ကွန်ဒုံးနှင့်စွပ်ထားသည့် ကိုကင်းများ ဝမ်းဗိုက်တွင်း မျိုချသယ်လာသည့် အမျိုးသမီးအား ဖမ်းဆီး

January 31, 2018

ကွန်ဒုံးနှင့်စွပ်ထားသည့် ကိုကင်းများ ဝမ်းဗိုက်တွင်း မျိုချသယ်လာသည့် အမျိုးသမီးအား ဖမ်းဆီး

ဝမ်းဗိုက်အတွင်းထဲမှာ တရားမဝင်ကိုကင်းတွေ ထည့်သွင်းသယ်ဆောင်လာတဲ့ ဘရာဇီးအမျိုးသမီးတဦးကို ထိုင်းနိုင်ငံ၊ သုဝဏ္ဏဘူမိလေဆိပ်မှာ ဇန်နဝါရီ ၃၀ ရက်နေ့က  ဖမ်းဆီးရမိခဲ့ပါတယ်။ အဲဒီအမျိုးသမီးဟာ အီသီယိုးပီးယားလေကြောင်းလိုင်း လေယာဉ် အီးတီ-၆၂၈ နဲ့ စီးနင်းလိုက်ပါလာခဲ့တာဖြစ်တယ်လို့ နေးရှင်းသတင်းတပုဒ်မှာ ဖော်ပြပါတယ်။ သူ့ကိုကြည့်ရတာ စိတ်လှုပ်ရှား ထိတ်လန့်နေပုံရတာမို့ တာဝန်ကျ အကောက်ခွန် စစ်ဆေးရေးအရာရှိတွေက ခေါ်ယူစစ်ဆေးပြီး အိပ်စ်ရေးရိုက်ကြည့်ချိန်မှာ ခုလိုတွေ့ရှိခဲ့ရတာပါ။ နိုင်ငံကူးလက်မှတ်မှာ ဖော်ပြထားချက်အရ အသက် ၂၅ နှစ်အရွယ် အမျိုးသမီးရဲ့ အမည်ကိုတော့ ဂျိုဆက်ခ်စ်ရှဲလီ မန်ဒက်စ်လို့ သိရပါတယ်။ သူဟာ ကွန်ဒုံးတွေနဲ့စွပ်ထားတဲ့ ဒါဇင်နဲ့ချီရှိတဲ့ ကိုကင်းတွေကို မျိုချခဲ့ပြီး အစာအိမ်အတွင်း ထည့်သွင်းသယ်ဆောင်ခဲ့တာဖြစ်ကြောင်း ဝန်ခံထွက်ဆိုထားပါတယ်။ သူဟာ ထိုင်းနိုင်ငံဆီ လေယာဉ်မထွက်ခွာခင်မှာ ကွန်ဒုံးအခုရေ ၆၀ ကို မျိုချခဲ့ပြီးမှ ခုလိုသယ်လာခဲ့တာလို့ ဆိုပါတယ်။ ဝန်ထမ်းတွေဟာ သူ့ကို ဝမ်းနှုတ်စေပြီး အဲဒီကိုကင်းတွေကို ပြန်ထုတ်ခဲ့ပြီးနောက်မှာတော့ မူးယစ်ဆေးဝါးမှောင်ခိုမှုနဲ့ တရားစွဲဆို အရေးယူသွားမှာဖြစ်တယ်လို့ သတင်းမှာ ဖော်ပြပါတယ်။
3 years Ago
Up