ကြင်ရာတော်

September 3, 2020

ထိုင်းဘုရင် ကြင်ရာတော်ကို ရာထူး ပြန်ခန့်

ထိုင်းဘုရင် မဟာဝဂျီရာလောင်ကွန်ဟာ လွန်ခဲ့တဲ့ တနှစ်နီးပါးက အရာချခဲ့တဲ့ တော်ဝင် ကြင်ယာတော်ကို တရားဝင်ဘွဲ့နဲ့ စစ်ဘက်ရာထူးတွေ ပြန်ခန့်အပ်လိုက်တယ်လို့ စက်တင်ဘာ ၂ ရက်က နန်းတော်က ကြေညာပါတယ်။  သူဟာ သစ္စာမစောင့်သိမှုနဲ့ စွပ်စွဲခံရပြီးတဲ့နောက် အများပြည်သူ မြင်ကွင်းကနေ ပျောက်ကွယ်နေခဲ့တာ တနှစ်နီးပါး ရှိပါပြီ။  ထိုင်းနိုင်ငံအတွင်း ဘုရင်သြဇာကို အသစ်တိုးချဲ့လာမှုကို ထိန်းချုပ်ကန့်သတ်ဖို့ တောင်းဆိုတဲ့ အစိုးရဆန့်ကျင်ရေး လူထုဆန္ဒပြပွဲတွေ အရှိန်မြင့်နေချိန်မှာ ခုလိုကြေညာချက် ထွက်လာခဲ့တာပါ။  နတ်ဘုရားတပိုင်းလို ကိုးကွယ်ခံရတဲ့ ဘုရင့်သြဇာကို ကန့်သတ်ရေးဟာ ရှေးရိုးစွဲအစဉ် အလာဝါဒီတွေကြီးစိုးရာ ထိုင်းနိုင်ငံအတွင်း အရင်တုန်းက မပြောကောင်းတဲ့အရာအဖြစ် ရှိနေခဲ့ပါတယ်။  အသက် ၃၅ နှစ်အရွယ် စီးနီနတ်ဝုန်ဗဂျိရာပတ်ခ်ဒီဟာ မနှစ်က အောက်တိုဘာမှာ တော်ဝင် ကြင်ယာတော်ဘွဲ့ ရုပ်သိမ်းခံရပြီး မိဘုရား စုသီဒါကို ပြိုင်ဆိုင်တဲ့ ကျေးဇူးမသိတတ်သူလို့ တော်ဝင် ကြေညာချက်ထဲမှာ ဖော်ပြခံခဲ့ရပါတယ်။  ဒါပေမယ့် စက်တင်ဘာ ၂ ရက်က ထုတ်ပြန်တဲ့အစိုးရရဲ့ တော်ဝင်ဂေဇက်ထဲက ကြေညာချက်မှာတော့ စီးနီနတ်ဟာ အပြစ်ကင်းစင်လို့ တော်ဝင်ကြင်ယာတော် ဘွဲ့သာမက အရင်တုန်းက နန်းတွင်းမှာ ရထားတဲ့ ရာထူးတာဝန် အားလုံးကို ပြန်ထမ်းဆောင်ခွင့် ပြုလိုက်တယ်လို့ ဆိုပါတယ်။  ဒီအမိန့်ဟာ သြဂုတ် ၂၈ ရက်ကစပြီး အသက်ဝင်တယ်လို့ ရိုက်တာသတင်းဌာနက ဖော်ပြ ပါတယ်။
8 months Ago

October 22, 2019

ထိုင်းဘုရင်၏ ကြင်ရာတော် တော်ဝင်ဘွဲ့အမည်နှင့် အဆောင်အယောင်များ ရုပ်သိမ်းခံရ

ထိုင်းဘုရင် မဟာဝဇီရာလောင်ကွန်ဟာ သူ့ရဲ့ တော်ဝင်ကြင်ရာတော်ကို သစ္စာမဲ့မှုအတွက် ဘွဲ့နာမည်တွေအားလုံး ပယ်ဖျက်လိုက်ရုံမက စစ်ဘက် ရာထူးတွေကနေပါ ရုပ်သိမ်းလိုက်တယ်လို့ ထိုင်းဘုရင့်နန်းတော်က အောက်တိုဘာ ၂၁ ရက်မှာ  ထုတ်ပြန်ပါတယ်။ ထိုင်းဘုရင်ဟာ ရာစုနှစ်တခုအတွင်း ပထမဆုံးအနေနဲ့ အသက် ၃၄ နှစ်အရွယ် ဆီရီနတ် ဝုန်ဗာဂျီရာပတ်ဒီကို တော်ဝင်ကြင်ရာတော်အဖြစ် ဇူလိုင်လကမှ တင်မြှောက်ထားခဲ့တာပါ။ ဆီရီနတ်ဟာ နန်းတွင်းသူ နန်းတွင်းသားတွေအတွက် ချမှတ်ထားတဲ့ ကျင့်ဝတ်စည်းကမ်းကို ချိုးဖောက်ပြီး ဘုရင်အပေါ် သစ္စာမဲ့တယ်လို့ စာမျက်နှာ နှစ်မျက်နှာ ပါတဲ့ နန်းတွင်း ကြေညာချက်မှာ ဖော်ပြပါတယ်။ ဒါ့အပြင် ဆီရီနတ်ဟာ ကျေးဇူးမသိတတ်ဘဲ မိဘုရားအဆင့်ကို တိုးမြှင့်ရယူဖို့ အကုန် လုပ်ခဲ့တယ်လို့လည်း ကြေညာချက်က ဖော်ပြပါတယ်။ ဘုရင်ဟာ မေလက နန်းမတက်ခင် ရက်ပိုင်းအလိုမှာ သူ့ရဲ့ သက်တော်စောင့်တပ်ဖွဲ့ ဒုတိယ အကြီးအကဲဖြစ်သူ အသက် ၄၁ နှစ်အရွယ် ဆုသီတာကို လက်ထပ်ပြီး မိဘုရားအဖြစ် တင်မြှောက်ခဲ့ပါတယ်။ အဲဒီနောက် မိဘုရား ဆုသီတာဝဇီရာလောင်ကွန် အယုဒ္ဓယဘွဲ့ကို ချီးမြှင့်ခဲ့ပါတယ်။
2 years Ago
Up