ကျောင်းထိုင်ဆရာတော်

October 17, 2022

မိုးကောင်းတွင် ကျောင်းထိုင်ဆရာတော်တပါး ပစ်ခတ်ခံရပြီး ပျံလွန်တော်မူ

ကချင်ပြည်နယ် မိုးကောင်းမြို့နယ်အဝင် လေးမိုင်ကျေးရွာမှာ အောက်တိုဘာ ၁၆ ရက် ညပိုင်းက ကျောင်းထိုင်ဆရာတော်တပါး သေနတ်နဲ့ပစ်ခတ်ခံရပြီး ပျံလွန်တော်မှုသွားတယ်လို့ ဒေသခံတွေက ပြောပါတယ်။

ရေရှင် လေးမိုင်ကျေးရွာ ကျောင်းထိုင်ဆရာတော် ဘဒ္ဒန္တ သီလာနန္ဒဟာ ကျေးရွာ အုပ်ချုပ်ရေးအဖွဲ့နဲ့ စကားပြောဆိုနေစဉ် အမည်မသိသေနတ်သမားအဖွဲ့က လာရောက်ပစ်ခတ်သွားတာလို့ ဆိုပါတယ်။

"ည ၈ နာရီလောက်က ကျောင်းထဲမှာ အုပ်ချုပ်ရေးမှူးအဖွဲ့နဲ့စကားပြောနေတုန်း ဝင်ပစ်သွားတာ။  အားလုံး ၁၀ ဦးလောက်ရှိတယ်၊ ကားနဲ့ရောက်လာပြီး မဆိုင်သူတွေ ခေါင်းငုံ့နေဆိုပြီး ဆရာတော်ကို ရွေးပစ်သွားတာ။ အခြားသူတွေတော့ ဘာမှမဖြစ်ဘူး" လို့ ဒေသခံတဦးက ပြောပါတယ်။

ရေရှင်လေးမိုင်ကျေးရွာက ကျောင်းထိုင်ဆရာတော်ကို အမည်မသိ သေနတ်သမားအဖွဲ့က ပစ်ခတ်ခဲ့တာကြောင့် သေနတ်ဒဏ်ရာ ၆ ချက်ရရှိပြီး ပျံလွန်တော်မှုကာ မိုးကောင်းစစ်ဆေးရုံကို ပို့ဆောင်ထားပါတယ်။

"ဆရာတော် သေနတ်ဒဏ်ရာ ၆ ချက်နဲ့ပျံတော်မှုတယ်။ ခု မိုးကောင်း စစ်ဆေးရုံကို ပို့ထားတယ်။ ဆရာတော်က တပ်နဲ့နီးစပ်တယ်" လို့ ဒေသခံ နောက်တဦးက ပြောပါတယ်။

ကျောင်းထိုင်ဆရာတော် ဘဒ္ဒန္တ သီလာနန္ဒ သေနတ်နဲ့ ပစ်သတ်ခံရတာနဲ့ ပတ်သက်ပြီး ဘယ်အဖွဲ့က ပစ်ခတ်တယ်ဆိုတာ ထုတ်ပြန်ကြေညာတာ မရှိသေးပါဘူး။

2 months Ago

May 25, 2022

ပေါက်မြို့နယ်တွင် ကျောင်းထိုင်ဆရာတော် ၁ ပါးကို ရဲတပ်ဖွဲ့က ဖမ်းဆီးပြီး လူဝတ်လဲခိုင်း

မကွေးတိုင်း၊ ပေါက်မြို့နယ်၊ ပေခုနှစ်ပင်ကျေးရွာရှိ အတုမင်္ဂလာသီရိ မလိခကျောင်းတိုက်က ကျောင်းထိုင်ဆရာတော် ဥူးဝဏ္ဏိဿရကို မေ ၂၅ ရက် ဒီနေ့ မနက် ၈ နာရီလောက်မှာ စစ်ကောင်စီလက်အောက်ခံ ရေပြာရဲစခန်းမှ ရဲတပ်ဖွဲ့ဝင်တွေက လူဝတ်လဲခိုင်းပြီး ဖမ်းဆီးသွားတယ်လို့ ဒေသခံထံက သိရပါတယ်။

စစ်ကောင်စီရဲ့ သတင်းပေး ဒလန်တွေက မမှန်သတင်းပေးလို့ ပုသိမ်-မုံရွာကားလမ်း ရေပြာလမ်းဆုံမှာ စစ်ကောင်စီရဲတပ်ဖွဲ့ကကြိုစောင့်ပြီး ဆရာတော်ကို ဖမ်းသွာတာလို့ ပေခုနှစ်ပင်ကျေးရွာ ဒေသခံတယောက်က ဒီဗွီဘီကို ပြောပါတယ်။

"ပေါက်မြို့မရဲစခန်း စစ်ကြောရေးကို ခေါ်သွားကြတယ်။ စစ်(…) တွေက NLD ထောက်ခံသူဆိုရင် PDF လို့ထင်ပြီး ဖမ်းဆီးနှိပ်စက်တာ။ ခု ဘုန်းဘုန်းက ဘယ်ဘက်မှမပါဘူးလို့ သိရတယ်။ ခုဆို ပေါက်တောင်ပိုင်းက ပြည်သူတွေဆိုရင် PDF လို့ စွပ်စွဲပြီး ပေါက်မြို့အဝင်အထွက်တွေမှာ ဖမ်းဆီးရိုက်နှက်တာတွေ လုပ်နေတယ်။ ဒူးထောက်ခိုင်းတာတွေကအစ လုပ်နေတယ်။ ရေပြာဘက်မှာလဲ အဲလိုပဲလုပ်တယ်။"

ပေါက်မြို့နယ် မီးသတ်ဦးစီးဌာနက ဝန်ထမ်း ၄ ယောက်ကိုလည်း ပြည်သူ့ကာကွယ်ရေးတပ်ဖွဲ့ PDF တွေကို ထောက်ပံ့ကူညီတယ်ဆိုတဲ့ စွပ်စွဲချက်နဲ့ မေ ၂၀ ရက် မနက် ၆ နာရီလောက်မှာ စစ်ကောင်စီတပ်တွေက လာရောက်ဖမ်းဆီးသွားတယ်လို့ သိရပါတယ်။

ပခုက္ကူခရိုင်အတွင်းမှာ အခုနှစ် ဖေဖော်ဝါရီလကနေ ဒီနေ့အချိန်အထိ စစ်ကောင်စီတပ်ဖွဲ့တွေရဲ့ မတရားစွပ်စွဲ ဖမ်းဆီးခံထားရသူ ၂၀၀ ကျော်လောက်ရှိနေပြီး အခု မေလအတွင်းမှာ ၇၀ ကျော်လောက် မတရား ဖမ်းဆီးခံထားရတယ်လို့ သိရပါတယ်။

6 months Ago
More News
Up