ခိုက်ရန်ဖြစ်

August 20, 2022

ခိုက်ရန်ဖြစ်ပွားခဲ့သည့် နည်းပြတူချယ်နှင့် ကွန်တီတို့ ပွဲပယ်နှင့် ဒဏ်ကြေးများ ချမှတ်ခံရ

ချဲလ်ဆီးနဲ့ စပါးအသင်းတို့ ၂ ဂိုးစီသရေကျတဲ့ပွဲစဉ်မှာ ခိုက်ရန်ဖြစ်ပွားခဲ့ကြတဲ့ နည်းပြတူချယ်နဲ့ ကွန်တီတို့ဟာ ပွဲပယ်နဲ့ဒဏ်ကြေးတွေ အသီးသီးချမှတ်ခံရပါတယ်။

နည်းပြနှစ်ဦးဟာ တနင်္ဂနွေနေ့ကစားခဲ့တဲ့ လန်ဒန်ဒါဘီမှာ ကတောက်ကဆဖြစ်ခဲ့ပြီး ကြိမ်ဖန်များစွာ အချင်းများခဲ့ကြပါတယ်။

ဂိုးသွင်းယူပြီးချိန်တွေမှာ တစ်ဦးနဲ့တစ်ဦး မခံချင်အောင် အလွန်အကျူးအောင်ပွဲခံခဲ့သလို ထိပ်တိုက်ရင်ဆိုင်မှုတွေဖြစ်ပြီး တွန်းထိုးခဲ့ကြပါတယ်။

အဆိုးဆုံးကတော့ ပွဲပြီးလို့ လက်ဆွဲနှုတ်ဆက်ချိန်မှာ နည်းပြတူချယ်က ကွန်တီရဲ့လက်ကို မလွှတ်တော့ဘဲ ဆွဲထားခဲ့လို့ ရန်ပွဲကပိုမိုကြီး မားလာခဲ့ရတာပါ။

အင်္ဂလန်အက်ဖ်အေကတော့ ချဲလ်ဆီးနည်းပြတူချယ်ကို တစ်ပွဲပယ်နဲ့ ဒဏ်ကြေး ပေါင် ၃၅,၀၀၀  ချမှတ်ခဲ့ပြီး စပါးနည်းပြကွန်တီကိုတော့ ပွဲပယ်ပြစ်ဒဏ်ချမှတ်ခြင်းမရှိဘဲ ဒဏ်ကြေးပေါင် ၁၅,၀၀၀ ချမှတ်ခဲ့ပါတယ်။ 

3 months Ago

July 29, 2022

တိုရီနိုနည်းပြနှင့် အားကစားဒါရိုက်တာတို့ လူမြင်ကွင်းတွင် ခိုက်ရန်ဖြစ်ပွား

အီတလီစီးရီးအေကလပ် တိုရီနိုအသင်းနည်းပြနဲ့ အားကစားဒါရိုက်တာတို့နှစ်ဦးဟာ လူမြင်ကွင်းမှာ အချင်းချင်း ခိုက်ရန်ဖြစ်ပွားခဲ့ကြပါတယ်။

တိုရီနိုအသင်းဟာ သြစတြီးယားနိုင်ငံမှာ ရာသီကြိုလေ့ကျင့်မှုတွေပြုလုပ်နေစဉ်မှာ အသင်းရဲ့ ထိပ်ပိုင်းခေါင်းဆောင် နှစ်ယောက်အကြားမှာ ကိုယ်ထိလက်ရောက် အချင်းများခဲ့တာပါ။

တိုရီနိုအသင်းရဲ့ ခရိုအေးရှားနည်းပြအိုင်ဗန်ဂျူရစ်ဟာ ကားပါကင်မှာ အားကစား ဒါရိုက်တာ ဗက်နက်တီနဲ့ တွန်းထိုးကာ အချင်းများခဲ့ကြပြီး အသင်းတာဝန်ရှိသူတစ်ဦးလို့ ယူဆရသူက ကြားဝင်တားဆီးခဲ့ရပါတယ်။

နည်းပြဂျူရစ်ဟာ အပြောင်းအရွှေ့မှာ ကစားသမားသစ်တွေ ခေါ်ယူခွင့်ရရေးအတွက် ဒါရိုက်တာ ဗက်နက်တီနဲ့ သဘောထားကွဲလွဲခဲ့ပြီးနောက် ကိုထိလက်ရောက် တွန်းထိုးခဲ့ကြတာပါ။

နည်းပြ ဂျူရစ်အနေနဲ့ အသင်းဥက္ကဋ္ဌဆီသွားချိန်မှာ သူ့ကို ဘာမှအသိမပေးခဲ့လို့ လေးစားမှုမရှိကြောင်း၊ အသင်းကို တောင့်တင်းတဲ့လူစာရင်းနဲ့ တည်ဆောက်ပေးမှာဖြစ်ပြီး နည်းပြ တာဝန် အတိုင်းကျေပွန် အောင်လုပ်ဆောင်သင့်ကြောင်း အားကစားဒါရိုက်တာ ဗက်နက်တီက ဒေါသတကြီးပြန်လည် တုံ့ပြန်ခဲ့ပါတယ်။ 

4 months Ago
More News
Up