ချမ်းချမ်း

October 17, 2020

ချမ်းချမ်း သီဆိုသည့် တက္ကသိုလ်အမှတ်တရ “ခွဲခွာရမည့်နွေရက်များ”သီချင်း(ရုပ်သံ)

ရန်ကုန်တက္ကသိုလ်နှစ် ၁၀၀ ပြည့်ဂုဏ်ပြုအထိမ်းအမှတ် ဂီတဖျော်ဖြေပွဲတွေကို မြန်မာ့ရုပ်မြင်သံကြားကနေ အပတ်စဉ် ထုတ်လွှင့်ပြသနေပြီး ခုတပတ်ရဲ့ ဖျော်ဖြေပွဲအ မှတ်စဉ်-၁ မှာတော့ တေးသံရှင် ချမ်းချမ်းက တက္ကသိုလ်အမှတ်တရ သီချင်းတပုဒ်နဲ့ ဖျော်ဖြေသွားခဲ့ပါတယ်။ သူသီဆိုသွားတဲ့ “ခွဲခွာရမည့်နွေရက်များ” အမည်ရတဲ့ သီချင်းကိုတော့ ဝါရင့်တေးသံရှင် အယ်လ်ခွန်းရီက ကိုယ်တိုင်ရေးသားပြီး ကိုယ်တိုင်သီဆိုထားခဲ့တာ ဖြစ်ပါတယ်။ ခုတခါ သီချင်းအေးအေးလေးတွေနဲ့ ပရိသတ်တွေကို ဖမ်းစားထားနိုင်ခဲ့တဲ့ ချမ်းချမ်းရဲ့ သီဆိုမှုဟာလည်း ပုံစံတမျိုးနဲ့ ထူးခြားနေခဲ့တာကို ရှုစားနားဆင်ကြရမှာ ဖြစ်ပါတယ်။ “ကျောင်ကြီးပိတ်ဖို့ နီးပြီလေ… ဒီနွေရာသီ… တပေါင်းလရောက်လာလို့ လာပြန်ပေါ့လေ… ဟန်ဆောင်ကာနေလည်း… ဝေဒနာဆ,ကဲ… ခွဲရမှာကြောက်တယ်… တယောက်နဲ့တယောက် အနေဝေးရင်သာ… အို… တကယ်လို့များ မသိခဲ့ဘူးတဲ့သူလို နေမလားလေ… ကြင်နာသူရေ အချိန်တွေကြာရင်… မှတ်မိနိုင်ပါ့မလား” အသက် ၃၃ နှစ်အရွယ် ရှိနေပြီဖြစ်တဲ့ ချမ်းချမ်းဟာ မော်ဒယ်တယောက်လည်းဖြစ်ပြီး The Best Of Melody World 2007 သီချင်းဆိုပြိုင်ပွဲကနေတဆင့် အနုပညာလောကထဲကို ရောက်ရှိလာခဲ့သူ ဖြစ်ပါတယ်။ အဲဒီပြိုင်ပွဲမှာ First Runner Up ဆုကို ရရှိခဲ့ပြီး ပြိုင်ပွဲဝင်သီချင်းဖြစ်တဲ့ “သီချင်း လက်ဆောင်” သီချင်းဟာ သူ့ကို ပရိသတ်တွေ တခဲနက်လက်ခံအားပေးမှုရရှိခဲ့တဲ့ သီချင်း တပုဒ်ဖြစ်လာခဲ့တာပါ။ လက်ရှိအချိန်ထိ ချမ်းချမ်းဟာ တကယ်ဆိုရင်အချစ်ပဲလိုတယ်၊ သိပ်ချစ်တယ် အရမ်းမုန်းတယ်၊ အိပ်မက်၊ သို့… ချစ်နေတုန်းပဲ စတဲ့ တကိုယ်တော်တေးအယ်လ်ဘမ် ၄ ချပ်ထွက်ရှိထားခဲ့ပြီး အတွဲသီချင်း ခွေပေါင်းများစွာမှာလည်း ပါဝင်သီဆိုထားခဲ့ကာ ပရိ သတ်အားပေးမှုရှိနေသူတဦးဖြစ်ပါတယ်။ “မတွေ့ကြပေမယ့် မမေ့နဲ့နော်… တို့ရဲ့ပျော်စရာ အချိန်တွေကို… စဉ်းစားတွေး တောကာလေ ကြည့်လိုက်ပေါ့… မကြာခင်မှာ ပြန်လည်ဆုံတွေ့ကြစို့နော်… မျှော်ကာ စောင့်စား ပျော်စရာရက်များ… ချိုးလက် ရေနေမယ်” ဒီဂီတဖျော်ဖြေပွဲမှာတော့ တေးသီချင်းအပုဒ် ၁၀၀ ကို အပတ်စဉ်သောကြာနေ့ည သတင်းအပြီး ည ၉ နာရီအချိန်မှာ ထုတ်လွှင့်ပေးသွားမှာဖြစ်ကာ မြန်မာ့ရုပ်မြင်သံကြား ဖေ့စ်ဘွတ်ခ်စာမျက်နှာပေါ်မှာလည်း တိုက်ရိုက်ကြည့်ရှုနိုင်မှာ ဖြစ်ပါတယ်။ ပထမသီတင်းပတ်အနေနဲ့ ဖျော်ဖြေပွဲမှာတော့ ဝါရင့်တေးသံရှင်ကြီးတွေ ဖြစ်ကြတဲ့ မြန်မာပြည်သိန်းတန်၊အောင်နိုင်၊ ဟေမာနေဝင်းတို့နဲ့အတူ ချမ်းချမ်း၊ အိုင်ရင်းဇင်မာမြင့်၊ နေမင်းအိမ်၊ ထွန်းနောင်ဆင့်၊ နန်းဆုဦး စတဲ့ တေးသံရှင်တွေက တက္ကသိုလ်ဖွဲ့ အမှတ်တရ သီချင်းတွေနဲ့ ပါဝင်ဖျော်ဖြေသွားခဲ့ကြပါတယ်။
1 year Ago

May 27, 2020

ဓီရာမိုရ် ရေးပြီး Rဇာနည်နှင့် အနုပညာရှင်မောင်နှမများ သီဆိုသည့် “ကျေးဇူးတရားရဲ့ပဲ့တင်သံ” သီချင်း (ရုပ်သံ)

“ထမင်းတပွဲ ကိုယ့်အရှေ့ရောက်တော့ စဉ်းစားမိ… ထွန်ယက်စိုက်ပျိုး… ရိတ်သိမ်း သယ်ပိုးနဲ့… အဆင့်ပေါင်းများစွာ… အချိန်ပေါင်းများစွာ… လူပေါင်းများစွာ… ဟေး… ဘဝတခုရဲ့ နေရာအသီးသီးမှာ… လောကရဲ့ နေရာအသီးသီးမှာ… လှုပ်ရှားနေတဲ့ ကာယ ဉာဏ လူသားတွေများစွာ… အပြန်အလှန်ကူညီခြင်းရဲ့ သဘောနဲ့ လည်ပတ်တဲ့ ကမ္ဘာ… အရာရာကို တန်ကြေးတခုတည်းနဲ့ တန်ဖိုးဖြတ်မရ… နံရံတံတိုင်းမရှိသော မေတ္တာတရား” ဒါကတော့ လတ်တလော အသစ်ထွက်ရှိလာတဲ့ အကျိုးပြုသီချင်းတပုဒ်ထဲက တေးသွားစာသားတွေ ဖြစ်ပြီး ပရိသတ်တွေကြား ရေပန်းစားနေခဲ့ပါတယ်။ “ကျေးဇူးတရားရဲ့ ပဲ့တင်သံ”လို့ အမည်ပေးထားတဲ့ ဒီသီချင်းကိုတော့ နာမည်ကြီး ဂီတပညာရှင် အကယ်ဒမီ ဓီရာမိုရ်က ရေးစပ်ပေးထားခဲ့တာဖြစ်ပြီး အနုပညာမောင်နှမတွေဖြစ်ကြတဲ့ R.ဇာနည်၊ စိုင်းစိုင်းခမ်းလှိုင်၊ Big Bag၊ ဝေလ၊ အောင်ထက်၊ ဖြူဖြူကျော်သိန်း၊ ချမ်းချမ်း၊ နီနီခင်ဇော်တို့က သီဆိုပေးထားကြတာ ဖြစ်ပါတယ်။ “ကျေးဇူးတရား… ပဲ့တင်သောအရာ… စာနာကူညီဖေးမ မြင့်မြတ်တဲ့ ရောင်ပြန် များ… ကျေးဇူးတရား… အနှိုင်းမဲ့သောအရာ… တခါတလေ မမြင်တတ် မသိတတ် မေ့တတ်တဲ့ နောက်ကွယ်မှာ” အသက် ၄၅ နှစ်အရွယ် ရှိနေပြီဖြစ်တဲ့ ဂီတပညာရှင် ဓီရာမိုရ်ဟာ လက်ရှိ အမျိုး သားယဉ်ကျေးမှုနဲ့ အနုပညာတက္ကသိုလ်မှာ တာဝန်ထမ်းဆောင်နေသူဖြစ်ပြီး အနုပညာ တေးရေး၊ တေးဆို၊ ဂီတအနုပညာလုပ်ငန်းတွေကို လုပ်ဆောင်နေသူ တယောက်ဖြစ်ပါ တယ်။ သူဂီတမှူးအနေနဲ့ တာဝန်ယူခဲ့တဲ့ ဇော်ကကနေသည်၊ လူးရတနာသိုက် ရုပ်ရှင် ကားတွေနဲ့ မြန်မာ့ရုပ်ရှင်အကယ်ဒမီ နောက်ခံတေးဂီတဆုတွေ ရရှိထားသူ ဖြစ်ပါတယ်။ ခုဖန်တီးပုံဖော်လိုက်တဲ့ သီချင်းမှာလည်း NUAC Orchestra တီးဝိုင်းရဲ့ မြိုင်ဆိုင်တဲ့ ပံ့ပိုးမှုနဲ့ ပုံစံတမျိုးနဲ့ ထူးထူးခြားခြား ခံစားနားဆင်ကြရမှာ ဖြစ်ပါတယ်။ “သံသရာမှာ လည်ပတ်နေသမျှ… အရာအားလုံးမှာ… အနွေးထွေးဆုံးသော အရာ … အလင်းလက်ဆုံးသောအရာ… ကျေးဇူးတရား… ရေး… သေးငယ်တဲ့ မိုးစက်ငယ်လေး က ပန်းလေးတပွင့် ပွင့်နိုင်တယ်… ဖြူစင်တဲ့ အားပေးကူညီခြင်းက အပြုံးပန်းများ ပွင့်နိုင် တယ်” လတ်တလောကာလဟာ ကမ္ဘာ့နိုင်ငံတွေနည်းတူ မြန်မာနိုင်ငံမှာလည်း COVID-19 ကပ်ဘေးနဲ့ ရင်ဆိုင်နေကြရချိန်ဖြစ်ပြီး အခက်အခဲတွေကြား ကာကွယ်ကုသရေးလုပ်ငန်း တွေမှာ ရှေ့တန်းမှ မားမားမတ်မတ် ရပ်တည်နေကြရတဲ့ နိုင်ငံ့ဝန်ထမ်းတွေ၊ စေတနာရှင် ပြည်သူတွေ၊ လူမှုရေးအသင်းအဖွဲ့တွေ၊ အလှူရှင်တွေအတွက် တန်ကြေးနဲ့ တန်ဖိုးဖြတ်မရတဲ့ စာနာကူညီဖေးမမှု ကျေးဇူးတရားကို ဂုဏ်ပြုတဲ့ သီချင်းတပုဒ် အနေနဲ့ ထွက်ရှိလာခဲ့တာ ဖြစ်ပါတယ်။ ဒီသီချင်းကိုတော့ Xenon Entertainment က ထုတ်လုပ်လိုက်တာဖြစ်ပြီး သူတို့ရဲ့ ဖေ့စ်ဘွတ်ခ်အင်တာနက်လူမှုကွန်ရက်ပေါ်မှတဆင့် မျှဝေထားခဲ့တာ ဖြစ်ပါတယ်။
1 year Ago
Up