ကျေးရွာ

A d v e r t i s e m e n t With Us

April 25, 2020

သထုံမြို့နယ် ကျေးရွာတချို့တွင် ဆန်ပြတ်လပ်

မွန်ပြည်နယ်၊ သထုံမြို့နယ်က ကျေးရွာတချို့မှာ ဆန်ပြတ်လပ်နေတယ်လို့ သထုံမြို့နယ် ပြည်နယ်လွှတ်တော် ကိုယ်စားလှယ် ဦးအောင်ကျော်သူက DVB ကို ပြောပါတယ်။ အခြေခံ စားသောက်ကုန် ဆန်ပြတ်လပ်နေတဲ့အတွက်ကြောင့် ဧပြီ ၂၄ ရက်နေ့မှာ သထုံမြို့နယ် ကဇိုင်းကျေးရွာ အပါအဝင် ကျေးရွာ ၃ ရွာက အကူအညီ တောင်းခံလာပြီး ဒီကျေးရွာတွေကို ဧပြီ ၂၅ ရက်နေ့မှာ အိမ်ထောင်စုတစုကို ဆန် ၁၇ ပြည်၊ ဆီ တပုလင်း၊ ငါးသေတ္တာ ၅ ဘူးနဲ့ အာလူး၊ ကြက်သွန်နီတွေပါ သွားရောက် ထောက်ပံ့တာတွေ လုပ်ဆောင်ခဲ့ပါတယ်။ သထုံမြို့နယ်မှာ ကျေးရွာပေါင်း ၁၇၀ ကျော် ရှိပြီး တခြားရွာတွေမှာလည်း ဆန်ပြတ်လပ်တာတွေ ဖြစ်ပေါ်နိုင်တယ်လို့ ဦးအောင်ကျော်သူက ပြောပါတယ်။ သထုံမြို့နယ်ဟာဆိုရင် လူဦးရေ ၂၃၀,၀၀၀ ကျော် နေထိုင်နေတဲ့ မြို့နယ်တခုလည်း ဖြစ်ပါတယ်။ ဇော်လွင်ထွဋ်
10 months Ago

April 18, 2020

ရေးမြို့နယ် ကျေးရွာအချို့တွင် စားနပ်ရိက္ခာ ပြတ်လပ်

မွန်ပြည်နယ် ရေးမြို့နယ်အတွင်းမှာရှိတဲ့ ဝေးလံခေါင်ဖျားတဲ့ ကျေးရွာအချို့မှာ တရွာနဲ့ တရွာ ဖြတ်သန်းသွားလာခွင့်ပိတ်ထားတာကြောင့် စားနပ်ရိက္ခာ ပြတ်လပ်မှုနဲ့ ကြုံတွေ့နေရတယ်လို့ ဒေသခံတချို့က ပြောပါတယ်။  COVID-19 ကူးစက်ပြန့်ပွားမှုကို ကြိုတင်ကာကွယ်တဲ့အနေနဲ့ တရွာနဲ့တရွာ ဖြတ်သန်း သွားလာခွင့်မပေးသလို လုံခြုံရေးလည်း တင်းကျပ်ထားတာကြောင့် အခြေခံစားသောက်ကုန်တွေ ဝယ်မရဘဲ လက်လုပ်လက်စား များတဲ့အတွက် စားစရာပြတ်လပ်မှုနဲ့ ကြုံတွေ့နေရတာလို့ မင်းလှအေးကျေးရွာ ဒေသခံတဦးက ပြောပါတယ်။  နိုင်ငံ‌တော်က ပေးအပ်တဲ့ စားနပ်ရိက္ခာ အစီစဉ်မှာလည်း သတ်မှတ်ချက်တွေနဲ့ ကိုက်ညီမှ စားနပ်ရိက္ခာရရှိတဲ့သူတွေရှိသလို ရွာတွေအများစုက ဖြတ်သန်းသွားလာခွင့် ပိတ်ထားတာကြောင့် ခြံထွက်ပစ္စည်းတွေလည်း  သယ်ဆောင်ရောင်းချခွင့် မရတော့ဘဲ စားနပ်ရိက္ခာ အကူညီတွေ လိုအပ်နေတယ်လို့ ဆိုပါတယ်။   ရေးမြို့နယ်အတွင်းက အိမ်ထောင်စု ၅၂၀၀ ကျော်အတွက် နိုင်ငံတော်က  စားနပ်ရိက္ခာ ပံ့ပိုးထားတယ်လို့လည်း သိရပါတယ်။
10 months Ago
Up