ခင်ပွန်း

September 16, 2021

ကျိုက်ထို NLD ပါတီအလုပ်မှုဆောင်၏ခင်ပွန်း ဖမ်းဆီးခံရပြီး ၄ ရက်အကြာ၌ သေဆုံး

မွန်ပြည်နယ်၊ ကျိုက်ထိုမြို့နယ် အမျိုးသားဒီမိုကရေစီအဖွဲ့ချုပ် NLD ပါတီ အလုပ်မှုဆောင်အဖွဲ့ဝင် ဒေါ်သီတာအေးရဲ့ ခင်ပွန်းဖြစ်သူ ဖမ်းဆီးခံရပြီး ၄ ရက်အကြာမှာ သေဆုံးကြောင်း စစ်ကောင်စီ အကြောင်းကြားလာတယ်လို့ ကျိုက်ထို NLD ပါတီတာဝန်ရှိသူတွေက ဒီဗွီဘီကို ပြောပါတယ်။

စက်တင်ဘာ ၁၂ ရက်နေ့က ကျိုက်ထိုမြို့နယ်၊ ဘိုက္ကားကျေးရွာမှာ ဒေါ်သီတာအေးကို စစ်ကောင်စီက ဖမ်းဆီးဖို့ လာရောက်ခဲ့တာဖြစ်ပြီး ဒေါ်သီတာအေးကို မတွေ့လို့ ခင်းပွန်ဖြစ်သူ ဦးရန်နိုင်ဦးနဲ့ ရပ်ကွက်နေ ကိုထွန်လင်းတို့ကို ဖမ်းဆီးသွားခဲ့တာ ဖြစ်ပါတယ်။

ကိုထွန်းလင်းကတော့ ဖမ်းဆီးခံရပြီး ၁ ရက်အကြာမှာ ပြန်လည်လွတ်မြောက်လာခဲ့တာ ဖြစ်ပါတယ်။

လာရောက်ဖမ်းစီးစဉ် ရိုက်နှက်နှိပ်စက်တာတွေ လုပ်ဆောင်သွားသလို ဖမ်းဆီးပြီး စက်တင်ဘာ ၁၆ ရက်နေ့မှာတော့ ဦးရန်နိုင်ဦး သေဆုံးသွားပြီလို့ စစ်ကောင်စီတပ်ဖွဲ့ဝင်တွေက မိသားစုကို အကြောင်းကြားလာခဲ့တာ ဖြစ်ပါတယ်။

ဦးရန်နိုင်ဦးဟာ ကျိုက်ထိုမြို့နယ် အထွေထွေအုပ်ချုပ်ရေးဦးစီးဌာနရဲ့ ကျေးရွာ စာရေးတစ်ဦးလည်း ဖြစ်ပါတယ်။

ကျိုက်ထိုမြို့နယ်အတွင်းမှာတော့ စစ်ကောင်စီတပ်ဖွဲ့ဝင်တွေက NLD ပါတီဝင်တွေ၊ CDM ဝန်ထမ်းတွေနဲ့ စစ်အာဏာရှင်ဆန့်ကျင်သူတွေကို အင်အားသုံးပြီး ဖမ်းဆီးတာတွေ ဆက်တိုက် လုပ်ဆောင်နေတာ ဖြစ်ပါတယ်။

2 months Ago

May 2, 2021

သတင်းထောက်အမျိုးသမီး၏ခင်ပွန်း ဖမ်းဆီးခံရ

အလွတ်တန်းသတင်းထောက် မသူဇာရဲ့ ဒဂုံတက္ကသိုလ်ဝန်ထမ်းအိမ်ရာက နေအိမ်ကို အကြမ်းဖက်စစ်တပ်က မေ ၁ ရက် နေ့လယ် ၁ နာရီဝန်းကျင်မှာ ဝင်ရောက်ရှာဖွေခဲ့ပြီး မသူဇာကို မတွေ့တဲ့အတွက် သူ့ရဲ့ ခင်ပွန်းကို ဖမ်းဆီးသွားပါတယ်။

သတင်းထောက် မသူဇာဟာ ရန်ကုန်မြို့မှာ စစ်ကောင်စီက ပြည်သူတွေကို မတရား အနိုင်ကျင့်တာတွေကို အင်တာနက်လူမှုကွန်ရက်ကနေ တိုက်ရိုက်ထုတ်လွှင့်ပြီး သတင်း တင်ဆက်ခဲ့သူ ဖြစ်ပါတယ်။

မသူဇာရဲ့နေအိမ်က အင်တာနက်ကြိုးတွေကို စစ်တပ်က ဖြတ်တောက်ခဲ့ပြီး ကင်မရာတစ်လုံး၊ လက်ပတော့တစ်လုံးနဲ့ လက်ကိုင်ဖုန်းလေးလုံးကို သိမ်းယူသွားပါတယ်။

“ကျမက ဖေဖော်ဝါရီလကတည်းက အပြင်မှာပဲ အိပ်တာ။ အဲဒီအိမ်ကို တစ်ခါတလေပဲ အဝင်အထွက်ရှိတယ်။ အဲဒီအိမ်ကို ကျမ လာတယ်ဆိုတဲ့ အသံချက်ချင်းရတာနဲ့ ရဲနဲ့စစ်သား အင်အား သုံးဆယ်လောက်နဲ့  အိမ်ကို ရှေ့ရော နောက်ရော လာဝိုင်းကြတယ်။ သူတို့ မသိနိုင်တဲ့နေရာကနေ ထွက်လိုက်တဲ့အတွက် ကျမ ပါမသွားဘူး။ အိမ်မှာရှိနေတဲ့ ကျမ အမျိုးသားကို သူတို့ခေါ်သွားတယ်” လို့ မသူဇာကပြောပါတယ်။

မသူဇာဟာ လက်ရှိမှာ အလွတ်တန်းသတင်းထောက်တစ်ဦးအဖြစ် ရပ်တည်နေပြီး မော်ဒန်ဂျာနယ်၊ The Irrawaddy သတင်းဌာန၊ RFA သတင်းဌာန၊ 7 Day TV တို့မှာ အလုပ်လုပ်ကိုင်ခဲ့သူဖြစ်ပါတယ်။ 

အဖမ်းခံလိုက်ရတဲ့ မသူဇာရဲ့ အမျိုးသားဟာလည်း သတင်းထောက်ဟောင်း တစ်ယောက် ဖြစ်ပါတယ်။

7 months Ago
Up