ကြက်ဥ

August 15, 2021

ချောက်မြို့တွင် ကြက်ဥ ၁ လုံး ကျပ် ၉၀ နှုန်းဖြင့် ပြည်သူမှ ပြည်သူသို့ ရောင်းချပေး

မကွေးတိုင်း၊ ချောက်မြို့မှာ အလှူရှင်တွေ၊ လူငယ်တွေနဲ့ ကမ်းလင့်လက်များပရဟိတအဖွဲ့တို့ စုပေါင်းပြီး ၈ ကြိမ်မြောက်အဖြစ် ပြည်သူမှ ပြည်သူသို့ ကြက်ဥအလုံး ၃၀၀၀ ကို စျေးနှုန်းချိုသာစွာနဲ့ ဒီကနေ့ သြဂုတ်လ ၁၅ ရက်က ရောင်းချပေးခဲ့ပါတယ်။

ပရဟိတအဖွဲ့ဝင်တစ်ဦးက “အမှတ် ၁၂ နယ်မြေ၊ သံကန်ကုန်းရပ်ကွက်နဲ့ အမှတ် ၁၀ နယ်မြေ၊ ပတ္တမြားအရှေ့ပိုင်း ရပ်ကွက်တွေမှာ နှစ်နေရာခွဲပြီး အခြေခံလူတန်းစားပြည်သူတွေကို ကြက်ဥတစ်လုံး ၉၀ ၊ တစ်ထောင်ဖိုး ၁၁ လုံးနှုန်း လျှော့စျေးနဲ့ ချို့တဲ့တဲ့ မိသားစုတွေကို အဓိကထားပြီး ရောင်းချပေးတာပါ” လို့ ပြောပါတယ်။

စျေးနှုန်းချိုသာစွာနဲ့ ကြက်ဥရောင်းချတဲ့ အစီအစဉ်ကို ဇူလိုင် ၂၆ ရက်နေ့က ပထမအကြိမ်အဖြစ် စတင်ရောင်းချပေးခဲ့တာဖြစ်ပြီး နောက်ထပ်ရောင်းချပေးနိုင်အောင်လည်း ကြိုးစားသွားမယ်လို့ သိရပါတယ်။

2 months Ago

July 29, 2021

ရေဦးမြို့ပေါ်က သက်ကြီးဘိုးဘွားများအတွက် ကြက်ဥအလုံး ၅၀၀၀ ကျော်လှူဒါန်း

စစ်ကိုင်းတိုင်း၊ ရေဦးမြို့မှာ ဇူလိုင် ၂၈ ရက်နေ့က ကိုဗစ်-၁၉ ရောဂါကူးစက်မှုအခြေအနေကြောင့် အလုပ်အကိုင်တွေ မရှိသလောက်ဖြစ်နေပြီး အိမ်ပြင်ထွက်ဖို့ ပင်ခက်ခဲနေကြတာကြောင့်  ၂၀၀၃-၂၀၀၄ ပညာသင်နှစ် အထက (၁) ကျောင်းသားကျောင်းသူဟောင်းတွေက ကြက်ဥအလုံး ၅၁၀၀  ကုသိုလ်ပြုမျှဝေလှူဒါန်းခဲ့ကြပါတယ်။

ကျောင်းသားဟောင်းတစ်ဦးက “မြို့ပေါ်မှာရှိတဲ့ အငြိမ်းစား ဆရာကြီး ဆရာမကြီးတွေ၊ သက်ကြီး ရွယ်ကြီးတွေနဲ့ မှီခိုရာကင်းမဲ့နေသူတွေကို ပေးဝေဖို့ ကျောင်းသား ကျောင်သူဟောင်းတွေစုပြီး ကုသိုလ်ပြုတာပါ ကျနော်တို့ကိုယ်တိုင် အိမ်အရောက်လိုက်လံ ပေးဝေသွားမှာ” လို ပြောပါတယ်။

ရေးဦးမြို့မှာ ကိုဗစ်ကူးစက်ခံရသူများပြားလာတာကြောင့် မြို့ပေါ်မှာ အသွားအလာ မရှိတော့သလို့ ဈေးဆိုင်တွေအားလုံးလိုလိုလည်း ပိတ်ထားခဲ့ကြတာ တလခန့်ကြာမြင့်ပြီဖြစ်လို့ လက်လုပ်လက်စားတွေအတွက် စာရေးသောက်တာ အခက်အခဲတွေ အများကြီးဖြစ်နေကြတယ်လို့ သိရပါတယ်။

3 months Ago
More News
Up