ခါရာဘတ်ခ်

A d v e r t i s e m e n t With Us

November 21, 2020

နာဂေါ်နို ခါရာဘတ်ခ်ဒေသ စတက်ဖါနာဂတ်မြို့ ပြန်ငြိမ်းချမ်းလာဟု ရုရှားထုတ်ပြန်

နာဂေါ်နို ခါရာဘတ်ခ်ဒေသက  စတက်ဖါနာဂတ်မြို့မှာ  အခြေအနေ ပြန်ငြိမ်းချမ်းလာပြိလို့ ရုရုားကာကွယ်ရေးဌာနက နိုဝင်ဘာ  ၂၀  ရက်မှာ ထုတ်ပြန်ပါတယ်။     ရုရှားငြိမ်းချမ်းရေးတပ်ဖွဲ့တွေ စောင့်ကြပ်လိုက်ပါလာတဲ့ နောက်ထပ်ဒုက္ခသည် ယာဉ်တန်း တခုဟာလည်း စတက်ဖါနာဂတ်မြို့ကို ရောက်လာတယ်လို့ ကာကွယ်ရေးဌာနက ဆိုပါတယ်။   နာဂေါ်နိုခါရာဘတ်ခ်ဒေသ တိုက်ပွဲတွေ အဆုံးသတ်ရေးအတွက် ရုရှားအစိုးရက ကြားဝင် စေ့စပ်ခဲ့ပြီး အဲဒီသဘောတူညီချက်အရ  ရုရှားငြိမ်းချမ်းရေးတပ်ဖွဲ့ဝင် နှစ်ထောင်နီးပါး ချထားခဲ့ ပါတယ်။  ငြိမ်းချမ်းရေး သဘောတူညီချက်စည်းကမ်းတွေအရ တခြားနယ်မြေတွေကို စစ်နိုင်သူ အဇာဘိုင်ဂျန်ထံ စွန့်လွှတ်ခဲ့ရပေမဲ့   စတက်ဖါနာဂတ်မြို့ကိုတော့ အာမေးနီးယန်းမျိုးနွယ်စုက ဆက် ထိန်းချုပ်သွားမှာပါ။    နိုဝင်ဘာ ၁၉ ရက်မှာ အာမေးနီးယားနယ်မြေကနေ နာဂေါ်နိုခါရာဘတ်ခ်ဒေသကို ပြန်လာတဲ့ ဒုက္ခသည်  ၁, ၂၃၅ ယောက်ရှိတယ်လို့  ရုရှားကာကွယ်ရေးဌာနက ဆိုပါတယ်။  နိုဝင်ဘာ ၁၄ ရက်ကစလို့ မိခင်နိုင်ငံဆီ ပြန်လာတဲ့ ဒုက္ခသည် ၂,၆၀၀ ကျော်သွားပြီလို့လည်း  ကာကွယ်ရေးဌာနက ထပ်လောင်းပြောဆိုခဲ့ပါတယ်။ 
2 months Ago

October 10, 2020

ခါရာဘတ်ခ်တွင် သိမ်းပိုက်ခဲ့သည့် နေရာနှင့်တင့်ကားများကို အဇာဘိုင်ဂျန်စစ်တပ် ထုတ်ပြန်

တိုက်ပွဲတွေ ဖြစ်နေတဲ့ ခါရာဘတ်ခ် ပဋိပက္ခအတွင်း သိမ်းပိုက်ရရှိတဲ့ တင့်ကားတွေနဲ့ နေရာတွေကို ပြသတဲ့ ဗွီဒီယိုကို အဇာဘိုင်ဂျန် စစ်တပ်က အောက်တိုဘာ ၉ ရက်မှာ ထုတ်ပြန်လိုက်ပါတယ်။ ဗွီဒီယိုထဲမှာ နာဂေါ်နိုခါရာဘတ်ခ် အမှတ်တံဆိပ်နဲ့ တင့်ကားတွေကို စစ်သားတွေက အဇာဘိုင်ဂျန် အလံတွေတပ်ပြီး မောင်းနှင်သွားတာကို တွေ့ရပါတယ်။ ဒါ့အပြင် လူမရှိတော့တဲ့ စခန်းတစ်ခုကို စစ်သားတွေ စစ်ဆေးနေတာကိုလည်း တွေ့ရပါတယ်။  အဇာဘိုင်ဂျန် နယ်မြေဖြစ်တဲ့ နာဂေါ်နိုခရာဘတ်ခ် ဒေသမှာ စက်တင်ဘာ ၂၇ ရက်က စလို့ တိုက်ပွဲတွေ စတင်ခဲ့တာပါ။ တိုက်ပွဲတွေဟာ ၁၉၉၀ စစ်ပွဲနောက်ပိုင်း အဆိုးဆုံး အဆင့်ကို ရောက်လာခဲ့ပါတယ်။ ၁၉၉၀ တုန်းကလည်း နာဂေါ်နိုခရာဘတ်ခ်ဒေသမှာ အဇာဘိုင်ဂျန်တပ်တွေနဲ့ အာမေးနီးယားတပ်တွေ စစ်ဖြစ်ခဲ့ပြီး လူ ၃၀,၀၀၀ ခန့် သေဆုံးခဲ့ပါတယ်။
4 months Ago
Up