ကွယ်ကဘောဆေးရုံ

May 7, 2020

ကွယ်ကဘောဆေးရုံတက်ခဲ့သည့် လူနာအပါအဝင် ၆ ဦးကို မြိုင်ကလေးဆေးရုံ၌ စောင့်ကြည့်

ရန်ကုန်၊ အင်းစိန်မြို့နယ် ကွယ်ကဘောဆေးရုံမှာ  ဆေးကုသမှုခံယူခဲ့တဲ့ အမှတ်(၂) ဘိလပ်မြေစက်ရုံက ဝန်ထမ်း ၁ ဦး၊ သူ့ရဲ့ဇနီးဖြစ်သူနဲ့ သွားရောက်ကြိုဆိုခဲ့တဲ့ လူမှုကယ်ဆယ်ရေး အဖွဲ့ဝင် ၄ ဦး စုစုပေါင်း ၆ ဦးကို  COVID-19 စောင့်ကြည့်လူနာအဖြစ် သီးသန့်ထားရှိတယ်လို့ မြိုင်ကလေးဆေးရုံ တာဝန်ခံဒေါက်တာ ညီညီခိုင်လင်းမောင်က ပြောပါတယ်။ COVID-19 Positive လူနာ Case 152၊  153 နဲ့ 154 သူနာပြုဆရာမ ၃ ဦး အလုပ်လုပ်ကိုင်နေတဲ့ အင်းစိန်မြို့နယ် ကွယ်ကဘောဆေးရုံမှာ ဘိလပ်မြေစက်ရုံ ဝန်ထမ်းဟာ လေဖြန်းရောဂါနဲ့ မေ ၁၉ ရက်မှ  ၂၄ ရက်အထိ ဆေးကုသမှုခံယူခဲ့သလို ဇနီးဖြစ်သူက လူနာစောင့်အဖြစ် အတူရှိနေခဲ့တာပါ။ မြိုင်ကလေးဆေးရုံက လက်ထောက်ဆရာဝန် ဒေါက်တာညီညီခိုင်လင်းမောင် က “ပိုးတွေရှိထားတဲ့ သူနာပြုဆရာမ ၃ ဦးရဲ့ ကွယ်ကဘောဆေးရုံမှာ သူတို့တွေက ၂၆ ရက်နေ့အထိ ဂျုတီဆင်းခဲ့တယ်ဆိုတော့ Contacts ကရှိနေနိုင်တယ်။ ကွယ်ကဘောဆေးရုံကို ဖုန်းဆက်ကြည့်လိုက်တော့ သူတို့က အဲဒီအတိုင်းအတည်ပြုတယ်”လို့ပြောပါတယ်။ အဆိုပါစက်ရုံဝန်ထမ်း ဆေးရုံဆင်းတဲ့နေ့မှာ အရေးပေါ်လူနာတင်ယာဉ်နဲ့ သွားရောက်ကြိုဆိုခဲ့တဲ့အဖွဲ့ဝင် ၄ ဦးလုံး‌ Quaratine ၂၁ ရက် စောင့်ကြည့်ခံယူခဲ့ရတယ်လို့ ပေးဆပ်သူလူမှုကယ်ဆယ်ရေးအဖွဲ့ တာဝန်ခံ ကိုနေလင်းအောင်က ပြောပါတယ်။ စောင့်ကြည့်ခံရတဲ့ စက်ရုံဝန်ထမ်းနေထိုင်တဲ့ ၁၀ ခန်းတွဲ ၂ ထပ်လိုင်းခန်းမှာနေထိုင်တဲ့ စက်ရုံဝန်ထမ်းမိသားစုဝင်တွေကိုပါ ဆေးစစ်ချက်အဖြေမရမချင်း မိမိတို့နေအိမ်တိုက်ခန်းတွေမှာ Stay Home နေထိုင်သွားရမှာ ဖြစ်ပါတယ်။ ဘားအံမြို့နယ်၊ အမှတ်(၂) ဘိလပ်မြေစက်ရုံ(တန် ၄၀၀၀) စက်ရုံနယ်မြေ မြတ်ရတနာဓမ္မာရုံမှာ စောင့်ကြည့်လူနာတွေကို မေ ၅ ရက်ကစတင်ပြီး Quaratine ၂၁ ရက် ထားရှိ ဆောင်ရွက်ခဲ့သလို ရန်ကုန်အမျိုးသားကျန်းမာရေး ဓာတ်ခွဲဌာနကို ဓာတ်ခွဲနမူနာတွေ ပေးပို့တာ ဖြစ်ပါတယ်။ အဆိုပါစောင့်ကြည့်လူနာ ၆ ဦးလုံးရဲ့ ဓာတ်ခွဲနမူနာတွေကိုလည်း မေ ၆ ရက်နေ့က ရန်ကုန်အမျိုးသားကျန်းမာရေး ဓာတ်ခွဲဌာနကို ပေးပို့ထားသလို ကျန်းမာရေးအခြေအနေတွေကို စောင့်ကြည့်နေတယ်လို့ မြိုင်ကလေးဆေးရုံ တာဝန်ရှိသူကပြောပါတယ်။ ကရင်ပြည်နယ်အတွင်း မေ ၄ ရက်က စောင့်ကြည့်လူနာ ၄ ဦးရှိပြီး ရန်ကုန်အမျိုးသား ကျန်းမာရေးဓာတ်ခွဲ ဌာနက ပေးပို့တဲ့အဖြေအရ ၄ ဦးလုံး ရောဂါပိုးမတွေ့ရှိသလို့ ပြည်နယ်အတွင်းကူးစက်မြန် ရောဂါပိုးနဲ့ပတ်သက်ပြီး ဒီကနေ့အထိ ရောဂါပိုးတွေ့ရှိသူ မရှိသေးဘူးလို့သတင်းထုတ်ပြန်ထားပါတယ်။ သတင်း- ရဲမင်းခေါင်
12 months Ago

May 4, 2020

အင်းစိန်မြို့က ကွယ်ကဘောဆေးရုံကို lock down ပြုလုပ်ထား (ဓာတ်ပုံ)

အင်းစိန်မြို့နယ်က အတည်ပြုလူနာအမှတ် ၁၅၂၊ ၁၅၃နဲ့ ၁၅၄ တို့ ၃ ဦးဟာ အင်းစိန် ရွာမအရှေ့ရပ်ကွက်၊ မင်းကြီးလမ်းပေါ်ရှိ ကွယ်ကဘောဆေးရုံမှ သူနာပြုဆရာမတွေ ဖြစ်နေတာကြောင့် အဲဒီဆေးရုံကို တိုင်းကျန်းမာရေးဌာနရဲ့ ညွှန်ကြားချက်အရ မတ်လ ၃ ရက်နေ့ညပိုင်းက စတင်ကာ Lock Down ပြုလုပ်ခဲ့ပါတယ်။ Lock Down ပြုလုပ်ခဲ့တဲ့ ကွယ်ကဘောဆေးရုံဌာနရဲ့ ရောဂါပိုးတွေ့ရှိသူစာရင်းမှာ အင်းစိန်မြို့နယ် အနောက်ကြို့ကုန်း ခဝဲခြံ ၂ လမ်းအဖြတ်ရှိ ယခင်ရက်ပိုင်းက ပိုးတွေ့ရှိခဲ့သူ လူနာ အမှတ် ၁၅၁ ရဲ့ အဆက်ဖြစ်ပြီး ကွယ်ကဘောပုဂ္ဂလိကဆေးရုံးက သူနာပြတွေဖြစ်တဲ့ လူနာအမှတ် ၁၅၂၊ ၁၅၃ နဲ့ ၁၅၄ တို့မှာ ရောဂါပိုးထပ်မံတွေ့ရှိခဲ့တယ်လို့ သိရပါတယ်။ Photo - JPaing / MPA
12 months Ago
Up