ချန်ပီယံလိဂ်

January 20, 2023

ချဲလ်ဆီးအသင်း ချန်ပီယံလိဂ်ဝင်ခွင့်မရပါက ဘဏ္ဍာရေးစည်းမျဉ်းဖြင့် အရေးယူခံရနိုင်

ချဲလ်ဆီးအသင်းဟာ လာမယ့်ရာသီမှာဥရောပချန်ပီယံလိဂ်ဝင်ခွင့်မရခဲ့ဘူးဆိုရင် ဘဏ္ဍာရေး စည်းမျဉ်းနဲ့ အရေးယူခံရနိုင်တယ်လို့သိရပါတယ်။

အသင်းပိုင်ရှင်သစ် တော့ဘိုလီဟာ  အခုနှစ်ရာသီမှာ ကစားသမားခေါ်ယူမှုတွေအတွက် ပေါင် ၄၄၅ သန်းအထိ အသုံးပြုခဲ့ပြီး ပရီးမီးယားလိဂ်မှာ စံချိန်သစ်တင်ခဲ့တာပါ။ ပရီးမီးယားလိဂ်က သတ်မှတ်ထားတဲ့ ဘဏ္ဍာရေးစည်းမျဉ်းမှာ သုံးနှစ်အတွင်း ပေါင် ၁၀၅ သန်းအရှုံးပေါ်ခွင့်ရှိပြီး အခြေခံအဆောက်အအုံတွေ၊ အမျိုးသမီးအသင်းတွေနဲ့ အကယ်ဒမီတွေ၊ တခြားလူမှုရေး လုပ်ငန်းတွေမှာ အသုံးပြုမယ်ဆိုရင်တော့ ကင်းလွတ်ခွင့်ပေးထားပါတယ်။

ချဲလ်ဆီးအသင်းဟာ ၂၀၂၁ ခုနှစ်က ဥရောပချန်ပီယံဖြစ်စဉ်က ပေါင် ၁၀၆ သန်း ရရှိခဲ့ပြီး မနှစ်တုန်းက ကွာတားဖိုင်နယ်တက်ခဲ့ရာမှာလည်း ပေါင်သန်း ၈၀ လောက်ဝင်ငွေရခဲ့ပါတယ်။

အခုနှစ် ရာသီမှာလည်း ဒေါ့မွန်အသင်းကို ကျော်ဖြတ်ပြီး ကွာတားဖိုင်နယ်တက်မယ်ဆိုရင် ဝင်ငွေရရှိလာနိုင်ပေမဲ့  ပေါင် ၄၄၅ သန်းအထိ အသုံးပြုခဲ့မှုကြောင့် အခြေအနေကို စောင့်ကြည့်ရဖို့ရှိပါတယ်။

နောက်ပြီးလာမယ့်ရာသီမှာချန်ပီယံလိဂ်ဝင်ခွင့်မရခဲ့ဘူးဆိုရင်တော့ ဝင်ငွေထိခိုက်သွားမှာဖြစ်လို့ ဘဏ္ဍာရေးစည်းမျဉ်းနဲ့ အရေးယူခံရနိုင်ကြောင်း ဗြိတိန်သတင်းတွေမှာဖော်ပြခဲ့ကြပါတယ်။

1 week Ago

December 22, 2022

မန်စီးတီးနှင့် ချန်ပီယံလိဂ်ဖလား မရခဲ့ပါက ပြီးပြည့်စုံမည်မဟုတ်ဟု ဂွါဒီယိုလာဝန်ခံ

မန်စီးတီးအသင်းနဲ့ ချန်ပီယံလိဂ်ဆုဖလားသာ မရယူနိုင်ခဲ့ရင် ပြီးပြည့်စုံတဲ့အောင်မြင်မှု ဖြစ်မှာမဟုတ်ကြောင်း နည်းပြ ဂွါဒီယိုလာက ပြောပါတယ်။

မန်စီးတီးအသင်းဟာ ချန်ပီယံလိဂ်ဗိုလ်လုပွဲကို တကြိမ်တက်ရောက်ခဲ့ပြီး ဆီမီးဖိုင်နယ်တကြိမ် တက်ခဲ့ပေမဲ့ ချန်ပီယံဆု ရယူနိုင်ခြင်း မရှိသေးတာပါ။

နည်းပြ ဂွါဒီယိုလာဟာ ပြီးခဲ့တဲ့လပိုင်းက အသင်းနဲ့ ၂ နှစ်သက်တမ်းတိုးစာချုပ် ချုပ်ဆိုခဲ့ပြီးနောက် ချန်ပီယံလိဂ်ဆုဖလား မရသေးတာနဲ့ ပတ်သက်ပြီး သုံးသပ်ခဲ့တာပါ။

ချန်ပီယံလိဂ်ဆုဖလားက အသင်းသားတွေလိုချင်တဲ့ ဆုဖလားဖြစ်ပြီး မရယူနိုင်ခဲ့ဘူးဆိုရင် ပြီးပြည့်စုံမှာမဟုတ်ကြောင်း၊ ဒါပေမဲ့ စာချုပ်သက်တမ်းတိုးခဲ့တာက အဲဒါတခုကြောင့်တင် မဟုတ်ဘဲ အရာအားလုံးအတွက်ဖြစ်ကြောင်း နည်းပြ ဂွါဒီယိုလာက ပြောပါတယ်။

မန်စီးတီးအသင်းအနေနဲ့ ချန်ပီယံလိဂ်ဆုဖလားကို အနှေးနဲ့အမြန် ရယူနိုင်မယ်ဆိုတဲ့ ခံစားမှုရှိပြီး အစွမ်းကုန် ဆက်ပြီး ကြိုးပမ်သွားမယ်လို့ နည်းပြ ဂွါဒီယိုလာက ပြောသွားပါတယ်။

1 month Ago
More News
Up