ကြိုတင်မဲပေ

A d v e r t i s e m e n t With Us

October 30, 2020

ဝိုင်းမော်တွင် ကြိုတင်မဲပေး၊ ကိုဗစ်ကာကွယ်ထိန်းချုပ်ရေးစည်းကမ်းလိုက်နာမှု အားနည်း

ကချင်ပြည်နယ် ဝိုင်းမော်မြို့နယ်မှာ အောက်တိုဘာ ၂၉ ရက်နေ့က အသက် ၆၀ အထက် ရှိသူတွေ ရပ်ကွက် အုပ်ချုပ်ရေးမှူးရုံးအချို့မှာ ပထမဆုံး ကြိုတင်မဲပေးခဲ့ကြပြီး ကိုဗစ်-၁၉ ကာကွယ်ထိန်းချုပ်ရေး စည်းကမ်းတွေ လိုက်နာမှု အားနည်းနေတယ်လို့ သိရပါတယ်။ မဲရုံတာဝန်ကျ မြို့နယ် ကျန်းမာရေးဝန်ထမ်းတဦးက "မဲပေးမယ့်သူတွေက ကျန်းမာရေးဌာနက ထုတ်ပြန်ထားသလို ၆ ပေခွာပြီး နေရမှာ အဲ့လိုတွေလည်း မရှိဘူး၊ ထုံးတွေ ဘာတွေလည်း တားထားတာမရှိဘူး၊ စနစ်လည်းမကျဘူး။ mask တော့ ချပေးထားတယ်၊ ဟန်းဂျယ်တော့ ချပေးထားတယ်။ ဒါပေမယ့် အဲ့ဒါတွေကို စွန့်ပစ်ဖို့ အမှိုက်ပုံး ပေးမထားဘူး။ စုပြုံတိုးနေတာ မတော်တဆ မိုးရွာခဲ့ရင် နေဖို့ နေရာမရှိဘူး။  ပိုးရှိတဲ့သူပါလာရင် ကူးပြီ။ ကျမအနေနဲ့  ညွှန်ကြားချက်နဲ့အညီ လုပ်ပေးဖို့ မဲရုံ တာဝန်ရှိသူတွေကို မနက်ကတည်းက ပြောထားတယ်။ ခုထိတော့ ဘာမှမလုပ်သေးဘူး" လို့ ပြောပါတယ်။ ကြိုတင်မဲဆန္ဒပေးခွင့်ရှိသူတွေကို အောက်တိုဘာ ၂၉ ရက်မှစပြီး နိုဝင်ဘာ ၅ ရက်နေ့ထိ မနက် ၈ နာရီကစပြီး ညနေ ၆ နာရီအထိ မဲပေးခွင့်ပြုထားတာလို့ သိရပါတယ်။ ဝိုင်းမော်မြို့ အမှတ် ၂ ရပ်ကွက် ရွေးကောက်ပွဲကော်မရှင် ဥက္ကဋ္ဌက "ကျန်းမာရေးနဲ့အညီ ဖြစ်အောင်လို့ မဲပေးမယ့်သူတွေကို လိုက်ပြောထားတာရှိတယ်၊ ၆ ပေခွာဖို့ စည်းတော့ တားထားတယ်၊ အဲ့လောက်ခွာရင် မဲထည့်တဲ့သူတွေ နေပူထဲနေရမှာ၊ မိုးကာ မဏ္ဍပ်ထိုးရင်တော့ အဆင်ပြေမယ်။ ခုက အခက်အခဲတွေရှိလို့ အဲ့လိုတွေမလုပ်နိုင်တော့ဘူး" လို့ ပြောပါတယ်။ မြစ်ကြီးနားခရိုင်မှာ အသက် ၆၀ နဲ့အထက် ကြိုတင်မဲပေးမယ့်သူ စာရင်းအရ မြစ်ကြီးနားခရိုင်မှာ ၄၅၀၀၀ ကျော်ရှိတဲ့အနက် မြစ်ကြီးနားမြို့နယ်မှာ ၂၈၀၀၀ ကျော်၊   ဝိုင်းမော်မြို့နယ်မှာ ၁၂၉၀၀ ကျော်၊ ချီဖွေမြို့နယ်မှာ ၁၀၀၀ ကျော်၊  ဆော့လော်မြို့နယ်မှာ ၅၀၀ လောက် တနိုင်းမြို့နယ်မှာ ၃၀၀၀ ကျော်နဲ့  အင်ဂျန်းယန် မြို့နယ်မှာ ၁၃၀ ကျော် ရှိတယ်လို့ မြစ်ကြီးနား ခရိုင်ကော်မရှင်အဖွဲ့ခွဲရုံးက သိရပါတယ်။ ရွေးကောက်ပွဲမှာ ဘေးကင်းလုံခြုံစွာ ဆန္ဒမဲပေးနိုင်ဖို့ မဲရုံပြင်ပနဲ့ မဲရုံအတွင်းမှာ တဦးနဲ့တဦး ၆ ပေခွာဖို့၊  နှာခေါင်းစည်း အသုံးပြုဖို့၊ ရေမလို လက်သန့်ဆေးရည်တွေ ထားရှိပေးဖို့ ပြည်ထောင်စု ရွေးကောက်ပွဲကော်မရှင်က ထုတ်ပြန်ကြေညာထားပါတယ်။ မြစ်ကြီးနားခရိုင်မှာ ပြည်နယ် လွှတ်တော် ကိုယ်စားလှယ် (၈၆)ဦး၊ ပြည်သူ့လွှတ်တော် ကိုယ်စားလှယ် (၄၀)ဦး အမျိုးသား လွှတ်တော်ကိုယ်စားလှယ် (၃၂)ဦးရှိပြီး ကိုယ်စားလှယ် (၁၅၈)ဦး ဝင်ရောက်ယှဉ်ပြိုင်  မှာ ဖြစ်ပြီး မဲရုံ ၂၉၃ရုံ ထားရှိမှာ ဖြစ်တယ်လို့ ခရိုင်ရွေးကောက်ပွဲကော်မရှင်အဖွဲ့ခွဲ ရုံးကသိရပါတယ်။ ထူးထူး 
3 months Ago

October 29, 2020

ရန်ကုန်က ဘိုးဘွားများ အိမ်မှာနေရင်း ကြိုတင်မဲပေးသည့်မြင်ကွင်း (ဓာတ်ပုံ) 

ရန်ကုန်မြို့မှာ အသက် ၆၀ အထက် မဲဆန္ဒရှင်တွေ အောက်တိုဘာ ၂၉ ရက် မနက်က စပြီး ကြိုတင်မဲပေးနေကြရာမှာ  သွားလာရခက်ခဲ့တဲ့ သက်ကြီးဘိုးဘွားတွေကိုတော့ နေအိမ်အထိ ကြိုတင်မဲတွေ လိုက်လံကောက်ခံပေးနေပါတယ်။ Photo - Ye Myo Khant / MPA 
3 months Ago

မြန်မာ-ထိုင်းနယ်စပ် မြဝတီမြို့တွင် ကြိုတင်မဲပေး (ဓာတ်ပုံ)

မြန်မာ-ထိုင်းနယ်စပ် ကရင်ပြည်နယ်၊ မြဝတီမြို့မှာ   ၂၀၂၀ ပါတီစုံဒီမိုကရေစီအထွေထွေရွေးကောက်ပွဲအတွက်  ဒီကနေ့ အောက်တိုဘာ ၂၉ ရက်မနက်မှာ ကြိုတင်မဲတွေ စပေးနေကြပါတယ်။ အသက် ၆၀ အထက် သက်ကြီးရွယ်အိုတွေ၊  မသန်စွမ်းသူတွေ၊ ကိုယ်ဆောင်မိခင်တွေ၊ ကျန်းမာရေးမကောင်းသူတွေ၊ ရွေးကောက်ပွဲသတင်းရယူမယ့် သတင်းသမားတွေ၊ မဲရုံတာဝန်ကျသူတွေအပါအဝင် ကြိုတင်မဲပေးခွင့်ရှိသူတွေက သက်ဆိုင်ရာ ရပ်ကွက် ကျေးရွာတွေမှာ  ကြိုတင်ဆန္ဒမဲပေးနေကြတာပါ။ မြဝတီမြို့မှာ အမှတ် ၁ ရပ်ကွက်မှ အမှတ် ၅ ရပ်ကွက် အထိ ရပ်ကွက်ပေါင်း ၅ ခု ရှိပြီး ရွေးကောက်ပွဲဝင်ပြိုင်တဲ့  နိုင်ငံရေးပါတီပေါင်းက ၈ ပါတီရှိပါတယ်။ ဖိုးစီ
3 months Ago
Up