ကျောက်ဖြူမြို့

December 27, 2020

ကျောက်ဖြူမြို့ ပင်လယ်ကမ်းခြေ သန့်ရှင်းသာယာရေးအတွက် အမှိုက်ကောက် 

ရခိုင်ပြည်နယ် ကျောက်ဖြူမြို့ ပင်လယ်ကမ်းခြေမှာ အမှိုက်တွေ အရမ်းများနေပြီး အများပြည်သူတွေ သန့်ရှင်းသာယာစွာ အပန်းဖြေနိုင်ဖို့  lean Kyauk Phyu အဖွဲ့က ဦးဆောင်ပြီး အမှိုက်ကောက်ခဲ့ပါတယ်။  Clean Kyauk Phyu ဦးဆောင်သူတဦးဖြစ်တဲ့ ကိုနေဖြိုးသူက “ဒီကမ်းခြေ သာယာလှပအောင်၊ ဒီမြို့သစ်နေအောင်၊ ဒီကမ်းခြေလည်း သာယာလှပအောင် နောက်ပြီး တခြား ပြည်နယ်ကလာတဲ့ သူတွေလည်း အပန်းလာဖြေတဲ့အချိန်မှာ ဒီကမ်းခြေကြီးဟာ သန့်ရှင်းနေအောင်လို့ အဓိက ရည်ရွယ်ချက်နဲ့ပေါ့နော် အမှိုက်ကောက်ဖြစ်တာပါ။” ပင်လယ်ကမ်းခြေရှိ စွန့်ပစ်အမှိုက်တွေထဲမှာ ပလတ်စတစ်တွေ ပါဝင်နေတာကြောင့် ရေနေသတ္တဝါတွေနဲ့ လူတွေကိုလည်း ထိခိုက်လာမှာဖြစ်တဲ့အတွက် ပြည်သူတွေအနေနဲ့ မြစ်၊ ချောင်းနဲ့ ပင်လယ်ထဲတွေကို အမှိုက်မပစ်ကြဖို့ လိုအပ်တယ်လို့လည်း ကျောက်ဖြူခရိုင် ပတ်ဝန်းကျင်ထိန်းသိမ်းရေးဦးစီးဌာနမှ လက်ထောက်ညွှန်ကြားရေးမှူး ဦးလွှမ်းမိုးထက်က ပြောပါတယ်။ ကျောက်ဖြူမြို့ပင်လယ်ကမ်းခြေ သန့်ရှင်းသာယာလှပဖို့အတွက် Clean KyaukPhyu အဖွဲ့နဲ့ ပတ်ဝန်းကျင်ထိန်း သိမ်းရေးဦးစီးဌာနတို့ ပူးပေါင်းကာ ပြီးခဲ့တဲ့ ၂၀၁၉ ခုနှစ်က စတင်ပြီး စနေနေ့တိုင်း အမှိုက်ကောက်လာခဲ့ကြတာလို့ သိရပါတယ်။ လက်ရှိအချိန်မှာတော့ ကျောက်ဖြူမြို့က အရပ်ဘက်လူငယ်အဖွဲ့အစည်းတွေ ပူးပေါင်းပါဝင်လာပြီး လူ ၅၀ ကျော်နဲ့ ပင်လယ်ကမ်းခြေမှာ အမှိုက်ကောက်ခဲ့ကြတာဖြစ်ပါတယ်။ သတင်း - နောင်နောင် 
6 months Ago

September 20, 2020

ပိုးတွေ့လူနာများလာသည့် ကျောက်ဖြူမြို့ စေတီတောင်ရပ်ကွက်ကို ယာယီပိတ်

ရခိုင်ပြည်နယ် ကျောက်ဖြူမြို့မှာ ကိုဗစ်ကူးစက်ခံရသူတွေ များလာနေတဲ့ စေတီတောင်ရပ်ကွက် ဖြတ်လမ်း ၃ မှာရှိတဲ့ နေအိမ်တွေကို စက်တင်ဘာ ၁၈ ရက်နေ့က စတင်ပြီး အသွားအလာ ကန့်သတ်ထားသလို လမ်းကိုလည်း ၁ ပတ် ယာယီပိတ်ထားတယ်လို့ ကျောက်ဖြူမြို့နယ် အုပ်ချုပ်ရေးမှူး ဦးစိုးမိုးကျော်က DVB ကို ပြောပါတယ်။ “လော့ဒေါင်းချထားတာတော့ မဟုတ်ဘူး။ အဲဒီနားမှာက လူသွားလူလာ များတယ်၊ အဲဒီနားမှာဆိုရင်လည်း ပိုးတွေ့လူနာနဲ့ ထိတွေ့မှုမရှိဘဲနဲ့ ဒီလိုမျိုး အနံ့ပျောက်ပြီးတော့ ဆေးရုံကို လာပြရင်းနဲ့မှ ပိုးတွေ့တဲ့လူနာတွေက များနေတယ်။ အဲဒါနဲ့ ဆေးရုံအုပ်ကြီးနဲ့ တိုင်ပင်ပြီးတော့ ၁ ပတ်လောက် ပိတ်ထားဖို့ လုပ်ထားတယ်။ မနေ့က ကျနော်တို့ သွားကြည့်ပြီး အပြင်လူကတော့ ၀င်လို့ လုံးဝ အဆင်မပြေဘူး၊ အပြင်ကလူတွေကတော့ လုံးဝဖြတ်လို့မရဘူး၊ အတွင်းထဲက လူတွေအနေနဲ့ မဖြစ်မနေ ဈေးဝယ်ထွက်မယ်ဆိုရင်တော့ ၁ ယောက် ထွက်လို့ရမယ်၊ ကျန်းမာရေးကိစ္စ ဆိုရင်တော့ ၂ ယောက်ပေါ့။ Stay Home သတ်မှတ်တဲ့အတိုင်းပေါ့၊ အဲဒါမျိုးတော့ ပြောထားတယ်။” စေတီတောင်အုပ်ချုပ်ရေးမှူး ဦးသန်းလှိုင်က “အဲဒီဖြတ်လမ်း ၃ မှာ ပိုးတွေ့တဲ့သူတွေ ကတော့ ၁၀ ယောက် ကျော်သွားပြီပေါ့။ လမ်းကို ယာယီပိတ်ထားပေးလိုက်တယ်။ ဒီနေ့မနက်ကပဲ ကိုဗစ်တားဆီးရေးအဖွဲ့ကနေပြီးတော့ ဆန်၊ ဆီ၊ ကြက်သွန်၊ ငါးခြောက်နဲ့ ငရုတ်သီးတွေ လာရောက်ထောက်ပံ့ပေးသွားတယ်။ ပြီးရင်တခြား အလှူရှင်တွေကလည်း လာပြီးထောက်ပံ့ပေးတာတွေလည်း ရှိတာပေါ့။ အဲဒီလမ်းထဲမှာက အိမ်က စုစုပေါင်း ၃၈ အိမ်လောက် ရှိတယ်။ အကုန်လုံး အဆင်ပြေကြပါတယ်” လို့ ပြောပါတယ်။ ကျောက်ဖြူမြို့မှာ ကိုဗစ်ပိုးတွေ့လူနာဟာ ၁၀၀ ကျော်ရှိလာပြီး ကိုဗစ်ရောဂါသက်သာလို့ ဆေးရုံက ဆင်းခွင့်ရသူ စုစုပေါင်း ၆၄ ဦး ရှိတယ်လို့ သိရပါတယ်။ လက်ရှိအချိန်မှာတော့ ကိုဗစ်ပိုး-၁၉ ရောဂါပိုးတွေ့သူတွေကို ကျောက်ဖြူခရိုင်ပြည်သူ့ဆေးရုံကြီးနဲ့ ရမ္မ၀တီခန်းမတို့ ထားရှိပြီး ကျန်းမာရေးစောင့်ရှောက်မှုတွေ ပေးထားတယ်လို့ ကျောက်ဖြူခရိုင် ပြည်သူ့ဆေးရုံကြီး တာဝန်ရှိသူတဦးက ပြောပါတယ်။ သတင်း - နောင်နောင်
9 months Ago
More News
Up