ချန်ပီယံလိဂ်

June 25, 2019

ချန်ပီယံလိဂ်ဖလားနှင့် ဝေးကွာနေသည့် မက်ဆီကို ဗန်ဟားလ် မေးခွန်းထုတ်

လီယွန်နယ် မက်ဆီ အနေနဲ့ ၂၀၁၄-၁၅ ဘောလုံးရာသီနောက်ပိုင်း ချန်ပီယံလိဂ်ဖလားကို ဘာကြောင့် ရယူနိုင်ခြင်း မရှိတာလဲလို့ နည်းပြဟောင်း ဗန်ဟားလ်က မေးခွန်းထုတ်လိုက်ပါတယ်။ ဟော်လန်နည်းပြဟောင်း ဗန်ဟားလ်ဟာ ဘာစီလိုနာအသင်းနဲ့ မန်ချက်စတာယူနိုက်တက် အသင်းတွေမှာ နည်းပြအဖြစ် တာဝန်ယူခဲ့ဖူးပါတယ်။ တဦးချင်းအနေနဲ့ မက်ဆီကို သဘောကျပြီး သူဟာ ကမ္ဘာ့အကောင်းဆုံး  ကစားသမားတဦးဖြစ်တယ်လို့ ဗန်ဟားလ်က ပြောပါတယ်။ ဒါပေမယ့်လည်း မက်ဆီအနေနဲ့ ချန်ပီယံလိဂ် ဆုဖလားနဲ့ ဘာကြောင့် ဝေးကွာနေရတာလဲလို့ ဗန်ဟားလ်က မေးခွန်းထုတ်ခဲ့ပြီး အသင်းလိုက် အောင်မြင်မှုမှာ ကျရှုံးခဲ့ရတာနဲ့ ပတ်သက်ပြီး မက်ဆီမှာလည်း တာဝန်ရှိတယ်လို့ ဗန်ဟားလ်က ပြောကြားခဲ့ပါတယ်။ ဘာစီလိုနာအသင်းဟာ ၂၀၁၅ ခုနှစ် နောက်ပိုင်းမှာ ချန်ပီယံလိဂ်ဆုဖလား ရယူနိုင်ခြင်း မရှိတော့ဘဲ ပြီးခဲ့တဲ့နှစ်ကလည်း လီဗာပူးအသင်းကို မထင်မှတ်ဘဲ လေးဂိုးပြတ်နဲ့ ရှုံးနိမ့်ပြီး ပြိုင်ပွဲကနေ ထွက်ခဲ့ရပါတယ်။
2 years Ago

June 5, 2019

မန်ယူကို စီရော်နယ်ဒို သွင်းယူခဲ့သည့်ဂိုးအား ချန်ပီယံလိဂ် အကောင်းဆုံးဂိုးအဖြစ် သတ်မှတ် (ရုပ်သံ)

မန်ချက်စတာယူနိုက်တက်ဘက်ကို သွင်းယူခဲ့တဲ့ စီရော်နယ်ဒိုရဲ့ ဂိုးကို ချန်ပီယံလိဂ် အကောင်းဆုံးဂိုးအဖြစ် သတ်မှတ်လိုက်ပါတယ်။ ဥရောပဘောလုံးအဖွဲ့ချုပ်ဟာ ပြီးခဲ့တဲ့ ချန်ပီယံလိဂ် ပြိုင်ပွဲတလျှောက် အကောင်းဆုံးသွင်းဂိုး ၁၀ ဂိုးကို ထုတ်ပြန်ခဲ့ရာမှာ မန်ယူနဲ့ အုပ်စုပွဲစဉ်မှာ သွင်းယူခဲ့တဲ့ ဂျူဗင်တပ်တိုက်စစ်မှူး စီရော်နယ်ဒိုရဲ့ သွင်းဂိုးက နံပါတ်တစ်နေရာမှာ ရပ်တည်ခဲ့တာပါ။ စီရော်နယ်ဒိုဟာ နောက်ခံလူ ဘာဇာဂလီရဲ့ ပေးပို့မှုကနေ မန်ယူနောက်ခံလူ လင်ဒီလော့ဖ်ကို ကျော်ဖြတ်ပြီး မြေမကျ ကန်သွင်းယူခဲ့တာ ဖြစ်ပါတယ်။ စီရော်နယ်ဒိုအနေနဲ့ ချန်ပီယံလိဂ်ပြိုင်ပွဲမှာ ၂ နှစ်ဆက်တိုက် အကောင်းဆုံးသွင်းဂိုးအဖြစ် သတ်မှတ်ခံရတာဖြစ်ပြီး ၂၀၁၈ ပြိုင်ပွဲမှာတော့ ရီးရဲလ်တိုက်စစ်မှူးအဖြစ် ဂျူဗင်တပ်အသင်းကို သွင်းယူခဲ့တဲ့ ဘိုင်စကယ်ကန်ချက်နဲ့ အကောင်းဆုံးသွင်းဂိုးအဖြစ် သတ်မှတ်ခံခဲ့ရပါတယ်။ ဒုတိယအကောင်းဆုံးဂိုးအဖြစ် ဆီမီးဖိုင်နယ်ပွဲစဉ်မှာ လီဗာပူးအသင်းဘက်ကို ဖရီးကစ်ကနေ သွင်းယူခဲ့တဲ့ မက်ဆီရဲ့ဂိုးကို သတ်မှတ်ခဲ့ပါတယ်။ တခြား အကောင်းဆုံးဂိုးတွေအဖြစ် ဘိုင်ယန်အသင်းဘက်ကို သွင်းယူခဲ့တဲ့ မာနေးရဲ့ဂိုး၊ စပါးဘက်ကို သွင်းယူခဲ့တဲ့ ရာကီတစ်ရဲ့ဂိုး၊ ဟော့ဖန်ဟိမ်းဘက်ကို သွင်းခဲ့တဲ့ စတာလင်ရဲ့ဂိုး၊ မန်ယူနိုက်တက်ဘက်ကို သွင်းခဲ့တဲ့ အမ်ဘာပီရဲ့ဂိုး၊ စပါးဘက်ကို သွင်းခဲ့တဲ့ ဒမ်ဘီလီရဲ့ဂိုး၊ မန်ယူနိုက်တက်ဘက်ကိုပဲ သွင်းယူခဲ့တဲ့ ကော်တင်ဟိုရဲ့ဂိုးနဲ့ လီဗာပူးဘက်ကို သွင်းခဲ့တဲ့ ဆွာရက်ဇ်ရဲ့ဂိုးတွေက အကောင်းဆုံး ၁၀ ဂိုးမှာ အစဉ်လိုက် ရပ်တည်ခဲ့ပါတယ်။
2 years Ago
More News
Up