ကြာအင်းဆိပ်ကြီး

December 2, 2022

ကြာအင်းဆိပ်ကြီး ခလရ ၂၈၄ မှ တပ်သား ၁ ဦး ပြည်သူ့ရင်ခွင်ခိုလှုံ

ကရင်ပြည်နယ်၊  ကြာအင်းဆိပ်ကြီးမြို့နယ် ခလရ ၂၈၄ မှ တပ်သား ဆက်ပိုင်ထွန်းဟာ ဒီဇင်ဘာ ၁ ရက် မွန်းတည့် ၁၂ နာရီလောက်က နဂါးနီစစ်ကြောင်း ၊ တပ်ခွဲ ၂ နဲ့ KNLA တပ်ရင်း ၁၇ တပ်ခွဲ ၂ ထံ လာရောက်  ပူးပေါင်းကာ အာဏာဖီဆန် CDM လုပ်ခဲ့တယ်လို့ နဂါးနီစစ်​ကြောင်းက သတင်းထုတ်ပြန်ပါတယ်။

CDM တပ်သား စက်ပိုင်ထွန်းကို  လိုအပ်တဲ့ အဝတ်အစား၊ အသုံးအဆောင်နဲ့ ထောက်ပံ့ငွေကို ကူညီပံ့ပိုးခဲ့တယ်လို့ ထုတ်ပြန်ချက်က ဆိုပါတယ်။

နဂါးနီစစ်ကြောင်း ၊ တပ်ခွဲ ၂ နဲ့ KNLA တပ်ရင်း ၁၇ တပ်ခွဲ ၂ ထံ  လာရောက် ပူးပေါင်းပြီး အာဏာဖီဆန် CDM လှုပ်ရှားမှုမှာပါဝင်သူ   ၁၀ ယောက်ကျော်ပြီဖြစ်တယ်လို့ သိရပါတယ်။

ဒါ့ကြောင့် ကျန်နေတဲ့ တပ်မတော်သားတွေလည်း  လူ တစုစာ အာဏာရှင်အတွက် ရပ်တည် မနေဘဲ ပြည်သူနဲ့ အမြန်ဆုံးပူးပေါင်းပြီး ပြည်သူ့ရင်ခွင်ခိုလှုံကြဖို့  ထုတ်ပြန်ချက်က တိုက်တွန်း ထားပါတယ်။

7 days Ago

November 29, 2022

ကြာအင်းဆိပ်ကြီးမြို့နယ်တွင် စစ်ကောင်စီတပ်က ရွာမီးရှို့၊ နေအိမ် ၁၂ လုံး မီးလောင်ပျက်စီး

ကရင်ပြည်နယ်၊ ကြာအင်းဆိပ်ကြီးမြို့နယ်၊ ခလယ်-တံခွန်တိုင်ကျေးရွာအုပ်စုက ငြိမ်းချမ်းမြိုင်ရွာ နေအိမ်တွေကို စစ်ကောင်စီတပ်က  နိုဝင်ဘာ ၂၈ ရက် မွန်းတည့် ၁၂ နာရီလောက်မှာ ဝင်ရောက် မီးရှို့တာကြောင့်   နေအိမ် ၁၂ လုံး မီးလောင်ပျက်စီးသွားတယ်လို့ ဒေသခံတွေက ပြောပါတယ်။

စစ်တပ်က ငြိမ်းချမ်းမြိုင်ရွာရှိ ကေအန်ယူ စခန်းကုန်းကို မီးရှို့တဲ့အပြင် ရွာသားတွေကိုလည်း ရွာ အပြင်ကို မပေးသွားဘဲ ဆက်လက်ဖမ်းဆီးထားပြီး လတ်တလော  အဆက်သွယ်လည်း မရဘူးလို့ အဲဒီရွာသားတွေနဲ့ ဆွေမျိုးတော်စပ်သူတွေက ဆိုပါတယ်။

ပြီးခဲ့တဲ့ရက်တွေက စစ်တပ်နဲ့ KNLA ပူးပေါင်းအဖွဲ့တွေ တိုက်ပွဲဖြစ်ပွားလာခဲ့ပြီးနောက် စစ်ရေးတင်းမာကာ စစ်တပ်က  ရွာနေအိမ်တွေကို မီးစတင်ရှို့ လာခဲ့တယ်လို့ ဒေသခံတွေက ဆိုပါတယ်။ 

နောက်ဆုံးအခြေအနေမှာတော့  တောင်ကလေး ကျေးရွာအုပ်စုက စပြီး ကရင်ကျေးရွာတွေ ဘက်ကို စစ်တပ် အင်အားအလုံးအရင်းနဲ့ ရွာတွေမှာ တပ်ဖြန့် ပိတ်ဆို့ထားလို့ တရွာနဲ့ တရွာ အဆက်အသွယ် လုပ်မရဘူးလို့ သိရပါတယ်။

မြန်မာနိုင်ငံအတွင်းက တိုက်ပွဲဖြစ်တဲ့နေရာတွေမှာ စစ်ကောင်စီတပ်ဟာ အထိခိုက်အကျဆုံးများ လာတာနဲ့အမျှ  ဒေသခံတွေရဲ့ နေအိမ်တွေကို မီးရှို့ဖျက်ဆီးနေသလို ဒေသခံတွေကို ဖမ်းဆီး သတ်ဖြတ်နေတာတွေလည်း ရှိနေပါတယ်။ 

1 week Ago
More News
Up