ချင်းပြည်နယ်တွင်

September 18, 2017

ချင်းပြည်နယ်တွင် မိုးရွာသွန်းမှုကြောင့် မြေပြို၊ လမ်းပန်းဆက်သွယ်ရေး ပြတ်တောက်

စက်တင်ဘာ ၁၆ ရက်နေ့ ကစပြီး ရွာသွန်းခဲ့တဲ့ မိုးကြောင့် ချင်းပြည်နယ်လမ်းတွေ မြေပြိုနေပြီး လမ်းပမ်းဆက်သွယ်ရေး ပြတ်တောက်နေတယ်လို့ သိရပါတယ်။ “ကလေးနဲ့ ဖလမ်းလမ်းပိုင်း ဗားလုံနှင့် လုံဘန်းကြားမှာ မနက်က မြေပြိုတယ်။ ဒါကြောင့် ပိတ်မိနေတယ်။ ဟားခါးမှာလည်း အိမ်အနီးမြေတွေပြိုလို့ စောင့်ကြည့်နေတယ်လို့ ပြောနေတယ်။ မိုးရွာရင် နှစ်တိုင်း ဒီလို လမ်းပျက်နေတာ ခရီးသွားတွေ ဒုက္ခရောက်ကြတယ်" လို့ ယာဉ်မောင် ချစ်ထွန်းက ဆိုပါတယ်။ ကလေး-ဖလမ်း လမ်းပိုင်း ဗားလုံနဲ့ လုံဘမ်းအကြား မိုင်တိုင် ၄၅ နဲ့ ၄၆ ကြား မြေပြိုမှုဟာ ဒီနေ့မနက်ပိုင်း ၁၁ နာရီလောက်က ဖြစ်ပွားခဲ့ပြီး ကားဆယ်စီးလောက် စောင့်ဆိုင်းနေရပါတယ်။ ပိတ်ဆို့မှုကို ဖလမ်းမြို့နယ် လမ်းဦးစီးဌာနက အင်ဂျင်နီယာ ၂ ဦးကြီးကြပ်နေပြီး အမြန်ဆုံး မြေပြိုကျမှုကို ဖယ်ရှားနိုင်ရေး ဆောင်ရွက်နေတယ်လို့ သိရပါတယ်။ ဒါ့အပြင် နယ်စပ်ကုန်သွယ်ရေးလမ်းဖြစ်တယ် ရိဒ်ခေါဒါ လမ်းပိုင်းလည်း ပျက်စီးနေတာကြောင့် ကားအချို့ပိတ်မိနေပြီး ကုန်သွယ်မှုလည်း ပြတ်တောက်နေပါတယ်။ ကလေးနယ် နတ်ချောင်းနဲ့ ဖလမ်း လမ်းပိုင်းသစ် ဝေဘူလလမ်းဘက်မှာလည်း ချောင်းကူးတံတားငယ်တစ်စင်းနဲ့ အနီးချောင်းရေ တိုက်စားမှုကြောင်း လမ်းသားမြေပြိုမှု ဖြစ်ပွားနေပြီး အဲဒီလမ်းပိုင်းကိုလည်း အသုံးပြုမှု ရပ်ထားတယ်။ “မိုးဆက်တိုက်ရွာသွန်းမှုကြောင့် မြို့ပေါ်အချို့နေရာမှာ မြေသားပြိုမှုရှိနေပြီး ဟားခါးမြို့ ဈေးဟောင်း ရပ်ကွက် ဒါအိုချိမ်းလမ်း ပေါ်ရှိ လူနေအိမ် ၃ လုံးအနီးတွင် မြေပြိုမှု ဖြစ်ပွားခဲ့တဲ့အတွက် မြို့နယ်ထွေအုပ်၊ စည်ပင်၊ မီးသတ်၊ ရဲတပ်ဖွဲ့နဲ့ ပြည်သူတွေ ပူးပေါင်းပြီး ဒါအိုချိမ်းလမ်းကို ပြန်လည်ပြုပြင်နေတယ်၊ အိမ်သုံးအိမ်ကိုတော့ ဈေးဟောင်း ရပ်ကွက်အုပ်ချုပ်ရေးမှူးရုံးကို ယာယီပြောင်း ရွှေ့ပေးထားပါတယ်၊ လူအထိအခိုက်တော့ မရှိဘူး” လို့ ချင်းပြည်နယ် စည်ပင်ဝန်ကြီး စလိုင်းအိုက်ဇက်ခင် ကပြောပါတယ်။ မင်းရဲစစ်နိုင်
4 years Ago

February 23, 2017

ချင်းပြည်နယ်တွင် ကင်ဆာရောဂါ သုတေသန အမြန်ဆုံးလုပ်မည်

ဖွံ့ဖြိုးမှုအနည်းဆုံးပြည်နယ်တခုဖြစ်တဲ့ ချင်းပြည်နယ်ထဲမှာ ကင်ဆာရောဂါ အဖြစ်များလာတဲ့အတွက်  သုတေသန အမြန်ဆုံးလုပ်ဆောင်မယ်လို့ ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးကပြောပါတယ်။ ဒီကနေ့ အမျိုးသားလွှတ်တော်အစည်းအဝေးမှာ ချင်းပြည်နယ် မဲဆန္ဒနယ်က ဦးကျင့်ခန့်ပေါင် မေးတဲ့ ချင်းပြည်နယ်၊ တီးတိန်မြို့နယ်၊ မွာလ်ဘင်းရွာ ကျေးလက်ကျန်းမာရေးဌာနကို တိုက်နယ်ဆေးရုံအဖြစ် အဆင့်တိုးမြှင့်ဖွင့်လှစ်ပေးဖို့ အစီအစဉ် ရှိ၊ မရှိ မေးခွန်းကို ပြန်လည်ဖြေဆို ရာမှာ အခုလို ထည့်သွင်းပြောတာ ဖြစ်ပါတယ်။ “ပြီးခဲ့တဲ့ရက်က နိုင်ငံတော်သမ္မတရဲ့ ချင်းပြည်နယ်ခရီးစဉ်မှာ ဘာသွားတွေ့လဲဆို အစာအိမ်ယောင်တဲ့ ဟာတွေ၊ အစာအိမ်နဲ့ပတ်သက်တဲ့ ကင်ဆာ၊ အသည်းကင်ဆာတွေ များလာတာ တွေ့ရတဲ့အတွက် သုတေသနအမြန်ဆုံးလုပ်ပြီးတော့ ပြည်သူ့ကျန်းမာရေးကို ပညာပေးတွေ အများကြီး လုပ်ဖို့ လိုပါတယ်။ ဒါကို ပညာပေးလို့ရှိရင် ဆေးရုံလာတဲ့လူနာ အများကြီး နည်းသွားမှာဖြစ်ပါတယ်။ ဒါကို ကျနော်တို့ လုံးဝလုပ်မှာပါ။ မကြာခင်အတွင်းလုပ်မှာပါ။ ဟိုမှာလည်း လုပ်မယ်ဆိုတာ ပြောခဲ့ပါတယ်” လို့ ဒေါက်တာမြင့်ထွေးက ပြောပါတယ်။ မွာလ်ဘင်းကျေးရွာ ကျေးလက်ကျန်းမာရေးဌာနကိုတော့ တိုက်နယ်ဆေးရုံအဆင့် တိုးမြှင့်ပေးဖို့ အစီအစဉ် မရှိသေးဘူးလို့ ၀န်ကြီးက ပြောသွားပါတယ်။
4 years Ago
Up