.ခံစစ်

January 30, 2021

လီဗာပူးခံစစ်ပိုင်းဒဏ်ရာပြဿနာ အပြောင်းအရွှေ့မပိတ်ခင် အဖြေရှာရမည်ဟု ကလော့ပ်ပြော

နောက်ခံလူ မာတစ် ဒဏ်ရာရခဲ့ပြီးနောက် အပြောင်းအရွှေ့မပိတ်ခင် အဖြေရှာဖို့ လိုတယ်လို့ လီဗာပူးနည်းပြ ကလော့ပ်က ပြောပါတယ်။

လီဗာပူးအသင်းဟာ စပါးကို ၃ ဂိုး ၁ ဂိုးနဲ့ အနိုင်ရခဲ့တဲ့ပွဲစဉ်မှာ နောက်ခံလူ မာတစ်က ဒဏ်ရာကြောင့် ပထမပိုင်းအပြီးမှာ လူစားလဲခဲ့ရတာပါ။ 

နောက်ခံလူ မာတစ်ရဲ့ ဒဏ်ရာက ပြင်းထန်မှုမရှိပေမယ့်လည်း အပြောင်းအရွှေ့မပိတ်ခင်မှာ အဖြေတစ်ခုရှာသွားရမယ်လို့ နည်းပြကလော့ပ်က ပြောပါတယ်။

လီဗာပူးအသင်းမှာ အဓိကနောက်ခံလူတွေဖြစ်တဲ့ ဗန်ဒိုက်၊ ဂျိုးဂိုမက်ဇ်နဲ့ ဖာဘင်ညိုတို့ ဒဏ်ရာရရှိနေချိန်မှာ မာတစ်ပါ ဒဏ်ရာထပ်ရခဲ့တာကြောင့် ကွင်းလယ်လူ ဟန်ဒါဆန်ကို ဗဟိုခံစစ်မှာ အသုံးပြုနေရတာပါ။

လီဗာပူးအသင်းဟာ တနင်္ဂနွေနေ့မှာ ဝက်စ်ဟမ်းအသင်းနဲ့ ကစားသွားရမှာဖြစ်ပြီး မာတစ်နဲ့ ဖာဘင်ဟိုဟာလည်း ပြန်ကစားနိုင်သေးမှာမဟုတ်တာကြောင့် ဟန်ဒါဆန်နဲ့ လူငယ်ခံစစ်မှူး ဖိလစ်ကို ဆက်ပြီးအသုံးပြုသွားရဖို့ ရှိပါတယ်။

9 months Ago
Up