ချမ်းမြသာစည်

June 28, 2019

ချမ်းမြသာစည်မြို့နယ် နေအိမ်တလုံးတွင် ရွှေ၊ ငွေ ပစ္စည်းများ  ၀င်ခိုးသူအား ဖမ်းမိပြီ

မန္တလေးတိုင်း ချမ်းမြသာစည်မြို့နယ်မှာ ငွေ၊ ရွှေထည်ပစ္စည်းတွေ၊ ကျောက်တွေကို နေအိမ်အတွင်းဝင်ရောက်ခိုးယူသူအား ဖော်ထုတ်အရေးယူထားတယ်လို့ ပြည်ထဲရေးက မနေ့က ထုတ်ပြန်ပါတယ်။ မန္တလေးတိုင်းဒေသကြီး၊ ချမ်းမြသာစည်မြို့နယ်၊ ကန်သာယာရပ်ကွက်နေ ဦးကျော်ကျော်ထွန်းဟာ ဇွန်လ ၂၄ ရက်နေ့ မွန်းလွဲ ၃ နာရီခွဲလောက် နေအိမ်အဝတ်ဘီရိုအတွင်းမှ မြန်မာငွေ စက္ကူရောရာ (၈) သိန်းကျပ်၊ မိုးကုတ်ပတ္တမြားအပြာရောင်ကျောက်ပါ ရွှေနားကပ် ၁ ရံ၊ အနီရောင် ကျောက်ပါ ရွှေနားကပ် ၁ ရံ၊ ရွှေအိုးလော့ကတ်သီး ၁ ခု၊ ရွှေဆွဲကြိုး ၁ ကုံး၊ ပလက်တီနမ်းရွှေဆွဲကြိုး ၁ ကုံး၊ ကျောက်စိမ်းပါ ရွှေလက်စွပ် ၁ ကွင်း၊ စုစုပေါင်း တန်ဖိုးငွေ ၃,၄၇၀,၀၀၀ ဖိုး ပျောက်ဆုံးသွားလို့ ခိုးယူသူအား စုံစမ်းဖော်ထုတ်အရေးယူပေးဖို့ တိုင်တန်းချက်အရ အောင်ပင်လယ်နယ်မြေရဲစခန်းက (ပ)၄၀၄/၂၀၁၉၊ ရာဇသတ်ကြီးပုဒ်မ ၃၈၀ အမှုရေးဖွင့် ဆောင်ရွက်ခဲ့ပါတယ်။ အမှုစစ်အဖွဲ့က အခင်းဖြစ် နေအိမ်အနီးပတ်ဝန်းကျင်ရှိ CCTV မှတ်တမ်းအားကြည့်ရှုခဲ့ရာ ပြစ်မှုကျူးလွန်သူမှာ အသက် (၂၆/၂၇) နှစ်အရွယ် အမျိုးသားလူငယ် ၁ ဦးဖြစ်ပြီး လမ်း ၆၀ အတိုင်းမြောက်ဘက်ကို ထွက်ခွာသွားကြောင်း သတင်းအရ လိုက်လံဖမ်းဆီးခဲ့ရာ ၂၆×၆၀ လမ်းထောင့်မှာ အဆိုပါလူငယ်အား လွယ်အိတ်တလုံးနဲ့အတူ ဖမ်းဆီးရမိခဲ့ပါတယ်။ စစ်ဆေးရာ ပုသိမ်ကြီးမြို့နယ်၊ မဲကင်းကုန်းကျေးရွာနေ အောင်ထွေး ၂၇ နှစ် ဖြစ်ကြောင်းသိရပြီး လွယ်အိတ်အတွင်းမှ ဦးကျော်ကျော်ထွန်းပျောက်ဆုံးသွားတဲ့ ငွေ၊ ရွှေထည်ပစ္စည်းတွေနဲ့ ကျောက်တွေကို သိမ်းဆည်းရမိခဲ့တယ်လို့ ဆိုပါတယ်။ အောင်ထွေးရဲ့ ထွက်ဆိုချက်အရ ဇွန် ၁၈ ရက်နေ့မှ ၂၂ ရက်နေ့အထိ လက်သမားအဖွဲ့နဲ့အတူ ဦးကျော်ကျော်ထွန်းရဲ့ နေအိမ်မှာ သွပ်မိုး နေအိမ် ခြံစည်းရိုး ကာရံတာတွေလုပ်ဆောင်ခဲ့ပြီး ဇွန် ၂၄ ရက်နေ့ နေအိမ်မှာ လူမရှိတဲ့အချိန် ဝင်ရောက်ခိုးယူခဲ့တာလို့ သိရပါတယ်။ နေအိမ်အတွင်း ရွှေငွေပစ္စည်းတွေ ၀င်ရောက်ခိုးယူတဲ့ အောင်ထွေးကို ဥပဒေနဲ့အညီအရေးယူဆောင်ရွက်ထားတယ်လို့ သိရပါတယ်။
2 years Ago

May 25, 2019

ချမ်းမြသာစည် မီးဘေးသင့်ပြည်သူများကို လူသုံးပစ္စည်းနှင့်ဆေးဝါးများ ထောက်ပံ့

မန္တလေးမြို့၊ ချမ်းမြသာစည်မြို့နယ်၊ အကွက် ၈၈၃၊ စက်ခေါင်းရုံရပ်ကွက်က မီးဘေးသင့် ပြည်သူတွေအတွက် လူသုံးကုန်ပစ္စည်းတွေနဲ့ ဆေးဝါးထောက်ပံ့တာတွေကို မြန်မာနိုင်ငံ ကြက်ခြေနီအဖွဲ့က မေ ၂၄ ရက်နေ့ ညနေပိုင်းက ပြုလုပ်ခဲ့ပါတယ်။ မြန်မာနိုင်ငံ ကြက်ခြေနီအဖွဲ့အနေနဲ့ သဘာဝဘေးသင့်တဲ့ ပြည်သူတွေကို သတ်မှတ်မူဘောင်တွေနဲ့အညီ ထောက်ပံ့မှုတွေ ပြုလုပ်ပေးနေပြီး အခုနှစ်အတွင်း မီးဘေးနဲ့ လေဘေးသင့်ပြည်သူတွေအတွက် ၁၅ ကြိမ်လောက် ထောက်ပံ့တာတွေ ပြုလုပ်ပေးခဲ့တယ်လို့ သိရပါတယ်။ အခုထောက်ပံ့မှုမှာတော့ လူသုံးကုန်ပစ္စည်းတွေနဲ့ ဆေးဝါးတွေအပါအဝင် ကျပ်နှစ်သိန်းလောက် တန်ဖိုးရှိတဲ့ ထောက်ပံ့ပစ္စည်းတွေ ပေးအပ်နိုင်ခဲ့တယ်လို့ မန္တလေးတိုင်းဒေသကြီး ကြက်ခြေနီကြီးကြပ်မှု ကော်မတီဒုဥက္ကဋ္ဌ ဒေါက်တာ ခင်မောင်ကျော်က ပြောပါတယ်။ မေ ၂၃ ရက်နေ့ နေ့လယ်ပိုင်းက မီးလောင်မှုကြောင့် စက်ခေါင်းရုံရပ်ကွက်က အိမ်ခြေ ၁၄ လုံး မီးဘေးသင့်ခဲ့ပြီး မီးဘေးသင့်ပြည်သူ ၇၁ ဦး ရပ်ကွက်ဓမ္မာရုံမှာ စုပေါင်းနေထိုင်နေကြရတာပါ။ လတ်တလောမှာ မီးဘေးသင့်ပြည်သူတွေအတွက် ဌာနဆိုင်ရာ အဖွဲ့အစည်းတွေအပါအဝင် စေတနာရှင်တွေကလည်း ကူညီထောက်ပံ့တာတွေ ပြုလုပ်ပေးနေတယ်လို့ မီးဘေးသင့်ပြည်သူ ဒေါ်စန်းစန်းနွဲ့က ပြောပါတယ်။ ထိန်ထိန်လင်း
3 years Ago
Up