ခရိုအေးရှား

A d v e r t i s e m e n t With Us

December 30, 2020

ခရိုအေးရှားတွင် ငလျင်ကြောင့် လူ  ၇ ဦး သေဆုံး

ခရိုအေးရှားနိုင်ငံ မြို့တော် လာဂရက်အနီးမှာ  ဒီဇင်ဘာ ၂၉ ရက်က  ပြင်းအား ရစ်ချ်တာစကေး ၆ ဒသမ ၄ အဆင့်ရှိတဲ့  မြေငလျင်လှုပ်ခဲ့တာကြောင့် လူ  ၇ ယောက်ထက်မနည်း သေဆုံးပြီး အယောက် ၂၀ ကျော် ဒဏ်ရာရတယ်လို့ အယ်ဂျာဇီးယားသတင်းက ဖော်ပြပါတယ်။  ငလျင်ဟာ   မြေအောက်အနက် ၁၀ ကီလိုမီတာကနေ လှုပ်ခဲ့တယ်လို့  ဂျာမန်ဘူမိသိပ္ပံ သုတေသန စင်တာ  GFZ က ဆိုပါတယ်။ လာဂရက်မြို့တော်ဝန်က မြေငလျင်ကြောင့်  ဂလီနာမြို့ထက်ဝက်ဝန်းကျင် ပျက်စီးခဲ့ပြီး အပြိုအပျက်တွေအောက်ကနေ လူတွေကို ဆွဲထုတ်နေတယ်လို့  ပြောဆိုပါတယ်။  မြေငလျင်လှုပ်ခတ်တာကို မြို့တော် လာဂရက် ၊ အိမ်နီးချင်း ဘော့စနီးယား  ၊ ဆားဘီးယား နဲ့ အီတလီနိုင်ငံကပင် သိရှိခံစားခဲ့ပါတယ်။ ဒီဇင်ဘာလ ၂၈ ရက်ကလည်း ခရိုအေးရှားနိုင်ငံအလယ်ပိုင်း ပတ်ထရီနာမြို့ အနီးမှာ ပြင်းအား ၅ ဒသမ ၂ ရှိတဲ့ မြေငလျင် လှုပ်ခဲ့ပါတယ်။ မတ်လတုန်းကလည်း ပြင်းအား ၅ ဒသမ ၃ အဆင့်ရှိ မြေငလျင်ဟာ လာဂရက်မှာ လှုပ်ခဲ့ပြီး တစ်ယောက်သေဆုံးကာ ၂၇ ယောက် ဒဏ်ရာရခဲ့ပါတယ်။ 
2 months Ago

ခရိုအေးရှားမြို့တော် လာဂရက်အနီး မြေငလျင်လှုပ် 

ခရိုအေးရှားနိုင်ငံ မြို့တော် လာဂရက်အနီးမှာ  ဒီဇင်ဘာလ ၂၉ ရက်က  ပြင်းအား  ရစ်ချ်တာစကေး  ၆ ဒသမ ၄ အဆင့်ရှိတဲ့  မြေငလျင်တစ်ခု မြေအောက်အနက် ၁၀ ကီလိုမီတာကနေ လှုပ်ခတ်သွားခဲ့တယ်လို့ GFZ  ဂျာမန်ဘူမိသုတေသန စင်တာက ပြောပါတယ်။ N1 သတင်းချန်နယ်ကတော့  လာဂရက်ကနေ ကီလိုမီတာ ၅၀ အကွာ ပတ်ထရီနာမြို့ကို ဗဟိုပြုလှုပ်ခဲ့တယ်လို့   ထုတ်လွှင့်သွားပါတယ်။ မြေငလျင်ကြောင့်  ထိခိုက်ပျက်စီးမှုအခြေအနေနဲ့ သေဆုံးဒဏ်ရာရသတင်းကို မသိရသေးပါဘူး။  ဒီဇင်ဘာ ၂၈ ရက်ကလည်း ခရိုအေးရှားနိုင်ငံအလယ်ပိုင်း ပတ်ထရီနာမြို့ အနီးမှာ ပြင်းအား ၅ ဒသမ ၂ ရှိတဲ့ မြေငလျင် လှုပ်ခဲ့ပါတယ်။ မတ်လတုန်းကလည်း ပြင်းအား ၅ ဒသမ ၃ အဆင့်ရှိ မြေငလျင်ဟာ လာဂရက်မှာလှုပ်ခဲ့ပြီး လူတစ်ယောက်သေဆုံးကာ ၂၇ ယောက် ဒဏ်ရာရခဲ့ပါတယ်။
2 months Ago

March 23, 2020

ခရိုအေးရှားတွင် ပြင်းအား ၅ ဒဿမ ၃ အဆင့်ရှိ ငလျင်ကြောင့် ၁ ဦးသေဆုံး

ခရိုအေးရှားနိုင်ငံ မြို့တော်ဇာဂရတ်မှာ ငလျင်လှုပ်လို့ အဆောက်အအုံတွေ၊ ယဉ်တွေပျက်စီး တာ၊ ရုတ်တရက်မီးထလောင်တာတွေဖြစ်ခဲ့ပြီး ၁၅ နှစ်အရွယ် လူငယ်တဦးလည်း သေဆုံးခဲ့တယ်လို့ ရိုက်တာသတင်းက ရေးသားထားပါတယ်။  မြို့တော်ဇာဂရတ် မြောက်ဘက်မှာဖြစ်ခဲ့တဲ့ ဒီငလျင်ဟာ ပြင်းအား ၅ ဒဿမ ၃ မဂ္ဂနီ ကျူရှိခဲ့ ပြီး သေဆုံးသူ လူငယ်ကို ပြိုကျနေတဲ့ အဆောက်အအုံပျက်ထဲမှာ တွေ့ရတာလို့ ဇာဂရတ် အရေးပေါ် ဆေးဘက် အင်စတီကျုအကြီးအကဲက ပြောပါတယ်။  ဆယ်စက္ကန့်ကြာလှုပ်ခဲ့တဲ့ ငလျင်ကြောင့် လူတွေဟာ လမ်းတွေပေါ် ပြေးထွက်ခဲ့ရပြီး ကားတွေ အဆောက်အအုံတွေလည်း ပျက်စီးခဲ့ရပါတယ်။  တချို့နေရာတွေမှာ မီးလောင်တာ၊ အင်တာနက်လိုင်း ပြတ်တောက်တာတွေလည်း ဖြစ်ခဲ့ပါတယ်။  ခရိုအေးရှားနိုင်ငံမှာ ကိုရိုနာဗိုင်းရပ်စ် ကူးစက်ခံရသူ ၂၀၆ ဦးရှိကာ၊ သေဆုံးသူ ၁ ဦး ရှိထား ပါတယ်။
12 months Ago
Up