ကျေးရွာချင်းဆက် လမ်းတံတားများ

January 25, 2020

ရေးမြို့တွင် ကျပ်သန်း ၆၀၀ ခန့်အသုံးပြု၍ ကျေးရွာချင်းဆက် လမ်းတံတားများ တည်ဆောက်

၂၀၁၉-၂၀ ဘဏ္ဍာရေးနှစ်အတွင်း မွန်ပြည်နယ် ရေးမြို့နယ် ကျောင်းရွာ၊ ငါးကလေးချောင်း၊ လိပ်ပုတ်၊ မင်းလှအေး၊ ကျေးရွာချင်းဆက်လမ်းကို ကျပ်သန်းပေါင်း ၆၀၀ လောက် အကုန်အကျခံ တည်ဆောက်သွားမယ်လို့ မြို့နယ် န.တ.လ တာဝန်ရှိသူက ပြောပါတယ်။  အဆိုပါ လမ်းတံတားတွေကို နယ်စပ်ရေးရာဝန်ကြီးဌာန မွန်ပြည်နယ်အစိုးရအဖွဲ့နဲ့ UNDP တို့ ပူးပေါင်းဆောင်ရွက် တည်ဆောက်သွားမှာပါ။ ကျေးရွာချင်းဆက်လမ်း ပေအရှည် ၇ မိုင် ၄ ဖာလုံရှိတဲ့အထဲက ကတ္တရာလမ်းပိုင်း ၂ မိုင် ၂ ဖာလုံ၊ မြေသားလမ်း ၃ မိုင်၊ ကွန်ကရစ် တံတားပေ ၈ဝ တံတား ၁ စင်း၊ ပေ ၄ဝ တံတား ၁ စင်း၊ ဆိုင်ကယ် ၁ စီးသာသွားလို့ရတဲ့ ကွန်ကရစ်လမ်း ပေ ၄၀၀၀ ကို တင်ဒါ အောင်မြင်ထားခဲ့တဲ့ ကုမ္ပဏီက ဇန်နဝါရီလကုန်ရက်ကနေ စက်တင်ဘာလအထိအပြီး ဖောက်လုပ်သွားရမှာပါ။  အဲဒီကျေးရွာချင်းဆက်လမ်းကို ရွာပေါင်း ၉ ရွာက အိမ်ခြေ ၁၃၀၀ ကျော်မှာ လူဦးရေ ၇၀၀၀ ကျော်  မှီတင်းသွားလာနိုင်တော့မှာ ဖြစ်ပါတယ်။  လာမယ့် ၂၀၂၀-၂၀၂၁ ခုနှစ်မှာလည်း နယ်စပ်ရေးရာဝန်ကြီးဌာန ပြည်နယ်ရန်ပုံငွေနဲ့ ကတ္တရာလမ်း ၂ မိုင်နဲ့ ပေ ၈ဝ ကွန်ကရစ်တံတား ၁ စင်း ထပ်မံဖောက်လုပ်ဖို့ လျာထားတယ်လို့ သိရပါတယ်။
1 year Ago
Up