ခေါ်ယူ

August 20, 2022

ကတ်စမဲရိုးကို ခေါ်ယူနိုင်ခဲ့ကြောင်း မန်ယူအသင်း တရားဝင်ကြေညာ

မန်ယူနိုက်တက်အသင်းဟာ ရီးရဲလ်မက်ဒရစ်ကွင်းလယ်လူ ကတ်စမဲရိုးကို ခေါ်ယူနိုင်ခဲ့ကြောင်း တရားဝင် သတင်းထုတ်ပြန်လိုက်ပါတယ်။

ကတ်စမဲရိုးကိုခေါ်ယူဖို့ သဘောတူညီမှုရရှိခဲ့ကြောင်းနဲ့ ဆေးစစ်တာနဲ့အတူ လုပ်ဆောင်စရာတွေကို ဆက်လက်လုပ်ဆောင်နေကြောင်း မန်ယူအသင်းက သတင်းထုတ်ပြန်ပါတယ်။

ကတ်စမဲရိုးဟာ ဘရာဇီးလက်ရွေးစင်အသင်းနဲ့ ၆၃ ပွဲ အပါအဝင် ပရော်ဖက်ရှင်နယ်ပွဲပေါင်း ၅၀၀ ကျော်ကစားခဲ့ပြီး ချန်ပီယံလိဂ်နဲ့ ကိုပါအမေရိကဖလားအပါအဝင် ဆုဖလား ၁၇ လုံးရယူနိုင်ခဲ့ကြောင်း မန်ယူအသင်းရဲ့ ထုတ်ပြန်ချက်မှာ ထည့်သွင်းရေးသားထားပါတယ်။

အသက် ၃၀ နှစ်ရှိကွင်းလယ်လူအတွက် ပြောင်းရွှေ့ကြေးကို တရားဝင်မကြေညာခဲ့ပေမဲ့ ပေါင်သန်း ၇၀ လောက် ပေးချေခဲ့ရပြီး ၄ နှစ်စာချုပ်ချုပ်ဆိုသွားမယ်လို့ သိရပါတယ်။

ရီးရဲလ်မက်ဒရစ်နည်းပြ အန်စလော့တီကတော့ ကတ်စမဲရိုးက အရေးပါတဲ့ကစားသမားဖြစ်ပေမဲ့ သူ့ရဲ့ ဆုံးဖြတ်ချက်အပေါ် လေးစားမှုရှိရမှာဖြစ်ကြောင်း ပြောသွားပါတယ်။

မန်ယူအသင်းအတွက်တော့ ကာလကြာရှည်ကတည်းက ခေါ်ယူလိုနေတဲ့ ကွင်းလယ်လူနေရာအတွက် ကတ်စမဲရိုးက ပြီးပြည့်စုံတဲ့ခေါ်ယူမှုတစ်ခုဖြစ်လာခဲ့ပါတယ်။

3 months Ago

June 11, 2022

ချိန်ဘာလိန်ကို ခေါ်ယူရန် မန်ယူအသင်း စိတ်ဝင်စား

မန်ချက်စတာယူနိုက်တက်အသင်းဟာ လီဗာပူးအသင်းကွင်းလယ်လူ ချိန်ဘာလိန်ကို ခေါ်ယူဖို့ စိတ်ဝင်စားနေပါတယ်။

နည်းပြတန်ဟတ်ဂ်ဟာ ပေါ့ဘာနဲ့ မာတစ်တို့ ထွက်ခွာသွားတဲ့ ကွင်းလယ်ပိုင်းအတွက် ကစားသမားတွေ အများအပြားနဲ့ ချိတ်ဆက်နေတာပါ။ 

ဘာစီလိုနာကွင်းလယ်လူ ဖရန့်ကီဒီယောင်းကို ခေါ်ယူဖို့ အခြေအနေ ကောင်းမွန်လာခဲ့သလို ချိန်ဘာလိန်ကို ခေါ်ယူဖို့လည်း ပစ်မှတ်ထားလာခဲ့တာပါ။ 

အင်္ဂလန်လက်ရွေးစင်ဟောင်းဟာ ပြီးခဲ့တဲ့ရာသီက ပရီးမီးယားလိဂ် ၉ ပွဲပဲ ပွဲထွက်ကစားခွင့်ရရှိခဲ့ပြီး ၁၈ ပွဲကို လူစားဝင်ကစားသမားအနေနဲ့ မိနစ်အနည်းငယ်သာ ကစားခွင့်ရခဲ့တာပါ။ 

အသင်းနဲ့ စာချုပ်သက် တမ်းတစ်နှစ်သာကျန်ရှိတော့ပြီး ပေါင် ၁၀ သန်းရဖို့ လီဗာပူးဘက်က အလိုရှိနေတယ်လို့ talkSPORT သတင်းမှာ ဖော်ပြပါတယ်။

6 months Ago
More News
Up