ကျောင်းဆရာ

October 17, 2022

ပေါက်မြို့နယ် သစ်ညီနောင်ရွာမှ ကျောင်းဆရာတဦးကို စစ်ကောင်စီတပ်ဖွဲ့က သတ်ဖြတ်

မကွေးတိုင်း ပေါက်မြို့နယ်တောင်ပိုင်း သစ်ညီနောင်ကျေးရွာမှာ အောက်တိုဘာ ၁၇ ရက် မနက်ပိုင်းက သစ်ညီနောင်ကျေးရွာက ဘော်ဒါအုပ် ကျောင်းဆရာ တယောက်ကို စစ်ကောင်စီစစ်ကြောင်းက ခေါင်းဖြတ်သတ်သွားတယ်လို့ ဒေသခံတွေဆီကနေ သိရပါတယ်။

ပေါက်မြို့နယ် သစ်ညီနောင်ရွာက ကျောင်းဆရာတစ်ယောက်ဖြစ်တဲ့ အသက် ၄၅ နှစ်အရွယ် ဦးစောထွန်းမိုးကို ဒီနေ့မနက် ၁၀ နာရီလောက်မှာ စစ်ကောင်စီတပ် နဲ့ ပျူ စောထီးအင်အား ၈၀ လောက်က ဖမ်းခေါ်သွားပြီး သစ်ညီနောင်နဲ့ တောင်မြင့်ရွာကြားမှာ ရက်ရက်စက်စက် နှိပ်စက် သတ်ဖြတ်ခဲ့ကြတာလို့ သစ်ညီနောင်ရွာ ဒေသခံတယောက်က ဒီဗွီဘီကို ပြောပါတယ်။

ဦးစောထွန်းမိုးကို စစ်သားတွေ ခြေတွေ၊ လက်တွေ၊ ဦးခေါင်းတွေကို ဖြတ်တောက် သတ်ဖြတ်ကာ တဲတော်ယာရွာက စာသင်ကျောင်းထဲမှာ ချိတ်ဆွဲထားခဲ့ကြတာလို့ ဆိုပါတယ်။

တောင်မြင့်ရွာစာသင်ကျောင်းကိုလည်း အောက်တိုဘာလ ၁၆ ရက် နေ့လယ်ပိုင်းမှာ စစ်ကောင်စီတပ်နဲ့ ပျူစောထီးတွေက မီးရှို့ခဲ့ကြပြီး ရွာစဥ်ပတ်ပြီး ပြည်သူပိုင်ပစ္စည်းတွေကို ခိုးယူကာ သောင်းကျန်းနေကြတာလို့ ပြောပါတယ်။

အဲဒီစစ်ကြောင်းဟာ အောက်တိုဘာ ၁ ရက်နေ့ကတည်းက ပေါက်မြို့နယ်ထဲကို စတင်ဝင်ရောက်လာပြီး ပြည်သူတွေရဲ့ ပစ္စည်းတွေကို ယူဆောင်တာတွေ၊ ကျေးရွာတွေကို မီးရှို့ ဖျက်ဆီးပြီး စစ်ဘေးရှောင်တဲတွေနဲ့ စားနပ်ရိက္ခာတွေကို မီးရှို့ဖျက်ဆီးတာတွေ ဆက်တိုက် လုပ်ဆောင်နေတယ်လို့ ပြောပါတယ်။

စစ်တပ် စစ်ကြောင်းထိုးနေလို့ လတ်တလော ထွက်ပြေးတိမ်းရှောင်နေတဲ့ ဒေသခံပြည်သူ အရေအတွက် ၆,၀၀၀ ကျော်လောက်ရှိနေပြီး စားနပ်ရိက္ခာ၊ အဝတ်အထည်၊ စောင်၊ ခြင်ထောင်၊ ဆေးဝါးနဲ့ ကျန်းမာရေးစောင့်ရှောက်မှုတွေ အရေးပေါ်အအကူညီ လိုအပ်နေတယ်လို့ သိရပါတယ်။

1 month Ago

October 6, 2022

ဟန်ဂေရီတွင် အလုပ်ထုတ်ခံကျောင်းဆရာများကိုထောက်ခံသည့်အနေဖြင့် လူသောင်းချီ ဆန္ဒပြ

ဟန်ဂေရီနိုင်ငံ၊ မြို့တော်ဘူဒါပတ်စ်မှာ ဟန်ဂေရီကျောင်းသားတွေ၊ ဆရာတွေနဲ့ မိဘတွေ အပါအဝင် လူအင်အား အနည်းဆုံး ၁၀,၀၀၀ လောက်ဟာ အောက်တိုဘာ ၅ ရက်က ဘူဒါပတ်စ်တံတားကို ပိတ်ဆို့ခဲ့ပြီး ဆန္ဒထုတ်ဖော်နေကြပါတယ်။

လုပ်ခလစာ တိုးမြင့်ရေးအတွက် တိုက်ပွဲဝင်နေတဲ့ ကျောင်းဆရာတွေနဲ့ ဆန္ဒပြလို့ အလုပ်ထုတ်ခံရတဲ့ ကျောင်းဆရာတွေကို ထောက်ခံအားပေးတဲ့အနေနဲ့ စုရုံးဆန္ဒထုတ်ဖော်နေကြတာဖြစ်ပါတယ်။

ဗုဒ္ဓဟူးနေ့ မနက်ပိုင်းမှာ ဘူဒါပတ်စ်တလျှောက် ကီလိုမီတာနဲ့ချီ ရှည်လျားတဲ့ ဆန္ဒပြလူတန်းကြီးကို မြင်တွေ့ရပြီး  ကျောင်းသားတွေဦးဆောင်ပြီး လူထုစည်းဝေးပွဲကို စတင်ခဲ့ပါတယ်။

ကျောင်းဆရာတွေဟာ “စာသင်ပေးချင်ပါတယ်” ဆိုတဲ့ လှုပ်ရှားမှုကို စတင်ခဲ့ပြီး မြင့်မားတဲ့ လုပ်ခလစာတွေကို တောင်းဆိုဖို့၊ ဆရာ ဆရာမတွေ ရှားပါးလွန်းနေတာကို ဖြေရှင်းပေးဖို့နဲ့ သပိတ်မှောက်ပိုင်ခွင့်တွေကို တောင်းဆိုဖို့ အာဏာဖီဆန် စီဒီအမ် လုပ်ကြဖို့ တောင်းဆိုထားပါတယ်။

ဆန္ဒပြသူတွေဟာ “ငါတို့ဆရာတွေ ငါတို့ပြန်ပေး”၊ “ဆရာ မရှိရင် အနာဂတ် မရှိ” စသဖြင့် အော်ဟစ်ကြွေးကြော်နေကြပြီး ရဲလုံခြုံရေး ခပ်ပါးပါးချထားတဲ့ ပါလီမန်အနီး ဘူဒါပတ်စ်ရင်ပြင်မှာ ဆန္ဒပြသူတွေ စုရုံးခဲ့ကြပါတယ်။

ဒါဟာ အမျိုးသားရေးဝါဒီ ဝန်ကြီးချုပ် ဗစ်တာအော်ဘန် ဧပြီလက ပြန်လည်ရွေးကောက်ခံရပြီးနောက်ပိုင်း အကြီးမားဆုံး အစိုးရဆန့်ကျင်ရေး ဆန္ဒပြပွဲ ဖြစ်လာခဲ့ပါတယ်။

ဗုဒ္ဓဟူးနေ့အတွက် တနိုင်ငံလုံးအတိုင်းအတာနဲ့ ဆရာများသပိတ်ကို အလုပ်သမားသမဂ္ဂတွေက တောင်းဆိုခဲ့တာပါ။ ၂၀၂၂ ခုနှစ် ဇန်နဝါရီလက တနိုင်ငံလုံး ဆရာတွေရဲ့ သပိတ်မှောက်မှုအပြီးမှာ အစိုးရက သပိတ်လှုပ်ရှားမှုကို ကန့်သတ်ခဲ့ပါတယ်။

ဆန္ဒပြမှုမှာ ပါဝင်တဲ့အတွက် ဘူဒါပတ်စ် အလယ်တန်းကျောင်းမှာ လွန်ခဲ့တဲ့ ရက်သတ္တပတ်က ဆရာအများအပြား အလုပ်ထုတ်ခံခဲ့ရပါတယ်။

2 months Ago
More News
Up