ကျောင်းသားသမဂ္ဂ

April 29, 2021

ပါမောက္ခအပါအဝင် ပညာရေးဝန်ထမ်း ၁၀ ဦးနှင့် ကျောင်းသားသမဂ္ဂအဖွဲ့ဝင် ၂၀ ကို အကြမ်းဖက်စစ်အုပ်စုက အမှုဖွင့်

စစ်အာဏာရှင်ကိုဆန့်ကျင်ပြီး ပြည်သူ့ဘက်ကရပ်တည်တဲ့ ပညာရေးဝန်ထမ်း တက္ကသိုလ် ပါမောက္ခ၊ တွဲဖက် ပါမောက္ခတွေ၊ ကထိက တွေနဲ့ ကျောင်းသားသမဂ္ဂအဖွဲ့ဝင်တွေကို ရာဇသတ်ကြီး ပုဒ်မ ၅၀၅ (က) နဲ့ အမှုဖွင့်အရေးယူနေတယ်လို့ အာဏာသိမ်း စစ်ကောင်စီရဲ့ ပြန်ကြားရေးက သတင်းထုတ်ပြန်ပါတယ်။

အမှုဖွင့်ခံရတဲ့ ပညာရေးဝန်ထမ်း ၁၀ ဦးကတော့    ပါမောက္ခ ဒေါက်တာမြတ်ထူးကြွယ်၊ တွဲဖက် ပါမောက္ခတွေဖြစ်ကြတဲ့  ဒေါက်တာနန်းနွယ်၊ ဦးကြည်ထင်ပေါ်၊ ဒေါက်တာဝင်းပပထွန်း၊ ဒေါက်တာအောင်ကျော်စွာနဲ့ ဒေါက်တာ ဝေယံလင်း၊ တက္ကသိုလ် ကထိကတွေဖြစ်တဲ့ ဦးသုလင်းဝေ၊ ဒေါက်တာတိုးတိုးကျော်၊ ဦးလှိုင်တင်နဲ့ ဒေါက်တာ ကျော်သန်းမိုးတို့ဖြစ်ပါတယ်။

အဆိုပါ ပညာရေးဝန်ထမ်းတွေဟာ  အာဏာဖီဆန် CDM လှုပ်ရှားမှုမှာ ပါဝင်တယ်ဆိုပြီး  အမှုဖွင့်ခံရတာဖြစ်ပါတယ်။

အလားတူ နိုင်ငံအနှံ့ရှိ ကျောင်းသားသမဂ္ဂအဖွဲ့ဝင် အယောက် ၂၀  ကိုလည်း လူမှုကွန်ရက်သုံးပြီး နိုင်ငံတော်တည်ငြိမ်အေးချမ်းမှုကို ပျက်ပြားစေဖို့ လှုံ့ဆော်ခဲ့တယ်လို့ စွပ်စွဲပြီး ပုဒ်မ ၅၀၅-က နဲ့ အမှုဖွင့်အရေးယူဆောင်ရွက်နေတယ်လို့ ဒီကနေ့ထုတ်  သတင်းစာတွေမှာ ဖော်ပြပါတယ်။

အမှုဖွင့်ခံရတဲ့ ကျောင်းသားတွေအထဲမှာ ရဲရင့်ဘုန်းအောင်၊ ပိုင်ဖြိုးဇင်၊ သိရိမိုး၊ အောင်ညီညီသွင်၊ စည်သူနိုင်၊ ဘုန်းမြတ်မိုး၊ ဇင်မောင်ဖြိုး၊ နန်းမြသဇင်ဦး၊ နွေးအိအိကျော်၊ အေးချမ်းကို၊ စောထက်အောင်လင်း၊ ဝေယံဖြိုး၊ စည်သူအောင်၊ ဖူးပွင့်စိုး၊ ဥဂ္ဂါမြတ်၊ သီရိယမင်းအောင်၊ မေသင်းခိုင်၊ မျိုးမင်းထက်၊ ဇော်မျိုးလွင်နဲ့ မင်းသူရှိန် တို့ပါဝင်ပါတယ်။

အထက်ပါကျောင်းသားတွေကို လက်ခံထားသူတွေကိုလည်း အရေးယူမှာဖြစ်ပြီး နောက်ထပ် ထပ်မံဆက်လက် ကြေညာဖို့ရှိနေတယ်လို့လည်းဆိုပါတယ်။

3 weeks Ago

March 3, 2021

NMDC ကျောင်းအုပ်ကြီးကို ကျောင်းသားသမဂ္ဂက ပြင်းထန်စွာရှုတ်ချ

အမျိုးသားစီမံခန့်ခွဲမှုပညာဒီဂရီကောလိပ် (NMDC) ကျောင်းအုပ်ကြီး ဒေါက်တာတင်‌တင်ထွေးရဲ့ အာဏာသိမ်းစစ်အုပ်စုရဲ့ အမိန့်အရ လုပ်ဆောင်နေတဲ့ ဆောင်ရွက်ချက်တွေကို ပြင်းထန်စွာ ရှုတ်ချကြောင်း NMDC ကျောင်းသားသမဂ္ဂက မတ် ၂ ရက်မှာ ကြေညာပါတယ်။

မတ်လ ၁ ရက်က ရန်ကုန်တိုင်း၊ စီမံအုပ်ချုပ်ရေးကောင်စီကခေါ်ယူတဲ့ တက္ကသိုလ်၊ ကောလိပ်နဲ့ အခြေခံကျောင်းများ ဖွင့်လှစ်နိုင်ရေး အစည်းအဝေးကို ကျောင်းအုပ်ကြီး ဒေါက်တာတင်တင်ထွေးက တက်ရောက်ခဲ့ပါတယ်။

ဒါ့အပြင် CDM လုပ်နေတဲ့ ဆရာ/မတွေရဲ့ အချက်အလက်တွေကိုလည်း ကောက်ယူနေတဲ့အတွက် စစ်တပ်အားပေးလုပ်ဆောင်ချက်တွေအပေါ်  ပြင်းထန်စွာရှုတ်ချလိုက်တာပါ။

သမဂ္ဂရဲ့တာဝန်ရှိသူအပြင် ကျောင်းသားတစ်ယောက်အနေနဲ့ အာဏာသိမ်း အကြမ်းဖက်အုပ်စုရဲ့ အမိန့်တွေမနာခံဘဲ ကျောင်းသားတွေနဲ့ ဆရာ/မတွေ CDM လုပ်နေချိန်မှာ အခုလိုဆောင်ရွက်နေတာတွေက အာဏာရှင်ကို လက်ခံကြောင်း ပြသလိုဖြစ်နေတယ်လို့ ကျောင်းသားသမဂ္ဂရဲ့ တာဝန်ရှိသူက ပြောပါတယ်။

သမဂ္ဂရဲ့တာဝန်ရှိသူအပြင် ကျောင်းသားတစ်ယောက်အနေနဲ့ အာဏာသိမ်း အကြမ်းဖက်အုပ်စုရဲ့ အမိန့်တွေမနာခံဘဲ ကျောင်းသားတွေနဲ့ ဆရာ/မတွေ CDM လုပ်နေချိန်မှာ အခုလိုဆောင်ရွက်နေတာတွေက အာဏာရှင်ကို လက်ခံကြောင်း ပြသလိုဖြစ်နေတယ်လို့ ကျောင်းသားသမဂ္ဂရဲ့ တာဝန်ရှိသူက ပြောပါတယ်။

ကျောင်းနဲ့အတူ မရပ်တည်နိုင်တဲ့ ကျောင်းအုပ်ကြီးနဲ့ CDM မပါဝင်တဲ့ ကျောင်းသား/သူတွေ၊ ဆရာ/မတွေကို Social Punishment  လုပ်ရမယ်လို့လည်း ထုတ်ပြန်ချက်မှာ ပါရှိပါတယ်။

အမျိုးသားစီမံခန့်ခွဲမှုပညာဒီဂရီကောလိပ်က ကျောင်းသား/သူ အားလုံးနီးပါးဟာ စစ်အာဏာရှင်လက်အောက်မှာ ပညာသင်ယူမှာမဟုတ်ကြောင်း သပိတ်မှောက်ထားပြီး CDM လှုပ်ရှားမှုမှာ ဆရာ ဆရာမ ၈၀ ရာခိုင်နှုန်းလောက်ပါဝင်ပါတယ်။

3 months Ago
More News
Up