ခရစ္စမတ်ဈေး

December 14, 2018

ပြင်သစ် ခရစ္စမတ်ဈေး တိုက်ခိုက်မှု သံသယရှိသူအား ရဲတပ်ဖွဲ့ ပစ်သတ်

ပြင်သစ်နိုင်ငံ စထရပ်ဘို့မြို့ ခရစ္စမတ်ဈေး တိုက်ခိုက်မှု ကျူးလွန်တဲ့ သံသယရှိသူကို ရဲတပ်ဖွဲ့က ပစ်သတ်ခဲ့တယ်လို့ ရဲသတင်းရင်းမြစ်တွေက ဒီဇင်ဘာ ၁၃ ရက်နေ့မှာ ပြောပါတယ်။ အဲဒီ သံသယရှိသူ ရှရီးရှေးကတ်ကို ၄၈ နာရီကြာ ရှာဖွေပြီးနောက် နူဒေါ့မီနူအရပ်မှာ ပစ်သတ်ခဲ့တာ ဖြစ်ပါတယ်။ ရဲတပ်ဖွဲ့ဝင် ၃ ဦးနဲ့ ရှရီးလို့ ယုံကြည်ရသူတို့ ပက်ပင်းတိုးခဲ့ပြီးနောက် ရဲတွေက သူ့ကိုဖမ်းဖို့ ကြိုးပမ်းခဲ့ရာမှာ သူက ရဲတွေကို စပြီး ပစ်ခတ်ခဲ့တဲ့အတွက် ရဲတွေက ပြန်လည်ပစ်ခတ်ပြီး ရှရီး သေဆုံးခဲ့တယ်လို့ ပြင်သစ် ပြည်ထဲရေးဝန်ကြီးက ပြောပါတယ်။ ရှရီးရှေးကတ် သေဆုံးခဲ့တဲ့သတင်း ထွက်ပေါ်ပြီးနောက် စထရပ်ဘို့မြို့တေ်ာဝန်က သူ့အနေနဲ့ အခြေအနေကို အမြန်ဆုံး ကိုင်တွယ်နိုင်ခဲ့တဲ့အပေါ် စထရပ်ဘို့နဲ့ ပြင်သစ်နိုင်ငံအတွက် စိတ်သက်သာရာ ရမိတယ်လို့ ပြောပါတယ်။ စထရပ်ဘို့မြို့ ခရစ္စမတ်ဈေးမှာ ဒီဇင်ဘာ ၁၁ ရက်နေ့က ရှရီးရှေးကတ်ရဲ့ တိုက်ခိုက်မှုကြောင့် လူ ၃ ဦး သေဆုံးခဲ့ပါတယ်။
3 years Ago

December 13, 2018

ပြင်သစ် ခရစ္စမတ်ဈေးတွင် တိုက်ခိုက်ခဲ့သည့် သေနတ်သမားကို ရှာဖွေနေ

ပြင်သစ်နိုင်ငံအရှေ့ပိုင်း စထရပ်ဘို့ ခရစ္စမတ်ဈေးမှာ တိုက်ခိုက်ခဲ့တဲ့ သေနတ်သမားကို ဒီဇင်ဘာ ၁၂ ရက်နေ့က ရဲတပ်ဖွဲ့ဟာ ရှာဖွေနေပါတယ်။ သံသယရှိသူဟာ စထရပ်ဘို့မြို့မှာ မွေးဖွားတဲ့ အသက် ၂၉ နှစ်အရွယ် ရှီးစီ ဆိုသူဖြစ်ပြီး သူဟာ လုံခြုံရေးအန္တရာယ် ရှိတာမို့ ထောက်လှမ်းရေးရဲ့ စောင့်ကြည့်ခံစာရင်းထဲ ပါဝင်သူဖြစ်ပါတယ်။ ဒီဇင်ဘာ ၁၁ ရက်နေ့က ဖြစ်ခဲ့တဲ့ အဲဒီတိုက်ခိုက်မှုကြောင့် အနည်းဆုံး လူနှစ်ဦး သေဆုံးခဲ့ပြီး သံသယရှိသူဟာ ထောင်ကျစဉ်ကာလက ဘာသာရေး အစွန်းရောက်စိတ် သွတ်သွင်းခံရတယ်ဆိုပြီး သိထားပါတယ်။ တိုက်ခိုက်နေစဉ်အတွင်း သူဟာ “ဘုရားသခင်သာ အမြင့်မြတ်ဆုံး” ဆိုပြီး အော်ဟစ်ခဲ့တယ်လို့ မျက်မြင်တွေက စုံစမ်းရေးမှူးတွေကို ပြောပါတယ်။ ဒီတိုက်ခိုက်မှုနဲ့ပတ်သက်လို့ ဘယ်အဖွဲ့အစည်းကမှ ထုတ်ဖော်ပြောကြားခြင်း မရှိပေမယ့် အမေရိကန်အခြေစိုက် Site ထောက်လှမ်းရေးအဖွဲ့ကတော့ အဲဒီတိုက်ခိုက်မှု ဖြစ်ပြီးနောက် အိုင်အက်စ် ထောက်ခံသူတွေ အောင်ပွဲခံခဲ့ကြတယ်လို့ ပြောပါတယ်။
3 years Ago
More News
Up