ကျေးဇူးတော်ချီးမွမ်းပွဲ

A d v e r t i s e m e n t With Us

November 27, 2020

ကချင်ကျေးလက်ဒေသတွင်ကျင်းပသည့် ကောက်သစ်စားပွဲနှင့် ကျေးဇူးတော်ချီးမွမ်းပွဲ (ဓာတ်ပုံ) 

ကချင်လူမျိုးတွေဟာ "Thanksgiving Day" လို့ခေါ်တဲ့ "ကျေးဇူးတော်ချီးမွမ်းပွဲနဲ့ ကောက်သစ်စားပွဲ" ကို နိုဝင်ဘာလမှာ ကျင်းပလေ့ရှိပါတယ်။ အခုနှစ်မှာတော့ ကိုဗစ်-၁၉ ရောဂါအခြေအနေအရလူစုလူဝေးခွင့်မပြုတာကြောင့် ကချင်ပြည်နယ်က မြို့ကြီးတွေမှာကောက်သစ်စားပွဲ မပြုလုပ်နိုင်ပေမယ့်ကျေးလက်ဒေသ တချို့မှာတော့  လူဦးရေ အကန့်အသတ်နဲ့ ကောက်သစ်စားပွဲကို ကျင်းပကြပါတယ်။ Photo - Hpauyam La Awng / MPA
3 months Ago

December 1, 2019

နေရပ်ပြန် စစ်ရှောင်များ၏ ကျေးဇူးတော်ချီးမွမ်းပွဲ (ဓာတ်ပုံ)

ကချင်ပြည်နယ်၊ ဗန်းမော်ခရိုင် မန်စီမြို့နယ် မုန်းဒိန်ပါကျေးရွာမှာ နေရပ်ပြန်စစ်ရှောင်များရဲ့ ကျေးဇူးတော်ချီးမွမ်းပွဲကို နိုဝင်ဘာ ၃၀ ရက်နေ့က ကျင်းပခဲ့ပါတယ်။
အဆိုပါ မုန်းဒိန်ပါကျေးရွာဟာ အိမ်ခြေ ၄၀၀ ကျော်ရှိပြီး ၂၀၁၃ အောက်တိုဘာ ၂၈ ရက်နေ့က တပ်မတော်နဲ့ ကချင်လွတ်မြောက်ရေးတပ်မတော် KIA တို့ တိုက်ပွဲပြင်းထန်လာတာကြောင့် ရွာလုံးကျွတ်ထွက်ပြေးတိမ်းရှောင်ခဲ့ကြရတယ်လို့ ဆိုပါတယ်။
အခုအခါ နယ်မြေလုံခြုံမှု ပြည့်အဝမရသေးပေမယ့် ဒေသခံအချို့ အရဲစွန့်ကာ လယ်ယာစိုက်ပျိုးလုပ်ကိုင်နေကြတယ်လို့ ဒေသခံတွေက ပြောပါတယ်။ ကျေးဇူးတော်ချီးမွမ်းပွဲကို နေရပ်ပြန်စစ်ရှောင်များနဲ့ နေရပ်မပြန်နိုင်သေးတဲ့ စစ်ရှောင်များ ပူးပေါင်းကျင်းပခဲ့ကြတာပါ။
မုန်းဒိန်ပါကျေးရွာမှာ ကျေးဇူးတော်ချီးမွမ်းပွဲကို ခြောက်နှစ်အကြာမှာမှ ပထမဆုံးအကြိမ်အဖြစ် ပြန်လည်ကျင်းပခဲ့တာလည်း ဖြစ်ပါတယ်။ Photo - Hpauyam La Awng / MPA
1 year Ago
Up