ကျောင်းမီးလောင်မှု

May 18, 2021

တောင်ဒဂုံတွင် ကျောင်း မီးလောင်မှုဖြစ်ပွားပြီးနောက် ဆရာမများကို လိုက်လံဖမ်းဆီးနေ

ရန်ကုန်တိုင်း တောင်ဒဂုံ အ.မ.က ၁၄ မူလတန်းလွန်‌ကျောင်းမှာ  မီးလောင်ပြီးနောက်ပိုင်း အဲဒီကျောင်းက CDM လုပ်ထားတဲ့ ဆရာမတယောက်ကို စစ်ကောင်စီအကြမ်းဖက်အဖွဲ့က ဒီမနက်မှာ ဖမ်းဆီးလိုက်ပါတယ်။

CDM လုပ်ထားတဲ့ ဆရာမ‌တွေက ကျောင်းကို မီးရှို့တာလို့ အဲဒီကျောင်းက ကျောင်းအုပ်ဆရာမကြီးက တိုင်တန်းတာကြောင့် CDM  ဆရာမ ၉ ယောက်ကို လိုက်လံ ဖမ်းဆီးခဲ့တာလို့ ဒေသခံတွေက  ပြောပါတယ်။

ဆရာမ ဒေါ်လဲ့လဲ့ဝင်းကိုတော့ ဒီမနက် ၅ နာရီလောက်က တောင်ဒဂုံက သူ့ရဲ့နေအိမ်မှာ လာရောက်ဖမ်းဆီးတာဖြစ်ပြီး ဖုန်းတွေကိုလည်း သိမ်းဆည်းသွားတယ်လို့ သိရတယ်။

တောင်ဒဂုံ ၇၀ ရပ်ကွက်မှာရှိတဲ့ကျောင်းဟာ မနေ့ညပိုင်းက မီးလောင်ခဲ့ပြီး ဆရာမအနေနဲ့ ဖမ်းခံရတဲ့အချိန်ထိ ကျောင်းမီးလောင်တာကို မသိဘူးလို့ သူ့မိသားစုဝင်တွေက ပြောပါတယ်။

7 months Ago
Up