ခန္တီးမြို့

July 27, 2021

ခန္တီးမြို့တွင် အချုပ်သား ၁ ဦး ကိုဗစ်-၁၉ ကူးစက်ခံရပြီးသေဆုံး

စစ်ကိုင်းတိုင်း၊ ခန္တီးမြို့မှာ အချုပ်သား တစ်ယောက် ဇူလိုင် ၂၇ ရက် မနက်ပိုင်းက ကိုဗစ်-၁၉ ရောဂါနဲ့ ခန္တီးပြည်သူ့ဆေးရုံမှာ  သေဆုံးသွားတယ်လို့  ဆေးရုံတာဝန်ရှိသူတစ်ဦးက ပြောပါတယ်။

ကိုဗစ်-၁၉ ရောဂါနဲ့ သေဆုံးသွားတဲ့ အချုပ်သားဟာ အသက် ၂၇ နှစ်အရွယ်  မောင်ဖြူဖြစ်ပြီး ဟုမ္မလင်းမြို့နယ် နောင်ပင်ရွာကလို့ သိရပါတယ်။ 

အချုပ်သားဟာ မနေ့က ခန္တီးပြည်သူ့ဆေးရုံမှ တက်ရောက် ဆေးကုသမှုခံယူခဲ့သူဖြစ်ပြီး အောက်ဆီဂျင်ပေး ကုသရင်း ဒီမနက်မှာ သေဆုံးသွားတာလို့   ဆေးရုံတာဝန်ရှိသူ တစ်ဦးက ပြောပါတယ်။ 

ကိုဗစ်ရောဂါနဲ့ သေဆုံးသွားတဲ့ အချုပ်သားကို အစောပိုင်းကတည်းက သီးသန့်ထားထားတာဖြစ်ပြီး နေမကောင်းဖြစ်လို့ မနေ့က စစ်ဆေးရာမှာ ကိုဗစ်ပိုးတွေ့ရှိခဲ့တာပါ။ ကျန်တဲ့အချုပ်သားတွေကိုလည်း ကိုဗစ်ပိုးရှိမရှိဆေးသွားမယ်လို့  ခန္တီးမြို့မရဲစခန်း ရဲတပ်သားတစ်ဦးက ပြောပါတယ်။

ခန္တီးမြို့မရဲစခန်း အချုပ်ခန်းမှာ အချုပ်သား ၁၀၀ ကျော်ရှိပြီး အချုပ်ခန်းဟာ သတ်မှတ်ထား တဲ့လူဦးရေထက်ကျော်လွန်နေတယ်လို့ သိရပါတယ်။  

2 months Ago

July 4, 2021

ခန္တီးမြို့တွင် ဗုံးပေါက်ကွဲသဖြင့် ရဲတစ်ဦး ဒဏ်ရာရ

စစ်ကိုင်းတိုင်း ခန္တီးမြို့မှာ ဇူလိုင် ၄ ရက်နေ့  မနက် ၅ နာရီ မိနစ် ၄၀ လောက်က ဗုံးပေါက်ကွဲခဲ့တယ်လို့ သိရပါတယ်။

ဒေသခံတစ်ဦးက “အခု ဗုံးပေါက်ကွဲတာ ခန္တီးမြို့ ကမ်းနားလမ်းမှာ စစ်အာဏာရှင် ဆန့်ကျင်တဲ့ စာသားပါ သစ်ပင်မှာ ကပ်ထားတဲ့ ဗွီနိုင်းကို သွားဖြုတ်တာ၊ မြောင်းထဲ ပေါက်ကွဲပြီး ရဲတစ်ဦး ဒဏ်ရာရှိခဲ့တယ်” လို့ ပြောပါတယ်။

ခန္တီးမြို့မှာ တပ်ရင်း ၄ ရင်းရှိကာ လက်ရှိမှာ လုံခြုံရေးတင်းကျပ်ထားပြီး ပထမဆုံးအကြိမ် ဗုံးပေါက်ကွဲတာလည်း ဖြစ်ပါတယ်။

3 months Ago
More News
Up