ကြိုတင်ကာကွယ်ရေး

A d v e r t i s e m e n t With Us

May 23, 2020

ကျိုက်ထီးရိုးတောင် တောင်ပြိုမှု မဖြစ်စေရန် ကြိုတင်ကာကွယ်ရေးစလုပ်

မွန်ပြည်နယ်၊ ကျိုက်ထိုမြို့က ဆံတော်ရှင် ကျိုက်ထီးရိုးတောင် တောင်ပြိုမှု မဖြစ်ရအောင် ကြိုတင်ကာကွယ်ရေး အစီအမံတွေ စတင်လုပ်ဆောင်နေပြီလို့ မွန်ပြည်နယ် လူမှုရေးဝန်ကြီး ဒေါက်တာထိန်လင်းက ပြောပါတယ်။ မေ ၂၂ ရက်က ကျင်းပတဲ့ လွှတ်တော် အစည်းအဝေးမှာ သထုံမြို့နယ် မဲဆန္ဒနယ် အမှတ် (၂) ပြည်နယ်လွှတ်တော် ကိုယ်စားလှယ် ဦးအောင်ကျော်သူက ကျိုက်ထီးရိုးတောင် ရေရှည်တည်တံ့ဖို့အတွက် ဘေးအန္တရာယ်ကြိုတင်ကာကွယ်ရေး လုပ်ငန်းစဉ်တွေ ဆောင်ရွက်ပေးဖို့  မေးခွန်းမေးမြန်းတဲ့အပေါ် ဝန်ကြီးက အခုလို ပြောဆိုခဲ့တာပါ။ ကျိုက်ထီးရိုးတောင် တောင်ပြိုမှု မဖြစ်ရအောင် ဗာတီဗာမြက်စိုက်ပျိုးတာအပြင် လိုအပ်တဲ့ နေရာတွေမှာ မြေထိန်းနံရံတွေ တည်ဆောက်သွားဖို့ စီစဉ်နေတယ်လို့ ဆိုပါတယ်။ ဒ့ါအပြင် တောင်ပေါ်ရှိ စျေးဆိုင်းခန်းတွေနဲ့ ဟိုတယ် တိုးချဲ့ တည်ဆောက်မှုကို စတင် ကန့်သတ်နေပြီး အမှိုက်တွေ စနစ်တကျ စွန့်ပစ်နိုင်အောင် နေရာတွေ စီစဉ်ပေးထားတဲ့အပြင် အမှိုက်ဖျက်စက်ရုံကိုလည်း တည်ဆောက်ပေးထားတယ်လို့ ပြောပါတယ်။ မေးခွန်းရှင်က မွန်ပြည်နယ်ဟာ ပြီးခဲ့တဲ့နှစ်တွေရဲ့ ရေကြီးရေလျှံမှုတွေမှာ ဆံတော်ရှင် ကျိုက်သလ္လံစေတီနဲ့ ပေါင်မြို့နယ် မလတ်တောင်တောင်ပြိုတာတွေ ဖြစ်ခဲ့လို့ ကျိုက်ထီးရိုးတောင်ကိုလည်း ကြိုတင်ကာကွယ်ရေးတွေ လုပ်ပေးဖို့ ပြောဆိုခဲ့တာပါ။ ဒါ့အပြင် အဲလို လုပ်ဆောင်ရာမှာ တောင်ပေါ်ရှိ စျေးဆိုင်းခန်းတွေနဲ့ ဟိုတယ်တိုးချဲ့ တည်ဆောက်တာတွေလည်း ကန့်သတ်ပေးဖို့ တင်ပြခဲ့ပါတယ်။ ကျိုက်ထီးရိုးစေတီဟာ နှစ်စဉ် ပြည်တွင်းပြည်ပ ဘုရာဖူးပြည်သူ သန်းချီ လာရောက်နေပါတယ်။
10 months Ago

March 20, 2020

ဆီးရီးယားတွင် ကိုရိုနာဗိုင်းရပ်စ်ကာကွယ်ရေး စလုပ်

ကိုရိုနာဗိုင်းရပ်စ်ကူးစက်တာ မရှိဘူးဆိုပြီး ကြေညာထားတဲ့ ဆီးရီးယားနိုင်ငံမှာ မတ်လ ၁၇ ရက်ကစလို့  ကြိုတင်ကာကွယ်ရေး လုပ်နေပါတယ်။ အစီအမံ တစိတ်တပိုင်းအနေနဲ့ လတ်တာကီယာမြို့ လူနေထိုင်ရာနေရာတွေ၊ ပို့ဆောင်ရေး အချက်အခြာနေရာတွေ၊ ဈေးတွေနဲ့ ဘာသာရေးဆိုင်ရာ နေရာတွေမှာ ပိုးသတ်ဆေး ဖျန်းခဲ့တယ်လို့ မြို့ကောင်စီအကြီးအကဲတဦးက ဆိုပါတယ်။  စစ်ဖြစ်ပွားနေတဲ့ ဆီးရီးယားနိုင်ငံမှာ ကိုရိုနာဗိုင်းရပ်စ် ပျံ့နှံ့တာကို ကာကွယ်ဖို့ ပါလီမန်ရွေး ကောက်ပွဲ ရွှေ့ဆိုင်းတာ၊ ကျောင်းတွေပိတ်တာနဲ့ အများပြည်သူဆိုင်ရာ ပွဲတွေ ဖျက်သိမ်းတာတွေ လုပ်ထားတယ်လို့ အစိုးရတာဝန်ရှိသူတွေက မတ် ၁၄ ရက်က ပြောပါတယ်။  မြို့တော် ဒမတ်စကပ်နဲ့တခြားပြည်နယ် ၃ ခုထက်မနည်းမှာ ကိုရိုနာဗိုင်းရပ်စ် ကူးစက်တာ တွေ တွေ့တယ်လို့ ဆီးရီးယားဆရာဝန်တွေကိုကိုးကားပြီး ဆီးရီးယားဆိုင်ရာ လူ့အခွင့်အရေး စောင့်ကြည့်ရေးအဖွဲ့က ပြောထားပါတယ်။  ဒါပေမဲ့ ဆီရီးယားပညာရေးဝန်ကြီးကတော့ အဲဒီသတင်းကို ငြင်းဆိုခဲ့တယ်လို့ ရိုက်တာသတင်းမှာ ဖော်ပြပါတယ်။  ကမ္ဘာတဝှမ်းနိုင်ငံပေါင်း ၁၉၅ နိုင်ငံမှာ ကိုရိုနာဗိုင်းရပ်စ် ကူးစက်ခံရတဲ့ နိုင်ငံနဲ့ဒေသပေါင်း ၁၇၆ ခု ရှိနေပြီး ဗိုင်းရပ်စ် မတွေ့သေးတဲ့နိုင်ငံဟာ  အနည်းငယ်သာ ရှိတယ်လို့ ဝက်ဆိုက်သတင်း တွေအရ သိရပါတယ်။ 
12 months Ago
Up