လာမယ့် ၂၀၁၇ ချန်ပီယံလိဂ် ဗုိုလ်လုပွဲကုို ဝေးလ်က ထောင်စုနှစ် ဘောလုံးကွင်းမှာ ပြုလုပ်သွားမှာဖြစ်တယ်လုို့ ဥရောပဘောလုံးအဖွဲ့ချုပ် (ယူအီးအက်ဖ်အေ) က အတည်ပြု လုိုက်ပါတယ်။ ချန်ပီယံလိဂ် ဗုိုလ်လုပွဲကုို ၂၀၁၇ ခုနှစ် ဇွန်လ ၃ရက်နေ့မှာ ပြုလုပ်သွားမှာပါ။ ဝေးလ်က ကာဒစ်မြို့မှာရှိတဲ့ ထောင်စုနှစ် ဘောလုံးပွဲကွင်းဟာ ပရိသတ်ပေါင်း ၇ သောင်း ၄ ထောင့် ၅ ရာ ဆန့်ပါတယ်။ ဒီကွင်းကြီးမှာပဲ အက်ဖ်အေဖလား၊ လိဂ်ဖလား၊ ကွန်မြူနတီဖလား ဗုိုလ်လုပွဲတွေကုို ၂၀၀၁ ကနေ ၂၀၀၆ အထိ လက်ခံ ကျင်းပခဲ့ပါတယ်။ ထောင်စုနှစ် ဘောလုံးကွင်းကုို ဝေးလ် ရပ်ဘီသမဂ္ဂက ပုိုင်ဆုိုင်တာဖြစ်ပြီး ၁၉၉၉ ခုနှစ်မှာ စတင်ဖွင့်လှစ်ခဲ့ပါတယ်။

ဇွန် ၆ ရက်နေ့ညက ယှဉ်ပြိုင်သွားတဲ့ ချန်ပီယံလိဂ် ဗုိုလ်လုပွဲမှာ ဘာစီလုိုနာက ဂျူဗင်တပ်စ်ကို ၃ ဂိုး ၁ ဂိုးနဲ့ အနုိုင်ရ သွားပါတယ်။ ဂျာမဏီနုိုင်ငံ ဘာလင်မှာ ယှဉ်ပြိုင်သွားတဲ့ ဒီပွဲမှာ ဘာစီလုိုနာက ဘောလုံး ပုိုင်ဆုိုင်မှု အသာစီးနဲ့ ကစားနုိုင်ပေမယ့် ထုိုးဖောက် ကန်သွင်းခွင့်တွေကတော့ အပြန်လှန် ရရှိခဲ့ပါတယ်။ ဘာစီနာအတွက် ဦးဆောင်ဂိုးကုို ပွဲအစ ၄ မိနစ်မှာ ရာကစ်တစ်က သွင်းယူပြီး ဂျူဗင်တပ်စ်အတွက် ချေပဂိုးကုို မုိုရာတာက ၅၅ မိနစ်မှာ သွင်းယူပါတယ်။ ဘာကာအတွက် ဒုတိယဂိုးကုို ဆွာရက်၊ နောက်ဆုံး ဂိုးကုို နေမာက သွင်းယူပြီး ချန်ပီယံလိဂ် ချန်ပီယံဆုကို ဆွတ်ခူးသွားတာပါ။ ဘာစီလုိုနာအသင်းဟာ ချန်ပီယံလိဂ် ဆုဖလားကုို ၅ ကြိမ်မြောက် အဖြစ် ရယူနုိုင်တာပါ။ ဂျုဗင်တပ်ကတော့ ချန်ပီယံလိဂ် ဗုိုလ်လုပွဲမှာ ၆ ကြိမ်မြောက် အဖြစ် ရှုံးပွဲတွေ့သွားတာ ဖြစ်ပါတယ်။ နည်းပြ လူးဝင် ဟင်နရီကေးရဲ့ ဘာစီလုိုနာအသင်းဟာ ဒီနှစ်ဘောလုံးရာသီမှာ ချန်ပီယံလိဂ်၊ စပိန်လာလီဂါနဲ့ ဘုရင့်ဖလား ၃ခုစလုံးကုို ရယူထားပါတယ်။