ချယ်ရီထက်

March 15, 2019

“အမေစုကျန်းမာပါစေ… ချယ်ရီထက်လည်းချစ်တယ်”(ရုပ်သံ)

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ပဲခူးခရီးစဉ်မှာ ကြိုဆို နှုတ်ဆက်ခဲ့ကြတဲ့ ပြည်သူတွေရဲ့ ရုပ်သံဗွီဒီယိုကလစ်တခုဟာ အင်တာနက်လူမှုကွန် ရက်စာမျက်နှာတွေပေါ်မှာ ရေပန်းစားနေပါတယ်။ ဒေါ်အောင်ဆန်းစုကြည်ရဲ့ ခရီးစဉ်တွေတိုင်းမှာ ပြည်သူတွေဟာ သောင်းသောင်းဖျဖျ ကြိုဆိုလေ့ရှိကြပြီး ခုနောက်ပိုင်းမှာတော့ အနားမှာ ထက်ချပ်မကွာ လိုက်ပါနေတဲ့ ကိုယ်ရံတော်မိန်းကလေး ချယ်ရီထက်ကိုပါ သတိပြုမိခဲ့ပြီး နာမည်ကြီးလာခဲ့တာပါ။ ခုခရီးစဉ်မှာတော့ ပြည်သူတွေဟာ ဒေါ်အောင်ဆန်းစုကြည်ကို နှုတ်ဆက်နေကျ ထုံးစံအတိုင်း အမေစု ကျန်းမာပါစေဆိုတာအပြင် ချယ်ရီထက်ကိုပါ ချစ်တယ်ဆိုပြီး အော် ဟစ်အားပေးခဲ့ကြတာ တွေ့ရပါတယ်။ ဒီရုပ်သံဗွီဒီယိုဖိုင်ကိုတော့ Bryan အမည်နဲ့ ဖေ့စ်ဘွတ်ခ်အသုံးပြုသူတဦးက အမေ စုကို ချစ်ကြသူများသာ (သီးသန့်) အမည်ရတဲ့ Group ထဲမှာ မျှဝေထားခဲ့တာဖြစ်ပြီး ခုလို ရေးသားဖော်ပြထားခဲ့တာပါ။ “ပဲခူးလာတုန်းရတဲ့ အခွင့်အရေး အကုန်အသုံးချပစ်တယ်… အမေစုလည်း ကျန်းမာ ပါစေ…ချယ်ရီထက်လည်းချစ်တယ်"ဆိုပြီး အော်ပြိုက်တယ်အေးရော🎈🥰😍😂” လတ်တလောမှာတော့ ဒီရုပ်သံဗွီဒီယိုဖိုင်ဟာ အွန်လိုင်းပေါ်မှာ နာမည်ကြီးနေခဲ့ပြီး ၀င်ရောက်ကြည့်ရှုသူ၊ မှတ်ချက်ပေးသူ၊ ပြန်လည်မျှဝေသူတွေ သောင်းနဲ့ချီရှိနေခဲ့တာ ဖြစ်ပါတယ်။ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ပဲခူးတိုင်းဒေသကြီး ခရီးစဉ်အတွင်း တောင်ငူခရိုင်၊ ပြည်ခရိုင်၊ ပဲခူးနဲ့ သာယာဝတီခရိုင်က ပြည်သူတွေနဲ့ လူထုတွေ့ဆုံပွဲတွေ ပြုလုပ်နေတာ ဖြစ်ပါတယ်။
2 years Ago
Up