ချင်းတွင်းမြစ်

A d v e r t i s e m e n t With Us

May 17, 2019

မင်းကင်းတွင် အမြန်ရေယာဉ်တစီးပေါ်မှ ခရီးသည်နှစ်ဦး မြစ်ထဲပြုတ်ကျ ပျောက်ဆုံး

စစ်ကိုင်းတိုင်း၊ မင်းကင်းမြို့နယ်၊ လောင်းပြည့်ကျေးရွာအနီးမှာ မေ ၁၆ ရက် မနက် ၆ နာရီက အမြန်ရေယာဉ်တစီးပေါ်ကနေ ခရီးသည်နှစ်ဦး ချင်းတွင်းမြစ်ထဲ ပြုတ်ကျ ပျောက်ဆုံးနေပါတယ်။ ခရီးသည်အမျိုးသမီးတဦးဟာ စက်လှေအနောက်ဘက် အိမ်သာသွားရင်း စက်လှေကုန်းပတ် လျှောက်လမ်းကနေ ဟန်ချက်ပျက် ပြုတ်ကျခဲ့တာဖြစ်ပြီး တခြားခရီးသည် အမျိုးသားတဦးက ဆင်းဆယ်ခဲ့ရာကနေ နှစ်ဦးလုံး ရေနစ်မြုပ်သွားခဲ့တာပါ။ ခရီးသည်ပြုတ်ကျခဲ့တဲ့ ရေယာဉ်ကတော့ မင်းသီဟကျော် အမြန်ရေယာဉ်ဖြစ်ပြီး ဟုမ္မလင်းကနေ ထွက်ခဲ့ကာ မင်းကင်းမြို့မှာ ညအိပ်နားခဲ့တယ်လို့ သိရပါတယ်။ အဲ့ဒီကမှတဆင့် မင်းကင်းမြို့ကနေ မေ ၁၆ ရက် မနက် ၅ နာရီအချိန်က ထွက်ခွာခဲ့ပြီးနောက် မနက် ၆ နာရီလောက်မှာ ခရီးသည် ၂ ဦး ရေထဲပြုတ်ကျခဲ့တာပါ။ အမြန်ရေယာဉ်ပေါ်ကနေ ချင်းတွင်းမြစ်ထဲ ပြုတ်ကျခဲ့တဲ့ ခရီးသည်နှစ်ဦးဟာ လေရှီးမြို့ ရေတောင်ရပ်နေ မလောယဲ့မိုင်းနဲ့ ချစ်​မျိုး နေရပ်စုံစမ်းဆဲတို့ ဖြစ်ပါတယ်။ ရေနစ်မြုပ်ခဲ့သူ နှစ်ဦးကိုတော့ မင်းကင်းမြို့ ပုဂ္ဂလိကရေယာဉ်များ စည်းကမ်းထိန်းသိမ်းရေးနှင့် ကြီးကြပ်ရေးအဖွဲ့၊ ရဲတပ်ဖွဲ့ဝင်တွေက ရှာဖွေကယ်ဆယ်နေပါတယ်။ သတင်း - မင်းရဲစစ်နိုင်
2 years Ago

May 22, 2018

ဘတ်ဂျက်အခက်အခဲကြောင့် ချင်းတွင်းမြစ်အတွင်းက တစုန်းငုတ်များ မဖယ်ရှားနိုင်သေး

ငွေကြေးအခက်အခဲကြောင့် ချင်းတွင်းမြစ်အထက်ပိုင်း မြစ်ထဲရှိ အန္တရာယ်များတဲ့ တစုန်းငုတ်တွေကို ဖယ်ရှားဖို့ အစီအစဉ် မရှိသေးဘူးလို့  စစ်ကိုင်းတိုင်းဒေသကြီး အစိုးရအဖွဲ့ဝင် လျှပ်စစ်/လမ်းပန်း ဝန်ကြီး ဦးသန်းညွန့်ဝင်းကပြောပါတယ်။ ရေကြောင်းသွားလာရေးအတွက် အန္တရာယ်များလှတဲ့ တစုန်း ခေါ် ငုတ်တွေကို မြစ်ရေမတိုးခင် ဖယ်ရှားပေးဖို့နဲ့ပတ်သက်ပြီး ခန္တီးမြို့နယ် မဲဆန္ဒနယ်အမှတ် ၂ လွှတ်တော်ကိုယ်စားလှယ်က မေလ ၂၁ ရက် စစ်ကိုင်းတိုင်းဒေသကြီး လွှတ်တော်မှာ မေးခွန်းမေးမြန်းခဲ့တာပါ။ “ခန္တီးမြို့နယ် လုံတုံကျေးရွာနားက ငုတ်တထောင်နေရာနဲ့ ကောင်းဟိန်းကျေးရွာနားက မြစ်လယ်ကောင်နေရာတွေမှာ ငုတ်တွေ အများကြီးရှိနေတယ်။ ငုတ်တွေနဲ့ မြစ်အတွင်း သွားလာနေတဲ့ လှေတွေတိုက်မိရင် လှေမှောက်တာတွေ၊ နစ်မြုပ်တာတွေ ဖြစ်နိုင်တယ်။ အဲလိုဖြစ်ရင် လှေပေါ်ပါတဲ့ ကုန်ပစ္စည်းတွေ ဆုံးရှုံးတာတင်မက လူတွေပါ အသက်အန္တရာယ် ရှိတယ်။ ဒီငုတ်တွေကို လွှတ်တေ်ာပို့ဆက်ကော်မတီ ဥက္ကဋ္ဌနဲ့အဖွဲ့ ချင်းတွင်းမြစ်ကြောင်း ခရီးစဉ်မှာလည်း မြင်တွေ့သွားပြီးသားပါ။ ရေနည်းတဲ့ကာလမှာ မော်တော်တွေက ငုတ်တွေကို ရှောင်ကွင်းပြီး ခက်ခက်ခဲခဲ သွားကြရသလို ရေကြီးတဲ့အခါမှာလည်း တော်တော်များများ ငုတ်ထိုးမိတာတွေ၊ ပန်ကာနဲ့ ခုတ်မိတာတွေ ဖြစ်တဲ့အတွက် ဖယ်ပေးစေလိုတဲ့ ရည်ရွယ်ချက်နဲ့ မေးရတာပါ”လို့ တိုင်းဒေသကြီးလွှတ်တော်ကိုယ်စားလှယ် ဦးသိန်းလှိုင်ဝင်းက ပြောပါတယ်။ ဒီမေးခွန်းနဲ့ပတ်သက်လို့ လျှပ်စစ်/လမ်းပန်း ဝန်ကြီး ဦးသန်းညွန့်ဝင်းက   တိုင်းအစိုးရအဖွဲ့မှာ ဘက်ဂျက် အခက်အခဲရှိတဲ့အတွက် လတ်တလောမှာ မဖယ်ရှားပေး နိုင်သေးဘူးလို့ ပြန်လည်ဖြေကြားခဲ့ပါတယ်။ “လတ်တလောကတော့ ရန်ပုံငွေ မရှိဘူးလေ။ ပြီးတော့ ခန္တီးနဲ့ ဟုမ္မလင်းကြားမှာက သင်္ဘောကြီးတွေ မဆိုက်ဘူး။ ပြည်တွင်းရေကြောင်း သင်္ဘောကြီးတွေ အဲဒီဘက် မသွားဘူး။ ဒေသဆိုင်ရာ စက်လှေလေးတွေလည်း ရှိတယ်။ အဲဒါလည်း ကိုယ့်ဒေသနဲ့ကိုယ်ဆိုတော့ အန္တရာယ်မရှိအောင် ခုတ်မောင်းတတ်ပါတယ်။ နောက်တချက်က ဒီဟာက ဖြည့်စွက်ရန်ပုံငွေနဲ့ လုပ်ရမယ့် လုပ်ငန်း။ ဖြည့်စွက်ရန်ပုံငွေမှာက အဲဒီအတွက် မပါဘူး။ မပါတော့ ပြည်ထောင်စုကို ဘက်ဂျက်တင်ရမှာ။ အခုဟာက ပုံမှန်တော့ လုပ်ပါတယ်။ ဟုမ္မလင်းနဲ့ ဒီတလျှောက်ပေါ့။ ချင်းတွင်းမြစ်ဝထိ။ အဲဒီမှာရှိတဲ့ ငုတ်တွေကတော့ နှစ်စဉ် ဖော်ပါတယ်။ အခုဟာက ဒီလွှတ်တော်ကိုယ်စားလှယ် မေးသွားတာက ခန္တီးနဲ့ ဟုမ္မလင်းကြားက ရွာ ၂ ရွာ။ အဲဒီရွာ ၂ ရွာအနီးမှာရှိတဲ့ ငုတ်တွေကို မေးသွားတာ။ လတ်တလောကတော့ ရန်ပုံငွေမရှိတဲ့အတွက် လုပ်မပေးနိုင်သေးဘူး။ ရေလမ်းထိန်းသိမ်းရေးဆိုတဲ့ ရောဂါတွေ မကုနိုင်သေးခင် ဒဏ်ရာတွေ ဖြစ်တဲ့ ဒီကမ်းပြို၊ ကမ်းထိန်းတွေပဲ ရှိသမျှ ရန်ပုံငွေတွေ အကုန်သုံးနေရတာ ဖြစ်တဲ့အတွက် အဲဒီဘက်ကို မလှည့်နိုင်သေးတာ။ ပြည်ထောင်စုကို ငွေလုံးငွေရင်းတောင်းမယ်။ ရရင် ချက်ချင်းလုပ်ပေးမယ်” ချင်းတွင်းမြစ်ထဲမှာ မှတ်ပုံတင် ပြေးဆွဲနေတဲ့ ရေယာဉ်အသင်း ၂၈ သင်းက ရေယာဉ်အစီးရေ ၇၀၀ နီးပါးလောက်ပြေးဆွဲနေတာဖြစ်ပြီး တစုန်းငုတ်တွေကြောင့် နှစ်စဉ်ဆိုသလို မော်တော်တချို့ မတော်တဆဖြစ်တာတွေလည်း ရှိပါတယ်။ ချင်းတွင်းမြစ်ထဲမှာ ပြေးဆွဲနေတဲ့ ရေယာဉ်တွေကို ရေယာဉ်အမျိုးအစားလိုက်ပြီး အစုန်အဆန် မြစ်ကြောင်း အသုံးပြုခတွေ ပေးနေရပေမယ့် အဖွဲ့အစည်းတွေက မြစ်ကြောင်းဖွံ့ဖြိုးအောင် ဆောင်ရွက်တာမရှိဘူးလို့ ပြောဆိုတာတွေလည်း ရှိနေပါတယ်။ ချင်းတွင်းမြစ်အထက်ပိုင်းဒေသတွေက ရေကြောင်းကိုသာ အဓိကအားထားနေရပြီး အကြောင်းအမျိုးမျိုးကြောင့် ရေကြောင်းတွေ ယာယီပိတ်ထားတဲ့အခါ ကုန်စည်စီးဆင်းမှု ပြတ်တောက်သွားပြီး ကုန်ဈေးနှုန်းအပေါ် ရိုက်ခတ်မှုတွေ ဖြစ်လေ့ရှိပါတယ်။
3 years Ago
More News
Up