ကြံ့ခိုင်ရေးပါတီရုံး

September 14, 2021

မကွေးတိုင်း ကြံ့ခိုင်ရေးပါတီရုံးအနီးဗုံးကွဲ၊ ၃ နှစ်သား ကလေးငယ်အပါအဝင် ၂ ဦး ဒဏ်ရာရ

မကွေးမြို့မှာရှိတဲ့ ကြံ့ခိုင်ရေးပါတီ တိုင်းရုံးအနီးမှာ စက်တင်ဘာ ၁၄ ရက် ဒီမနက်ပိုင်း ၈ နာရီကျော်လောက်က  ဗုံးပေါက်ကွဲခဲ့ပြီးတော့   ၂ ယောက်ဒဏ်ရာ ရရှိခဲ့တယ်လို့ မြို့ခံတွေဆီကနေ သိရပါတယ်။

ဗုံးပေါက်ကွဲမှုမှာ ၃ နှစ်အရွယ်ကလေးတစ်ယောက် အပြင်းထန်ဒဏ်ရာ ရရှိသွားပြီး ပန်းရံလုပ်တဲ့ လူငယ်တစ်ယောက်လည်း ဝမ်းဗိုက်နဲ့  ခြေထောက်ကို ဗုံးစထိမှန် ဒဏ်ရာရရှိခဲ့တယ်လို့ မြို့ခံတစ်ယောက်က ဒီဗွီဘီကို ပြောပါတယ်။

အဲဒီပေါက်ကွဲတဲ့ အချိန်မှာ အသံအကြယ်ကြီးကြားလိုက်ရပြီးတော့ ဘယ်အဖွဲ့က လုပ်ဆောင်တယ်ဆိုတာ မသိရသေးဘဲ စစ်ကောင်စီရဲ့ လက်ပါးစေ ပျူစောထီးတွေ လုပ်တာလည်း ဖြစ်နိုင်တယ်လို့ မြို့ခံတွေက ခန့်မှန်းပြောဆိုပါတယ်။

ပြည်သူတွေအနေနဲ့ အကြမ်းဖက်စစ်ကောင်စီနဲ့ ဆက်နွှယ်နေတဲ့  ရုံး၊ ရဲစခန်း၊ ရဲကင်းတွေအနီးကနေ ရှောင်ရှား သွားလာကြဖို့  ပြည်သူ့ကာကွယ်ရေးတပ်ဖွဲ့ အသီးသီးက သတိပေးချက်ထုတ်ပြန်ထားပါတယ်။

အဆိုပါ ပေါက်ကွဲမှုဖြစ်ပြီးတဲ့နောက်ပိုင်းမှာ မကွေးမြို့ အဝင်အထွက်ဂိတ်တွေကို အကြမ်းဖက် စစ်အုပ်စုက ပိတ်ဆို့လိုက်ပြီးတော့ လမ်းသွားလမ်းလာပြည်သူတွေရဲ့ ဆိုင်ကယ်တွေ၊ ကားတွေကို အသေးစိတ်စစ်ဆေးနေပါတယ်။

1 month Ago

August 29, 2021

မဟာအောင်မြေမြို့နယ် ကြံ့ခိုင်‌ရေးပါတီရုံး ဗုံးပေါက်

မန္တလေးမြို့၊ မဟာအောင်မြေမြို့နယ် ၃၅ လမ်း၊ လမ်း ၉၀ မှာရှိတဲ့ မြို့နယ် ကြံ့ခိုင်ရေးပါတီရုံးမှာ ဩဂုတ် ၂၉ ရက် ညနေ ၅ နာရီဝန်းကျင်က လက်လုပ်ဗုံးပေါက်ကွဲမှုခဲ့ပါတယ်။

လက်လုပ်ဗုံးပေါက်ကွဲမှုကြောင့် ပါတီရုံးအဆောက်အအုံ မျက်နှာကြက် ပြိုကျပျက်စီးခဲ့ပေမယ့် လူထိခိုက်တာမရှိဘူးလို့ သိရပါတယ်။

ပေါက်ကွဲမှုဖြစ်ပြီး မကြာခင်မှာ အာဏာသိမ်းစစ်ကောင်စီရဲ့ လက်နက်ကိုင်အဖွဲ့တွေရောက်လာပြီး စစ်ဆေးတာနဲ့ အနီးပတ်ဝန်းကျင်မှာ လှည့်ပတ်ရှာဖွေတာတွေ လုပ်ခဲ့ကြပါတယ်။

မန္တလေးမြို့၊ ချမ်းမြသာစည်မြို့နယ်၊ မြို့သစ် ၄ ရပ်ကွက် ၆၂ လမ်း၊ ၁၁၂ လမ်းနဲ့ ၁၁၃ လမ်းကြား သစ်​တောရုံး​ရှေ့က စစ်ဆေးရေးဂိတ်မှာလည်း ဩဂုတ် ၂၉ ရက် မနက် ၁၀ နာရီကျော်က လက်လုပ်မိုင်း ပေါက်ကွဲခဲ့ပါတယ်။

2 months Ago
Up