ခရီးသည်

February 15, 2019

ပုဂံဒေသတွင် ကုန်​တင်​​ရေယာဉ်​ဖြင့် ခရီးသည်​များကို တင်ဆောင်နေ

မန္တလေးတိုင်း၊ ​ညောင်​ဦးမြို့နယ်​ ပုဂံ​ဒေသရှိ ဧရာဆိပ်​ကမ်းနဲ့ ဘူးဘုရား ဆိပ်​ကမ်းတွေမှာ ကုန်​တင်​​ရေယာဉ်​တွေအသုံးပြုပြီး ဘုရားဖူးတွေကို တင်​​ဆောင်​ ​ပြေးဆွဲနေတယ်​လို့ မန္တ​လေးတိုင်း​ ရေ​ကြောင်းပို့​ဆောင်​​ရေး ညွှန်​ကြားမှု ဦးစီးဌာန တိုင်းဦးစီးမှူး ဦးသန့်​ဇင်​ဦးက ​ပြောပါတယ်​ “တွေရှိရတဲ့ အားနည်းချက်​​တွေက  SAFETY အ​နေနဲ့ ခရီးသည်​တင်​ ​ရေယာဉ်​​တွေမဟုတ်​ပါဘူး။ လုပ်​ငန်းလိုင်​စင်​ပြောင်းလဲ​ပေးဖို့လည်းလိုပါတယ်​။ ​နောက်​တခုက ခရီးသည်​နဲ့အညီ Life Jacket နဲ့ Life buoy ဒီ အသက်​ကယ်​ပစ္စည်း​တွေ ထားရှိဖို့ လိုအပ်​​နေပါတယ်”လို့ ပြောပါတယ်​။ လက်​ရှိ​ပြေးဆွဲနေတဲ့ ​ရေယာဉ်​တွေဟာ မြိုနယ်​အဆင့်က ​ချမှတ်​​ပေးထားတဲ့ ကုန်​တင်​​ရေယာဉ်​လိုင်​စင်​တွေနဲ့ ဘူးဘုရားဆိပ်​ကမ်းနဲ့ ဧရာဇက်​ဆိပ်​တို့က​နေပြီး တန့်​ကြည့်တောင်​ ဘုရားဖူးတွေနဲ့ အ​ပျော်​စီး စင်းလုံးငှားအဖြစ်​ ပြည်​တွင်းဘုရားဖူးတွေရော နိုင်​ငံခြားသား ဧည့် သည်တွေပါ အသုံးပြုနေပြီး  အစီး​ရေ ၂၀၀ ကျော်​​ပြေးဆွဲ နေတယ်​လို့ သိရပါတယ်​။ ဒီိကိစ္စနဲ့ ပတ်သက်ပြီး မန္တ​လေးတိုင်း​ ​ရေ​ကြောင်းပို့​ဆောင်​​ရေး ညွှန်​ကြားမှုဦးစီးဌာန တာဝန်ရှိသူတွေက စက်​​လှေ​မောင်းသူတွေ၊ စက်​​လှေပိုင်​ရှင်​တွေနဲ့တွေ့ဆုံပြီး ​​ရေ​ကြောင်း ဘေးကင်းလုံခြုံ​မှုရှိ​ရေး၊ ​ရေယာဉ်​တွေ စနစ်​တကျ ​ပြေးဆွဲ​ရေးနဲ့ စည်းကမ်းလိုက်​နာ​ရေးတို့အတွက်​ အသိပညာ​ပေး​ဆွေး​နွေးခဲ့ကြပါတယ်​။ ကိုလင်း(​ချောက်​)
3 years Ago

August 16, 2015

ခရီးသည် ၅၄ ဦးပါ အင်ဒိုနီးရှားလေယာဉ် ပျောက်ဆုံးနေ

ခရီးသည် ၅၄ ဦးတင်ဆောင်လာတဲ့ အင်ဒိုနီးရှားခရီးသည်တင်လေယာဉ်တစီးဟာ နိုင်ငံအရှေ့ပိုင်း ပါပူအာပြည်နယ်တွင်းမှာ လေကြောင်းဆိုင်ရာဆက်သွယ်မှု ပြတ်တောက်ပြီး သြဂုတ်လ ၁၆ ရက်နေ့လယ်မှာ ပျောက်ဆုံးခဲ့တယ်လို့ အမျိုးသားရှာဖွေကယ်ဆယ် ရေးအေဂျင်စီ(ဘာဆာနက်စ်)ကပြောပါတယ်။ “လေယာဉ်နဲ့ အဆက်အသွယ်ပြတ်တောက်သွားခဲ့တာပါ” လို့ ဘာဆာနက်စ်ရဲ့ အကြီးအကဲ ဘန်းဘန်ဆိုလီးစတိုင်ယိုက ရိုက်တာသတင်းဌာနကို ဖုန်းနဲ့ဖြေကြားပါတယ်။ ဘာဆာနက်စ်ရဲ့ တရားဝင်တွစ်တာ အကောင့်စာမျက်နှာမှာ ဖော်ပြထားချက်အရ ထရစ်ဂါနာ လေကြောင်းလိုင်းပိုင် အဲဒီလေယာဉ်မှာ အရွယ်ရောက်ပြီးသူ ခရီးသည် ၄၄ ဦး၊ လေယာဉ်အမှုထမ်း ၅ ဦးနဲ့ အရွယ်မရောက်သေးတဲ့ကလေးငယ်နဲ့ မွေးကင်းစ ၅ ဦး ပါဝင်တယ်လို့ ဆိုပါတယ်။ အေတီအာရ် ၄၂-၃၀၀ အမျိုးအစား အဲဒီလေယာဉ်ဟာ ပါပူဝါပြည်နယ်မြို့တော်ဂျေယပူရ်မြို့၊ ဆန်ထာနီလေဆိပ်နဲ့ အော့စ်ဘော်လ်လေ ဆိပ်ကြားပျံသန်းစဉ်မှာ ခုလိုဖြစ်ခဲ့တာပါ။ ပြီးခဲ့တဲ့ ၂၀၁၄ ခုနှစ်၊ ဒီဇင်ဘာလတုန်းကလည်း အဲအေးရှားခရီးသည်တင် လေ ကြောင်းလိုင်းဟာ အင်ဒိုနီးရှားနိုင်ငံ၊ဆူရာဘယမြို့မှ စင်ကာပူနိုင်ငံသို့ပျံသန်းခဲ့ရာမှ လေ ယာဉ်ပျက်ကျပြီး လေယာဉ်ပေါ်ပါခရီးသည် ၁၆၂ ဦးသေဆုံးခဲ့ပါတယ်။ အဲဒီလေယာဉ် ပျက်ကျမှုက အင်ဒိုနီးရှားအစိုးရကို လုံခြုံစိတ်ချရတဲ့ခရီးသွားလာမှုဆိုင်ရာ လုပ်ထုံးလုပ်နည်းတွေကို မြှင့်တင်ဖို့လှုံ့ဆော်ခဲ့တာပါ။ ဇူလိုင်လအတွင်းက နိုင်ငံမြောက်ပိုင်းမှာ လေတပ်ထောက်ပံ့ရေးလေယာဉ်ပျက် ကျပြီး လူပေါင်း ၁၀၀ ကျော်သေဆုံးခဲ့ပြီးနောက်မှာ ဟောင်းနွမ်းအိုမင်းနေတဲ့တပ်သုံး လေယာဉ်တွေကို ပြန်လည်သုံးသပ်စစ်ဆေးဖို့ အင်ဒိုနီးရှားသမ္မတက ကတိပေးထားခဲ့တာပါ။
6 years Ago
Up