ခါဘစ်

September 4, 2020

မက်ဂရီဂေါနှင့် မကျေပွဲပြန်ထိုးမည်ဟု ခါဘစ်၏ နည်းပြ ပြော

မက်ဂရီဂေါနဲ့ မကျေပွဲပြန်လည်ထိုးသတ်ဖို့ရှိတယ်လို့ လိုက်ဝိတ်တန်းလက်ရှိချန်ပီယံ ခါဘစ်ရဲ့ နည်းပြက ပြောပါတယ်။  အိုင်ယာလန်သား မက်ဂရီဂေါနဲ့ ရုရှားသား ခါဘစ်တို့ဟာ ၂၀၁၈ ခုနှစ် အောက်တိုဘာလက လိုက်ဝိတ်တန်း ချန်ပီယံရွှေခါးပတ်လုပွဲအဖြစ် ထိုးသတ်ခဲ့ပြီး ခါဘစ်က အလဲထိုးနဲ့ အနိုင်ရခဲ့တာပါ။  The Express သတင်းစာနဲ့ အင်တာဗျူးမှာတော့ မက်ဂရီဂေါက ပြန်လည်ထိုးသတ်ချင်တယ်ဆိုရင် ဒုတိယအကြိမ် ပြန်လည်ထိုးသတ်ဖို့ရှိပြီး မိမိသာ UFC ဥက္ကဋ္ဌဆိုရင် အဲဒီပွဲကို ပြန်လည်ကျင်းပဖို့ စီစဉ်မယ်လို့ ခါဘစ်ရဲ့ နည်းပြ မန်ဒက်ဇ်ကပြောပါတယ်။  မက်ဂရီဂေါဟာ အခုနှစ် ဇန်နဝါရီလက ထိုးသတ်ခဲ့တဲ့ ဒေါ်နယ်ဆာရုန်းနဲ့ပွဲမှာ အနိုင်ရခဲ့ပြီးနောက် ကစားသမားဘဝကနေ အနားယူကြောင်း ကြေငြာထားတာပါ။  ခါဘစ်ကတော့ ပြီးခဲ့တဲ့နှစ် အောက်တိုဘာ ၂၄ ရက်က ဂျက်စတင်ဂေ့ဂျီနဲ့ ချန်ပီယံကာကွယ်ပွဲမှာ အနိုင်ရရှိထားပါတယ်။  MMA ပရိသတ်တိုင်းက မက်ဂရီဂေါနဲ့ ခါဘစ်တို့ပွဲကို ပြန်လည်ကြည့်ရူလိုကြပြီး  ဒီအချက်ကြောင့် UFC အနေနဲ့ မကျေပွဲအဖြစ် ပြန်လည်စီစဉ်ပေးလိမ့်မယ်လို့ ခါဘစ်ရဲ့နည်းပြ မက်ဒက်ဇ်က သုံးသပ်ခဲ့ပါတယ်။ 
9 months Ago

March 29, 2020

ခါဘစ်ကို မက်ဂရီဂေါ အနိုင်ပြန်ယူလိမ့်မည်ဟု လိုဘော့ဗ် သုံးသပ်

မက်ဂရီဂေါဟာ ခါဘစ်နဲ့ မကျေပွဲ ထိုးသတ်ခွင့်ရဖို့ ထိုက်တန်မှုရှိပြီး အနိုင်ပြန်ယူနိုင်မယ်လို့ အသင်းဖော်ဟောင်း အာတမ်လိုဘော့ဗ်က ပြောပါတယ်။  လိုဘော့ဗ်နဲ့ မက်ဂရီဂေါတို့ဟာ လေ့ကျင့်ဖော်တွေဖြစ်ခဲ့ပြီး မက်ဂရီဂေါအနေနဲ့ ပြိုင်ဘက် ခါဘစ်ကို အနိုင်ယူနိုင်တယ်လို့  လိုဘော့ဗ်က ယုံကြည်နေပါတယ်။  အိုင်ယာလန်သား မက်ဂရီဂေါဟာ ပြီးခဲ့တဲ့ဇန်နဝါရီလက စိန်ခေါ်သူ ဒိုနယ်ဆာရိုနီကို  ၄၀ စက္ကန့် နဲ့ အနိုင်ယူထားတာ ဖြစ်ပါတယ်။  လိုက်ဝိတ်ချန်ပီယံခါဘစ်ကတော့ ချန်ပီယံကာကွယ်ပွဲအဖြစ် ဖာဂူဆန်နဲ့ ထိုးသတ်ရဖို့ရှိပါတယ်။ မက်ဂရီဂေါဟာလည်း ဂတ်ဂျီနဲ့ လာမယ့်နွေရာသီမှာ တပွဲ ထိုးသတ်ဖို့ရှိပါတယ်။  ဒါပေမဲ့ အသင်းဖော်ဟောင်း လိုဘော့ဗ်ကတော့ မက်ဂရီဂေါအနေနဲ့ ခါဘစ်နဲ့ ဖာဂူဆန်ပွဲက အနိုင်ရတဲ့သူနဲ့သာ ထိုးသတ်သင့်တယ်လို့ ဆိုပါတယ်။ ခါဘစ်ဟာ ၂၀၁၈ ခုနှစ်က မက်ဂရီဂေါကို စတုတ္ထအချီမှာ အလဲထိုးပြီး သူ့ဆီက လိုက်ဝိတ်ချန်ပီယံရွှေခါးပတ်ကို ရယူနိုင်ခဲ့တာဖြစ်ပါတယ်။
1 year Ago
Up