ချန်ပီယံလိဂ်

December 8, 2021

ချန်ပီယံလိဂ်ဗိုလ်စွဲနိုင်သည့် အသင်းများတွင် ဂျူဗီ မပါဝင်တော့ဟု နည်းပြ အယ်လီဂရီဝန်ခံ

ဂျူဗင်တပ်အသင်းဟာ အခုနှစ်ချန်ပီယံလိဂ်မှာဗိုလ်စွဲဖို့ ရေပန်းစားတဲ့အသင်းတွေထဲမှာ မပါဝင်တော့ ဘူးလို့ နည်းပြအယ်လီဂရီကပြောပါတယ်။

ဂျူဗင်တပ်အသင်းဟာ ၁၆ သင်းအဆင့်ကို အုပ်စုပွဲစဉ်တွေ မကုန်ခင်တက်ရောက်ထားပြီးဖြစ်ပေမယ့် သူ့အသင်းက ရေပန်းစားတဲ့အသင်းမဟုတ်ကြောင်း နှိမ့်ချ ပြောသွားခဲ့တာပါ။

“ဒီနှစ်မှာ ချန်ပီယံဖြစ်ဖို့ ရေပန်းစားတဲ့အသင်းတွေက လီဗာပူး၊ ဘိုင်ယန်၊ မန်ချက်စတာစီးတီး၊ ရီးရဲလ်နဲ့ ပီအက်စ်ဂျီအသင်းတွေဖြစ်တယ်။ ကျနော်တို့ အနေနဲ့ကတော့ ပြီးခဲ့တဲ့ နှစ် နှစ်လောက်ကထက် ပိုကောင်းတဲ့ အခြေအနေရောက်အောင်ပဲ လုပ်ဆောင်ရပါမယ်” လို့ ဂျူဗီနည်းပြ အယ်လီဂရီက ပြောပါတယ်။

၁၆ သင်းအဆင့်မှာ ဘယ်အသင်းနဲ့ တွေ့ဆုံမလဲဆိုတာက အရေးပါပြီး ကံကောင်းမှု တချို့ရှိဖို့လည်းလိုအပ်တယ်လို့ အယ်လီဂရီကဆိုပါတယ်။

ဂျူဗင်တပ်အသင်းဟာ ၂၀၁၆-၂၀၁၇ ဘောလုံးရာသီက ချန်ပီယံလိဂ်ဗိုလ်လုပွဲတက်ခဲ့ပေမယ့် အဲဒီနောက်ပိုင်းမှာ  ကွာတားဖိုင်နယ်အဆင့်က အမြင့်ဆုံးအောင်မြင်မှုဖြစ်ခဲ့ပါတယ်။

1 month Ago

December 4, 2021

ဘာစီလိုနာနှင့် ဘိုင်ယန်မြူးနစ် ယှဉ်ပြိုင်ကစားမည့် ချန်ပီယံလိဂ်အုပ်စုပွဲ ပရိသတ်မပါဘဲ ကျင်းပမည်

ဘာစီလိုနာအသင်းနဲ့ ဘိုင်ယန်မြူနစ်အသင်း တွေ့ကြမယ့် လာမယ့်အပတ် ချန်ပီယံလိဂ်အုပ်စု ပွဲစဉ်ကို ပရိသတ်မပါဘဲ ကျင်းပသွားမယ်လို့ ကလပ်အသင်းတွေက ဒီဇင်ဘာ ၃ ရက်မှာ ပြောပါတယ်။

ဘောလုံးပွဲကျင်းပမယ့် ဂျာမနီနိုင်ငံရဲ့ ဘာဗာရီရာပြည်နယ်မှာ ကိုဗစ်-၁၉ ကူးစက်မှု ပြန့်ပွားနေတာကြောင့် ပရိသတ်မပါဘဲ ကျင်းပရတာလို့ ဆိုပါတယ်။

စပိန်အသင်းဖြစ်တဲ့ ဘာကာအသင်းဟာ အုပ်စု E မှာ ဒုတိယနေရာမှာ ရှိနေပြီး၊ ဒီဇင်ဘာ ၈ ရက်နေ့ကျရင် ဂျာမန်အသင်း ဘိုင်ယန်မြူးနစ်နဲ့ မြူနစ်မြို့မှာရှိတဲ့ Allianz Arena ဘောလုံးကွင်းမှာ တွေ့ဆုံရမှာ ဖြစ်ပါတယ်။ 

လာမယ့် ဒီဇင်ဘာ ၇ ရက်နေ့ကျရင် မန်ချက်စတာစီးတီးအသင်းနဲ့ RB Leipzig တို့ ပွဲစဉ်ကိုလည်း ပရိသတ်မပါဘဲ ကျင်းပဖို့ ရှိပါတယ်။ 

ကိုဗစ်-၁၉ ကူးစက်မှု စတုတ္ထလှိုင်းကို စိုးရိမ်နေရတာကြောင် ဂျာမန်အစိုးရဟာ ကြာသာပတေးနေ့ကစပြီး အားကစားပွဲတွေနဲ့ဆိုင်တဲ့ စည်းကမ်းတွေကို ပြန်လည် တင်းကျပ်လိုက်တာလို့ ရိုက်တာသတင်းမှာ ဖော်ပြထားပါတယ်။

ဂျာမနီမှာ ပြီးခဲ့တဲ့ ဒီဇင်ဘာ ၂ ရက်နေ့ တရက်တည်းမှာ  ကိုဗစ်-၁၉ လူနာအသစ် ၇၃,၀၀၀ အသစ် တွေ့ရှိခဲ့ရပြီး ၃၈၈ ယောက် သေဆုံးခဲ့ပါတယ်။

2 months Ago
More News
Up