ကျွန်ကုန်သည်ရုပ်တု

A d v e r t i s e m e n t With Us

July 16, 2020

အင်္ဂလိပ်ကျွန်ကုန်သည်ရုပ်တုနေရာတွင်  လူမည်းဆန္ဒပြမိန်းကလေးရုပ်တုဖြင့် အစားထိုး

၁၇ ရာစု အင်္ဂလိပ်ကျွန်ကုန်သည်ရုပ်တုရဲ့နေရာမှာ  အစားထိုးလိုက်တဲ့  လူမည်း ဆန္ဒပြမိန်းက လေးရုပ်တုကို   ဘရစ်စတိုဒေသခံတွေက ကြိုဆိုကြပါတယ်။ ပြီးခဲ့တဲ့လတုန်းက လူမျိုးရေး ခွဲခြားမှုကို ဆန့်ကျင်ဆန္ဒပြသူတွေက အင်္ဂလိပ်ကျွန်ကုန်သည် ရုပ်တုကို ဖြိုချခဲ့ပြီးနောက် ဇူလိုင်လ ၁၅  ရက် မနက်မှာ  လူမည်း ဆန္ဒပြ  မိန်းကလေးရုပ်တုကို မြင်တွေ့ရတာပါ။ လက်သီးဆုပ်ပြီး လေထဲမြောက်ထားတဲ့  တက်ကြွလှုပ်ရှားသူ  ဂျန်ရိဒ်ရဲ့ ရုပ်တုကို အနုပညာရှင် မက်ကွင်း ရဲ့အဖွဲ့တစ်ဖွဲ့က  စိုက်ထူခဲ့တာ ဖြစ်ပါတယ်။ ရုပ်တုထားရှိတာနဲ့ပတ်သက်လို့ ရိုက်တာအင်တာဗျူးတဲ့ ဒေသခံတွေက  ရုပ်တုသစ်ကို ကြိုဆိုတယ်လို့ ပြောဆိုခဲ့ပေမယ့်  တစ်ယောက်ကတော့ လူမည်းလှုပ်ရှားမှုကို  ဆန့်ကျင်သူတွေရဲ့ ဝေဖန်တာ ကြုံရမှာကို  စိုးရိမ်တယ်လို့ ဆိုပါတယ်။ အင်္ဂလိပ် ကျွန်ကုန်သည်  အက်ဒ်ဝပ်ကော်စတန်ရဲ့ ရုပ်တုကိုတော့  ဘရစ်စတိုပြတိုက်မှာ ပြသသွားမယ်လို့ ရိုက်တာသတင်းအရ သိရပါတယ်။ 
7 months Ago

June 8, 2020

ဗြိတိန်ရှိ လူမျိုးရေးခွဲခြားမှုဆန္ဒပြသူများ ကျွန်ကုန်သည်ရုပ်တုကို မြစ်အတွင်း ပစ်ချ

ဗြိတိန်နိုင်ငံမှာ လူမျိုးရေးခွဲခြားမှု ဆန့်ကျင်ရေး ဆန္ဒပြသူတွေက ၁၇ ရာစုက ကျွန်ကုန်သည် အဒ်ဒွပ် ကိုးလ်စတွန်ရဲ့ ကြေးရုပ်ကို ဇွန်လ ၇ ရက်က မြေပေါ်လှိမ့်ယူသွားကြပြီး ဘရစ္စတိုးလ်မြို့က အာဗွန်မြစ်ထဲ ပစ်ချခဲ့ကြပါတယ်။ ဗြိတိန်တလွှား ထောင်ချီတဲ့ လူတွေလည်း ဆန္ဒပြနေပါတယ်။ လန်ဒန်မြို့မှာတော့ အမေရိကန် သံရုံးအပြင်ဘက်မှာ ထောင်ချီတဲ့ လူတွေ ချီတက် ဆန္ဒပြပါတယ်။ တချို့ကတော့ လူမျိုးရေး ခွဲခြားမှုဟာ ဗိုင်းရပ်တမျိုးပဲဆိုတဲ့ ဆောင်ပုဒ်တွေကို ကိုင်စွဲပြီး ကိုဗစ်-၁၉ ကူးစက်ကပ်ဘေး ကာကွယ်ရေး ပါးစပ်နှာခေါင်းစည်းတွေကို ဝတ်ထားကြပါတယ်။  လန်ဒန်မြို့လယ်က ဆန္ဒပြပွဲတွေ အများစုက ငြိမ်းချမ်းပေမယ့် နောက်ပိုင်း ရုန်းရင်း ဆန်ခတ်မှုတွေအတွင်း ရဲအရာရှိ ၂၇ ယောက် ဒဏ်ရာရတယ်လို့ လန်ဒန်ရဲချုပ်က ပြောပါတယ်။  ကိုရိုနာဗိုင်းရပ်စ် ကူးစက်ကပ်ဘေးကြောင့် လန်ဒန်မှာ ဆန္ဒပြသူတွေ ထပ်မစုဝေးကြဖို့ လန်ဒန်ရဲချုပ်ကရော ကျန်းမာရေးဝန်ကြီး မတ်ဟန်းကွတ်ခ်ကပါ ဇွန် ၇ ရက်နေ့မှာ တိုက်တွန်းထားပါတယ်။
9 months Ago
Up