတယ်လို့ မကွေးလူထုတိုက်ပွဲကော်မတီက ဖေဖော်ဝါရီ ၂၃ ရက်နေ့ ရက်စွဲနဲ့ ထုတ်ပြန်ပါတယ်။

ချောက်မြို့ ရွှေပံတောင် စိမ်းလန်းစိုပြေရေးနယ်မြေမှာ စစ်အာဏာရှင်ဆန့်ကျင်ရေး စာရွက်တွေ လိုက်ကပ်တာကြောင့် ဖေဖော်ဝါရီ ၂၁ ရက်နေ့မှာ အသက်မပြည့်သေးတဲ့ အခြေခံပညာ ကျောင်းသားတွေကို စစ်ကောင်စီတပ်တွေက ဖမ်းဆီးသွားတာလို့ မကွေးလူထု တိုက်ပွဲကော်မတီ ဦးဆောင်သူ တစ်ဦးဖြစ် ကိုချစ်ဝင်းမောင်က ဒီဗွီဘီကိုပြောပါတယ်။

အသက်မပြည့်သေးတဲ့ အမျိုးသမီး ၅ ယောက်အပါအဝင် စုစုပေါင်းလူငယ် ၂၀ လောက်ဖမ်းဆီးခံရကာ အမျိုးသားလူငယ်တွေရဲ့ လိင်အင်္ဂါတွေကို ဆေးလိပ်မီးနဲ့ထိုးပြီးစစ်ဆေးတဲ့ အပြင် အကြမ်းဖက်တဲ့ နည်းပေါင်းစုံနဲ့ စစ်ဆေးနေကြောင်း ကြားသိရတယ်လို့ ဆိုပါတယ်။

စစ်ကောင်စီက ကလေးငယ်တွေကို မတရားဖမ်းဆီးနှိပ်စက်တာဟာ ကလေးသူငယ်အခွင့်ရေးကို ပြောင်ပြောင်တင်းတင်း ချိုးဖောက်နေတာဖြစ်ပြီး တာဝန်ယူ၊ တာဝန်ခံရမှာဖြစ်ကြောင်း၊ ကလေးငယ်တွေ ပြန်လည်လွတ်မြောက်ဖို့ကိုလည်း ကြိုးစားနေတယ်လို့ ပြောပါတယ်။

နွေဦးတော်လှန်ရေးကာလမှာ ကျဆုံး၊ ဖမ်းဆီးခံရတဲ့ ကျောင်းသား ပြည်သူတွေရဲ့ ထိခိုက်နစ်နာမှုတွေအပေါ် တရားမျှတမှုကို ပြန်လည်ရယူနိုင်ဖို့အတွက် စစ်အာဏာရှင် အမြစ်ပြတ်ပြုတ်ကျတဲ့အထိ တော်လှန်ရေးမှာ ပြည်သူတွေ ပူးပေါင်းပါဝင်ပေးကြဖို့ တိုက်တွန်းထားပါတယ်။

6 months Ago

December 9, 2021

ချောက်မြို့နယ်တွင် တယ်လီဖုန်းတာဝါတိုင်အချို့ ဖျက်ဆီးခံရ

မကွေးတိုင်း၊ ချောက်မြို့နယ်၊ ချောင်းတက်ကျေးရွာအနီးက တယ်လီဖုန်းတာဝါတိုင်တွေက ကေဘယ်လ်ကြိုးတွေ ဒီဇင်ဘာလ ၈ ရက်နေ့က ဖျက်ဆီးခံလိုက်ရတယ်လို့ သိရပါတယ်။

အမည်မဖော်လိုတဲ့ MPT ဆက်သွယ်ရေးတာဝန်ခံတဦးက‌ “တာဝါတိုင်တွေက ကေဘယ်လ်ကြိုးတွေကို ဓားနဲ့ခုတ်သွားတာ။ အဖျက်ဆီးခံရတာကတော့ Mpt၊ Telenor၊ Ooredoo တိုင်တွေပေါ့'' လို့ အတည်ပြုပြောဆိုပါတယ်။

အကြမ်းဖက်စစ်ကောင်စီလက်အောက်ခံ ပို့ဆောင်ဆက်သွယ်ရေးနှင့် ပြန်ကြားရေးဝန်ကြီးဌာနက အင်တာနက်ဒေတာအသုံးပြုခတွေကို အဆမတန်တိုးမြှင့်ကောက်ခံမယ်လို့ ကြေညာပြီးနောက်ပိုင်း Mytel တာဝါတိုင်တွေသာမက အခြားဆက်သွယ်ရေးတာဝါတိုင်တွေကိုလည်း ဖျက်ဆီးခံခဲ့ရတာလို့ ဒေသခံတွေဆီက သိရပါတယ်။

အဆိုပါဖျက်ဆီးမှုကို ဘယ်အဖွဲ့အစည်းကပြုလုပ်တယ်ဆိုတာ ကြေညာထားတာတော့ မရှိသေးပါဘူး။

ဖေဖော်ဝါရီလ ၁ ရက်နေ့ကနေ နိုဝင်ဘာလကုန်အထိ နိုင်ငံနဲ့တဝန်း ဆက်သွယ်ရေးတာဝါတိုင်ပေါင်း ၄၀၉ တိုင် ဖျက်ဆီးခံရပြီးဖြစ်တယ်လို့ စစ်တပ်က အာဏာသိမ်းစစ်ကောင်စီက ထုတ်ပြန်ကြေညာထားပါတယ်။

8 months Ago
More News
Up