ကျေးရွာအုပ်ချုပ်ရေးမှူး

October 17, 2021

ဘုတလင် ထွေအုပ်ရုံးကားကို PDF က တိုက်ခိုက်၊ မုံရွာက ကျေးရွာအုပ်ချုပ်ရေးမှူး အမြွှာနှစ်ဦး အသတ်ခံရ

စစ်ကိုင်းတိုင်း၊ ဘုတလင်မြို့နယ်၊ ထ‌နောင်းကုန်းကျေးရွာနဲ့ ဇီးကုန်းကျေးရွာကြား ပိုးကုန်းလမ်းခွဲ၊ မုံရွာ-‌ရေဦး-တန့်ဆည်လမ်းမ‌ပေါ်မှာ အောက်တိုဘာ ၁၇ ရက်‌ နေ့လယ် ၁ နာရီခွဲက ကားတစ်စီး မိုင်းဆွဲခံရတယ်လို့ သိရပါတယ်။

“ကျနော်တို့နယ်မြေခံ PDF တွေက အထွေထွေအုပ်ချုပ်ရေးမှူးရုံးကား ဖြစ်တယ်လို့ သတင်းရတာနဲ့ အခုလို မိုင်းခွဲတိုက်ခိုက်ခဲ့တယ်။ အကျအဆုံးကတော့ မသိရသေးဘူး။ ကားကတော့ တပတ်လည်သွားတယ်။ ကျနော်တို့လည်း မိုင်းဆွဲပြီး အသက်လုပြေးရတာကြောင့် အတိအကျတော့ မပြောနိုင်ဘူး။ အကျအဆုံးကတော့ များလိမ့်မယ်လို့ ခန့်မှန်းထားတယ်” လို့ ဒေသခံ ပြည်သူ့ကာကွယ်ရေးအဖွဲ့ဝင်တဦးက ပြောပါတယ်။

ဘုတလင်မြို့နယ်အတွင်း အခု အောက်တိုဘာလဆန်းပိုင်းကစပြီး စစ်ကောင်စီတပ်တွေက နယ်မြေရှင်းလင်းရေးတွေ အင်အားအလုံးအရင်းနဲ့ ရှာဖွေမှုတွေ ပြုလုပ်နေပြီး ဒေသခံ ပြည်သူ့ကာကွယ်ရေးတပ်ဘက်ကလည်း စစ်ကောင်စီ ကားတန်းတွေကို အကြိမ်ကြိမ် အခုလို မိုင်းဆွဲခဲ့တာတွေရှိတယ်လို့ ဒေသခံတွေရဲ့ ပြောပြချက်အရ သိရတယ်။

စစ်ကိုင်းတိုင်း မုံရွာမြို့နယ်၊  ကျောက္ကာမြောက်ရွာ လက်ဖက်ရည်ဆိုင်တဆိုင်မှာ အုပ်ချုပ်ရေးမှူး ဦးညီညီဝင်းတို့ အမြွှာညီအစ်ကို ၂ ယောက်ကို အောက်တိုဘာ ၁၇ ရက် မနက် ၉ နာရီလောက် အမည်မသိလက်နတ်ကိုင်အဖွဲ့က ပစ်သတ်ခဲ့တာလို့ သိရပါတယ်။

ဦးညီညီဝင်းရဲ့ သူငယ်ချင်းတစ်ဦးက “ဘယ်အဖွဲ့မှန်းတော့ မသိလိုက်ရဘူးဗျ။ အခု အသတ်ခံရတဲ့ ဦးညီညီဝင်းကတော့ ကျောက္ကာမြောက်ရွာက အုပ်ချုပ်ရေးမှူးတစ်ဦးပဲဗျ။ အုပ်ချုပ်ရေးမှူးတာဝန်ကနေ ထွက်စာတင်ထားတာ ၃ ကြိမ် တင်ထားတယ်ဗျ။ မနက်ခင်း လက်ဖက်ရည်‌သောက်ရင်း အခုလို ဦးညီညီဝင်းတို့ အမြွှာညီအစ်ကို အသတ်ခံလိုက်ရတယ်”လို့ ပြောပါတယ်။

ဦးညီညီဝင်းတို့ အမြွှာညီအစ်ကိုကို သတ်သွားသူတွေဟာ ဘယ်အဖွဲ့အစည်းက ဆိုတာကိုတော့ သီးခြားအတည်ပြုချက်  မရသေးပါဘူး။ လက်ရှိအချိန်မှာ အလောင်းကို အကြမ်းဖက်စစ်ကောင်စီက သယ်ဆောင်သွားတယ်လို့ ဒေသခံတွေရဲ့ ပြောပြချက်အရ သိရပါတယ်။

54 mins Ago

September 30, 2021

ခင်ဦးမြို့နယ်တွင် ကျေးရွာအုပ်ချုပ်ရေးမှူး ၁ ဦး နုတ်ထွက်၊ စုစုပေါင်း ၄ ဦးရှိလာ

စစ်ကိုင်းတိုင်းဒေသကြီး၊ ခင်ဦးမြို့နယ်၊ အင်းပက်ရွာမှ အကြမ်းဖက်စစ်ကောင်စီခန့် ကျေးရွာအုပ်ချုပ်ရေးမှူး ဦးမြင့်ဟန်ဟာ စက်တင်ဘာ ၂၉ ရက်က နုတ်ထွက်စာတင်ထားတယ်လို့ ဒေသခံတွေဆီက သိရပါတယ်။

အဲဒီ နုတ်ထွက်စာမှာ စစ်ကောင်စီခန့် ကျေးရွာအုပ်ချုပ်ရေးမှူး ဦးမြင့်ဟန်ဟာ COVID-19 ရောဂါဖြစ်‌နေပြီး ကျန်းမာရေးမကောင်းမွန်တာကြောင့် တာဝန်ကနေ နုတ်ထွက်ခွင့်ပြုဖို့ စာတင်ခဲ့တာဖြစ်ပါတယ်။

အင်းပက်ကျေးရွာအုပ်ချုပ်ရေးမှူး ဦးမြင့်ဟန်ဟာ အကြမ်းဖက်စစ်ကောင်စီနဲ့ပူးပေါင်းကာ ကျေးရွာထိခိုက်အောင် လုပ်ဆောင်တာ မရှိခဲ့ဘူးလို့ ဒေသခံတစ်ဦးက ပြောပါတယ်။

လက်ရှိတွင် ခင်ဦးမြို့နယ်မှာ အကြမ်းဖက်စစ်ကောင်စီခန့်အုပ်ချုပ်ရေးမှူး လေးဦး နုတ်ထွက်ထားပါတယ်။

တောကြီးမြွေဟောက်အဖွဲ့ ခင်ဦးက စက်တင်ဘာ ၂၄ ရက် ထုတ်ပြန်ချက်မှာ ခင်ဦးမြို့နယ်အတွင်း အကြမ်းဖက်စစ်ကောင်စီရဲ့ လက်ပါးစေအဖြစ် အသုံးတော်ခံနေတဲ့ သတင်းပေး ပျူစောထီး ဒလန် ၂၇ ဦးကို သုတ်သင်ရှင်းလင်းနိုင်ခဲ့တယ်လို့ ကြေညာထားပါတယ်။

2 weeks Ago
More News
Up