ချင်းပြည်နယ်

June 27, 2019

ချင်းပြည်နယ်နှင့် ရခိုင်ပြည်နယ်တွင် ဆင်းရဲနွမ်းပါးမှု အများဆုံးဖြစ်နေ 

မြန်မာနိုင်ငံအတွင်း ချင်းပြည်နယ်နဲ့ ရခိုင်ပြည်နယ်တွေမှာ ဆင်းရဲနွမ်းပါးမှုနှုန်း အများဆုံးဖြစ်ပြီး ကယားပြည်နယ်မှာတော့ အနည်းဆုံးဖြစ်တယ်လို့ ဇွန်လ ၂၇ ရက်က ထုတ်ပြန်တဲ့ အစီရင်ခံစာ တစောင်မှာ ဖော်ပြပါတယ်။ မြန်မာနေထိုင်မှု အခြေအနေစစ်တမ်း (၂၀၁၇) ဆင်းရဲနွမ်းပါးမှု အစီရင်ခံစာမှာ ဖော်ပြထားတာဖြစ်ပြီး နေပြည်တော်မှာရှိတဲ့ သင်္ဂဟဟိုတယ်မှာ အစီရင်ခံစာထုတ်ပြန်တဲ့ မိတ်ဆက်အခမ်းအနားကို ကျင်းပခဲ့တာပါ။ စီမံကိန်းနဲ့ဘဏ္ဍာရေးဝန်ကြီးဌာန ဗဟိုစာရင်းအင်းအဖွဲ့ရဲ့ ညွှန်ကြားရေးမှူးချုပ် ဦးဆန်းမြင့်က “အိမ်ထောင်စုတွေကို စာရင်းကောက်တော့ ဒီအိမ်ထောင်စုတွေရဲ့ စားသုံးမှုမှာ food / non food အကုန်လုံးကို ကောက်လိုက်ပြီးတော့ အနိမ့်ဆုံး ကုန်ကျစရိတ်ရဲ့ အောက်မှာရောက်နေတဲ့ ဟာတွေက ကျနော်တို့ ဆင်းရဲနွမ်းပါးမှုဖြစ်တယ်ပေါ့။ ၂၀၀၅ ခုနှစ်က ၄၈ ရာခိုင်နှုန်းရှိတယ်။ ၂၀၁၇ ခုနှစ်မှာတော့ ၂ ဆလောက်ကျသွားပြီး”လို့ ပြောပါတယ်။ ဆင်းရဲနွမ်းပါးမှုစာရင်းအရ ချင်းပြည်နယ်မှာ ၅၈ ရာခိုင်နှုန်းရှိပြီးတော့ ဒေသတွင်း လူ ၁၀ ဦးမှာ ၆ ဦးလောက်က ဆင်းရဲနွမ်းပါးမှုနဲ့ အများဆုံး ကြုံတွေ့နေရတယ်လို့ ဆိုပါတယ်။ ရခိုင်ပြည်နယ်ကတော့  ၄၁ ဒသမ ၆ ရာခိုင်နှုန်းနဲ့ ဆင်းရဲနွမ်းပါးမှု ဒုတိယ အများဆုံး ဖြစ်နေပြီး ရန်ကုန်၊ မန္တလေး၊ တနင်္သာရီတိုင်းဒေသကြီးတွေမှာတော့ ၁၃ ဒသမ ၇၊ ၁၃ ဒသမ ၂ နဲ့ ၁၃ ဒသမ ၂ ရာခိုင်းနှုန်းလောက်ပဲ ဆင်းရဲနွမ်းပါးကြတယ်လို့ အစီရင်ခံစာမှာ ဖော်ပြပါရှိပါတယ်။ ဧရာဝတီတိုင်းမှာ ဆင်းရဲနွမ်းပါးသူ ၁ ဒသမ ၈ သန်းလောက်ရှိပြီး ကယားပြည်နယ်မှာတော့ အခြား ပြည်နယ်နဲ့ တိုင်းဒေသကြီးတွေနဲ့ နှိုင်းယှဉ်မယ်ဆိုရင် ဆင်းရဲနွမ်းပါးမှု မြင့်မားပေမယ့် ဆင်းရဲနွမ်းပါးသူ ၉၁၀၀၀ လောက်ပဲရှိတယ်လို့ အစီရင်ခံစာမှာ ဖော်ပြပါတယ်။ အဲ့ဒီအစီရင်ခံစာထုတ်ပြန်နိုင်ဖို့ ပြည်နယ်နဲ့ တိုင်းဒေသကြီးတွေမှာရှိတဲ့ မြို့နယ်ပေါင်း ၂၉၆ မြို့နယ်ရှိ အိမ်ထောင်စုပေါင်း ၁၃၇၃၀ အပေါ်မှာ ကောက်ယူတွက်ချက်တာဖြစ်ပါတယ်။
2 years Ago

May 21, 2019

တီးတိန်မြို့အနီး ချောက်ထဲ ကားတစီးထိုးကျ၊ ဘုန်းကြီး ၁ ပါးနှင့် လူ ၃ ဦး သေဆုံး

ရန်ကုန်မြို့ကနေ ချင်းပြည်နယ်ရှိ ရိဒ်ရေကန်ကို ခရီးထွက်လာတဲ့ ယာဉ်တစီးဟာ တီးတိန်မြို့အနီး ချောက်ထဲကို ထိုးကျပြီး ဘုန်းကြီးတပါး အပါအဝင် ကားပေါ် လိုက်ပါလာသူအားလုံး သေဆုံးသွားသလို ကားလည်း ရစရာမရှိအောင် ပျက်စီးသွားပါတယ်။ မေလ ၂၀ ရက် မနက် ၅ နာရီလောက်က တီးတိန်မြို့အကျော် မန်ဆောင်တံတားနားက ပေ ၄၀၀ လောက်နက်တဲ့ တောင်ပေါ်လမ်းဘေး ချောက်ထဲ ထိုးကျခဲ့တာလို့ တီးတိန်မြို့ ယာဉ်ထိန်းတပ်ဖွဲ့ခေါင်းဆောင် ဒုရဲအုပ် လန်အင်းခွာက ပြောပါတယ်။ အဲဒီကားပေါ်မှာ ဘုန်းကြီးတပါး၊ ယာဉ်မောင်းနဲ့ တခြား အမျိုးသားတယောက်၊ အမျိုးသမီးတယောက်တို့ လိုက်ပါလာတာပါ။ သေဆုံးသူ ရုပ်အလောင်းတွေကို ညနေ ၃ နာရီအထိ ဆွဲတင်ရာမှာ အလောင်း ၃ လောင်းရထားပြီး တီးတိန်ဆေးရုံကို ပို့ဆောင်ထားတယ်လို့လည်း ဒုရဲအုပ် လန်အင်းခွာက ပြောပါတယ်။ ယာဉ်မတော်တဆမှုမှာ သေဆုံးသူ ၃ ယောက်ကို အဲဒီဒေသမှာပဲ သင်္ဂြိုဟ်ဖို့ အသိမိတ်ဆွေတွေက လာရောက်စီစဉ်နေကြပြီး ဆရာတော်ကိုတော့ ရန်ကုန်ကို ပြန်သယ်ဖို့ ဆောင်ရွက်နေပါတယ်။ ကားဘရိတ်ပေါက်လို့ ချောက်ထဲထိုးကျတာလို့ ယူဆရပြီး မန်ဆောင်အတက် နေရာဟာ အကွေ့ကြီးတဲ့နေရာဖြစ်လို့ အနည်းဆုံး တနှစ်တကြိမ် ယာဉ်မတော်တဆ ဖြစ်လေ့ရှိတယ်လို့ ဒေသခံတဦးက ပြောပါတယ်။ ပျံတော်မူသွားတဲ့ ဆရာတော်ကတော့ ဝေါမြို့နယ် ရတနာမဉ္စူကျောင်းတိုက်က အရှင်ဇေယျာနန္ဒဖြစ်ပြီး ယာဉ်မောင်း ဦးခင်မောင်မြင့်နဲ့အတူ လိုက်ပါစီးနင်းသူ ဦးစံလှနဲ့ ဒေါ်ခင်သန်းဌေးတို့ ဖြစ်ပါတယ်။ သတင်း - မင်းရဲစစ်နိုင်
2 years Ago
More News
Up