ကွင်းဆင်းစစ်ဆေး

May 5, 2018

ဆက်သွယ်ရေး အော်ပရေတာများ ပေးထားသည့်ကတိအတိုင်း လုပ်မလုပ် ကွင်းဆင်းစစ်ဆေး

  ဆက်သွယ်ရေး အော်ပရေတာတွေအနေနဲ့ သူတို့ပေးထားတဲ့ ကတိကဝတ်တွေ ကျေပွန်လားဆိုတာကို ဆက်သွယ်ရေးညွှန်ကြားမှုဦးစီးဌာနက ကွင်းဆင်း စစ်ဆေးနေပါတယ်။ လိုင်စင်ရ အော်ပရေတာတွေ ဖြစ်တဲ့ အမ်ပီတီ၊ တယ်လီနော၊ အူရီဒူးနဲ့ မိုင်တဲလ်တို့ရဲ့ မြန်မာနိုင်ငံအတွင်း ကွန်ရက်ဖြန့်ကျက် လွှမ်းခြုံနိုင်မှု၊ ကွန်ရက်အရည်အသွေးတွေကို စစ်ဆေးနေတာပါ။ လုပ်ငန်းလိုင်စင်မှာ ပါရှိပြီးဖြစ်တဲ့ အဲဒီ အချက်အလက်တွေနဲ့ တိုင်းတာစစ်ဆေးဖို့ ပြင်ပက နည်းပညာကျွမ်းကျင်သူ အကြံပေးအဖွဲ့ကို ငှားရမ်းထားသလို ဆက်သွယ်ရေး ညွှန်ကြားမှုဦးစီးဌာနက ဝန်ထမ်းတွေလည်း လိုက်ပါပြီး ရွေးချယ်ထားတဲ့ မြို့ပေါင်း ၄၀ နဲ့ အထူးစီးပွားရေးဇုန် ၃ ခု၊ လမ်းမကြီး ၅ ခုတို့မှာ စစ်ဆေးနေတယ်လို့ သတင်းထုတ်ပြန်ထားပါတယ်။
4 years Ago

August 19, 2017

ကော့သောင်းတွင် စားသုံးသူအကာအကွယ်ပေးရေး ကွင်းဆင်းစစ်ဆေး

ကော့သောင်းမြို့၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာနနဲ့ အစားအသောက်နဲ့ ဆေးဝါးကွပ်ကဲရေးဦးစီးဌာနတို့ ပူးပေါင်းပြီး သြဂုတ် ၁၈ ရက် မွန်းလွဲပိုင်းက ကော့သောင်းမြို့အတွင်း ထုတ်လုပ်ရောင်းချနေတဲ့ မုန့်တိုက်လုပ်ငန်းတွေကို ကွင်းဆင်းစစ်ဆေးခဲ့ ကြပါတယ်။ စစ်ဆေးရာမှာ မုန်ဖုတ်လုပ်ငန်းအလုပ်ရုံတွေကို သွားရောက်ပြီး လုပ်ငန်းခွင် သန့်ရှင်းသပ်ရပ်မှုရှိမရှိနဲ့ တားမြစ်ထားတဲ့ ဓာတုဆိုးဆေးတွေ သုံးစွဲမှုရှိမရှိတွေကို စစ်ဆေးမေးမြန်းခဲ့ပါတယ်။ အများပြည်သူ စားသုံးရာမှာ ဘေးအန္တရာယ် မဖြစ်ပေါ်စေဖို့၊ ဓာတုဗေဒဆိုးဆေးတွေ အသုံးမပြုဖို့၊ စားသုံးသူကာကွယ်ရေးဆိုင်ရာ သိကောင်းစရာတွေကိုရှင်းပြပြီး စားသောက်ကုန် ပစ္စည်းတွေရဲ့ တာရှည်ခံဆေး၊ ဆိုးဆေးတွေ၊ ကုန်အမှတ်တံဆိပ်၊ သက်တမ်းလွန်မှုနဲ့ ဈေးကွက်နယ်ပယ် အသီးသီးရှိ စားသောက်ကုန်ပစ္စည်းတွေက ကြုံတွေ့နိုင်တဲ့ ဆိုးကျိုး အန္တရာယ်တွေနဲ့ ထုတ်ကုန်လုံခြုံစိတ်ချရမှု ရှိမရှိ အခြေနေတွေကို ကြည့်ရှုပြီးလုပ်ငန်းရှင်တွေနဲ့ တွေ့ဆုံပြီး အသိပညာပေးတာ လိုအပ်တာတွေကို ကူညီပေးနိုင်ဖို့ လိုက်စစ်တာဖြစ်တယ်လို့ အစားအသောက်နှင့်ဆေးဝါးကွပ်ကွဲမှု ဦးစီးဌာနက တာဝန်ရှိသူတဦးက ပြောပါတယ်။ လတ်ကိုကိုဦး
4 years Ago
Up