ချောက်ထဲပြုတ်ကျ

A d v e r t i s e m e n t With Us

December 24, 2019

အင်ဒိုနီးရှားတွင် ခရီးသည်တင်ဘတ်စ်ကား ချောက်ထဲပြုတ်ကျပြီး  လူ ၂၆ ဦး သေဆုံး 

အင်ဒိုနီးရှားနိုင်ငံမှာ ဒီဇင်ဘာ ၂၃ ရက်ညက ခရီးသည်တင် ဘတ်စ်ကားတစီး ချောက်ထဲ ပြုတ်ကျလို့ လူ ၂၆ ယောက်ထက်မနည်း သေဆုံးခဲ့ပြီး ၁၃ ယောက် ဒဏ်ရာရခဲ့တယ်လို့ ဒေသခံ မီဒီယာတွေက ဖော်ပြပါတယ်။  အဲဒီဘတ်စ်ကားဟာ ဘန်ကူလူအာမြို့ကနေ ပါလမ်ဘန်မြို့ဆီကို ဦးတည်မောင်းနှင်လာစဉ် ဒေသစံတော်ချိန် ည ၁၁ နာရီ ၁၅ မိနစ်လောက်မှာ အခုလို ယာဉ်မတော်တဆ ဖြစ်ခဲ့တာပါ။ ခရီးသည် အယောက် ၅၀ တင်ဆောင်လာတဲ့ ဘတ်စ်ကားဟာ တောင်ကုန်းတခုပေါ်ကနေ မီတာ ၁၅၀ နက်တဲ့ ချောက်ထဲကို ပြုတ်ကျသွားခဲ့တာလို့ ရဲတပ်ဖွဲ့က ပြောပါတယ်။ လက်ရှိမှာတော့ အဲဒီအမှုနဲ့ပတ်သက်လို့ အာဏာပိုင်တွေက စုံစမ်းစစ်ဆေးနေပြီး ရှာဖွေကယ်ဆယ်ရေးလည်း ဆက်လုပ်နေပါတယ်။ အင်ဒိုနီးရှား ကျွန်းစုတွေမှာ ယာဉ်မတော်တဆမှုတွေ မကြာခဏ ဖြစ်ပွားလေ့ရှိပြီး အများပြည်သူ သယ်ယူပို့ဆောင်ရေးယာဉ်တွေရဲ့ ကြံ့ခိုင်မှုနဲ့ ဘေးကင်းမှု အားနည်းတာကြောင့်လည်း ယာဉ်မတော်တဆမှုတွေ ဖြစ်လေ့ရှိပါတယ်။
1 year Ago
Up