ခါရာဘတ်ဒေသ

November 9, 2020

ခါရာဘတ်ဒေသ အကြီးဆုံးမြို့ကို သိမ်းပိုက်နိုင်ခဲ့သဖြင့် အဇာဘိုင်ဂျန်နိုင်ငံသားများ အောင်ပွဲခံ

အဇာဘိုင်ဂျန်စစ်တပ်က နာဂေါ်နို ခါရာဘတ်ဒေသရဲ့ ဒုတိယအကြီးဆုံးမြို့ ရှုရှကို သိမ်းပိုက်လိုက်ပြီလို့ အဇာဘိုင်ဂျန် သမ္မတက နိုဝင်ဘာ ၈ ရက်မှာ ပြောလိုက်လို့ နိုင်ငံသားတွေ မြို့တော် တခုရဲ့ လမ်းတွေ ပေါ် ထွက်ပြီး အောင်ပွဲခံနေကြပါတယ်။  အာမေးနီးယားအရာရှိတွေကတော့ မြို့ အသိမ်းခံရတာ မဟုတ်ဘူးလို့ ငြင်းပါတယ်။ အာမေးနီးယား လူမျိုးတွေက ရှုရှိလို့ ခေါ်တဲ့ ရှုရှ မြို့ဟာ ယဉ်ကျေးမှုနဲ့ ဗျူဟာအရ အရေးပါ တဲ့ နေရာဖြစ်လို့ အဇာဘိုင်ဂျန်ရော အာမေးနီးယားပါ ၂ နိုင်ငံလုံးအတွက် အရေးကြီးပါတယ်။  နာဂေါ်နို ခါရာဘတ်ရဲ့ အကြီးဆုံးမြို့ စတေပါနာကာ့တ်ရဲ့ တောင်ဘက် ၉ မိုင်အကွာမှာ ရှိပါတယ်။  နာဂေါ်နို ခါရာဘတ်ဒေသတွင်းနဲ့ အနီးဝန်းကျင်မှာ သီတင်းပတ် ၆ ပတ်ကြာ တိုက်ပွဲတွေ ကြောင့် လူ အယောက် ၁၀၀၀ထက်မနည်း သေဆုံးခဲ့ပါတယ်။  တောင်ထူတဲ့ ဒီဒေသကို အဇာဘိုင်ဂျန် နိုင်ငံအပိုင်လို့ နိုင်ငံတကာက သတ်မှတ်ထားပေမဲ့ ဒေသခံ တိုင်းရင်းသားတွေက အာမေးနီးယန်းလူမျိုးတွေဖြစ်ပြီး သူတို့ပဲ ဒီဒေသကို ထိန်းချုပ်ထား တာပါ။  ဒေသခံကယ်ဆယ်ရေးအဖွဲ့နဲ့ အရာရှိတွေ အာမေးနီးယားကာကွယ်ရေးဝန်ကြီးတို့ကတော့ အဇာဘိုင်ဂျန်သမ္မတရဲ့ စကားကို ပယ်ချပါတယ်။  အကြီးအကျယ် ပျက်စီးခဲ့ပေမဲ့ ခံတပ်မြို့ဟာ တိုက်ခိုက်မှုတွေရဲ့ ထိုးနှက်ချက်တွေကို ကြံ့ကြံ့ခံနေဆဲပဲလို့လည်း ပြောပါတယ်။   ဗျူဟာမြောက် ခံတပ်မြို့အတွက် တိုက်ပွဲတွေ အကြီးအကျယ် ဆက်ဖြစ်နေတုန်းပဲလို့ အာမေးနီးယားကာကွယ်ရေး ဝန်ကြီးဌာနက ပြောပါတယ်။  ဒေသခံကာကွယ်ရေးတပ်ကလည်း အဇာဘိုင်ဂျန်တပ်တွေရဲ့ အကြိမ်ပေါင်းများစွာ ကြိုးစား လာတဲ့ထိုးစစ်ကို တွန်းလှန်ခဲ့ပြီးပြီလို့ ပြောပါတယ်။  တူရကီသမ္မတ တေယစ် အာဒိုဂံကလည်း အဇာဘိုင်ဂျန်ညီအကိုတွေကို ချီးကျူးဂုဏ်ပြုပြီး ဒါဟာ ကျန်ရှိနေသေးတဲ့ သိမ်းပိုက်ခံမြေတွေ မကြာခင် လွတ်မြောက်တော့မယ့် လက္ခဏာပဲလို့ တူရကီအနောက်မြောက် ပိုင်းပြည်နယ် ကိုကေးလီပြည်နယ်မှာ လူအုပ်ကို ပြောတဲ့မိန့်ခွန်းအတွင်း ပြောပါတယ်။ ၁၉၉၀ ပြည့်လွန်နှစ်တွေက ပဋိပက္ခ မတိုင်ခင် ဒီဒေသမှာ အဇာရီ တိုင်းရင်းသားတွေ လွှမ်းမိုးခဲ့ပြီး အဇာဘိုင်ဂျန် အတွက် သမိုင်းဝင် သိသာထင်ရှားတဲ့ နေရာ ဖြစ်ခဲ့ပါတယ်။ နောက်ပိုင်းမှာတော့ အာမေးနီးယားတိုင်းရင်းသားတွေ လူများစု ဖြစ်လာပြီး အုပ်ချုပ်သူတွေလည်း  အာမေးနီးယား လူမျိုးတွေ ဖြစ်လာခဲ့ပါတယ်။ အာမေးနီးယားလူမျိုးတွေ အတွက် ရှုရှမြို့ဟာ ခါရာဘတ် ခရစ်ယာန် ဘုရားကျောင်းရှိရာ နေရာလည်း ဖြစ်ပါတယ်။  
1 year Ago

ခါရာဘတ်ဒေသ ဒုတိယအကြီးဆုံးမြို့ကို သိမ်းယူခဲ့သည့် အဇာဘိုင်ဂျန်ကို တူရကီ ဂုဏ်ပြု

နာဂေါ်နို-ခါရာဘတ်ဒေသရဲ့ ဒုတိယအကြီးဆုံး ရှူရှာမြို့ကို သိမ်းပိုက်မှုအတွက် တူရကီ သမ္မတ တေယစ်အာဒိုဝမ်က အဇာဘိုင်ဂျန်ကို  ဂုဏ်ပြုလိုက်ပါတယ်။  မကြာခင်မှာ သိမ်းပိုက်ခံ ကျန်နယ်မြေတွေလည်း လွတ်မြောက်မယ် ယုံကြည်တယ်လို့ တူရကီအနောက်မြောက်ပိုင်း ခိုချေလီပြည်နယ်မှာ အာဒိုဝမ်က လူအုပ်ကြီးကို ပြောဆိုခဲ့ပါတယ်။ နိုဝင်ဘာ ၈ ရက် အစောပိုင်းမှာပဲ အဇာဘိုင်ဂျန်သမ္မတက ရှူရှာမြို့ကို သိမ်းပိုက်လိုက်တယ်လို့ ကြေညာခဲ့ပေမဲ့ အာမေးနီးယားအရာရှိတွေကတော့ ငြင်းဆိုပါတယ်။ အာမေးနီးယန်းတွေက ရှူရှီလို့ခေါ်ဆိုတဲ့ ရှူရှာမြို့ဟာ နှစ်နိုင်ငံစလုံးရဲ့ ယဉ်ကျေးမှုနဲ့ မဟာဗျူဟာမြောက် အရေးပါတဲ့နေရာဖြစ်ပြီး စဖန်နာကတ်မြို့က ၉ မိုင်အကွာမှာ တည်ရှိပါတယ်။ နာဂေါ်နို-ခါရာဘတ်ဒေသမှာ သီတင်း ၆ ပတ်ကြာ အဇာဘိုင်ဂျန်နဲ့  အာမေးနီးယားတို့  နှစ်ဖက်တိုက်ခိုက်မှုအတွင်း လူ ၁၀၀၀ ထက်မနည်း သေဆုံးခဲ့တယ်လို့ ရိုက်တာသတင်းမှာ ဖော်ပြထားပါတယ်။
1 year Ago
Up