ကျောက်ဖြူခရိုင်

A d v e r t i s e m e n t With Us

August 13, 2020

ကျောက်ဖြူခရိုင်၌ ရွေးကောက်ပွဲဝင်ပြိုင်မည့် ကိုယ်စားလှယ်လောင်း ၉၇ ဦးရှိ

ရခိုင်ပြည်နယ်၊ ကျောက်ဖြူခရိုင်မှာ ၂၀၂၀ ရွေးကောက်ပွဲ ဝင်ရောက်ယှဉ်ပြိုင်မယ့် ကိုယ်စားလှယ်လောင်း ၉၇ ဦးထိရှိတယ်လို့ ကျောက်ဖြူခရိုင် ရွေးကောက်ပွဲကော်မရှင်အဖွဲ့ခွဲက သိရပါတယ်။ ပါတီ ၇ ခုကို ကိုယ်စားပြုတဲ့  ကိုယ်စားလှယ်လောင်း ၈၄ ဦးနဲ့  တစ်သီးပုဂ္ဂလ ကိုယ်စားလှယ်လောင်းအဖြစ် တင်သွင်းသူ ၁၃ ဦး ပါဝင်တယ်လို့ဆိုပါတယ်။  ကျောက်ဖြူခရိုင် ရွေးကောက်ပွဲကော်မရှင်အဖွဲ့ခွဲရုံး အတွင်းရေးမှူး ဦးဌေးအောင်ခိုင် က “ပါတီတွေအကုန်လုံးကတော့ လွှတ်တော်တိုင်းမှာ မဝင်ပါဘူး။ အဓိကအားဖြင့် လွှတ်တော် ၃ ရပ်လုံးမှာဝင်တာကတော့ ကျနော်တို့ ရခိုင့်ဦးဆောင်ပါတီဝင်ပါတယ်။ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ၊ ညီညွတ်သောဒီမိုကရက်တစ်ပါတီ၊ အမျိုးသားဒီမိုကရေစီအဖွဲ့ချုပ်ပါတီ၊ ရခိုင်အမျိုးသားပါတီ၊ရခိုင်ဒီမိုကရေစီအဖွဲ့ချုပ်ပါတီပေါ့၊ အဲဒါတွေကတော့ လွှတ်တော် ၃ ရပ်လုံးမှာ ဝင်ပြိုင်ပါတယ်။”လို့ပြောပါတယ်။ ရခိုင်ပြည်နယ်အမျိုးသားအင်အားစုပါတီကတော့ ကျောက်ဖြူပြည်သူ့လွှတ်တော်မှာ   တစ် နေရာ၊ ကျောက်ဖြူမြို့နယ် ပြည်နယ်လွှတ်တော်မဲဆန္ဒနယ်အမှတ်(၂)မှာ  တစ်နေရာ၊ နှစ် နေရာမှာ ဝင်ရောက်ယှဉ်ပြိုင်မှာလို့လည်း ပြောပါတယ်။ အဆိုပါ အမည်စာရင်းတင်သွင်းထားသူတွေကို သြဂုတ် ၁၁ ရက်နေ့မှစတင်ပြီး လွှတ်တော်အလိုက် ကိုယ်စားလှယ်လောင်းရွေးချယ်စိစစ်ရေးအဖွဲ့မှ စိစစ်ဆောင်ရွက်နေပြီး စုစုပေါင်း လွှတ်တော်ကိုယ်စားလှယ်လောင်း ၆၆ ဦးထိ စိစစ်ပြီးပြီလို့ သိရပါတယ်။ လက်ရှိအချိန်ထိ ကိုယ်စားလှယ်လောင်းတင်သွင်းထားသူတွေနဲ့ ပတ်သက်ပြီး လာရောက်ကန့်ကွက်တာတွေ မရှိသေးဘူးလို့လည်း ကျောက်ဖြူခရိုင် ရွေးကောက်ပွဲကော်မရှင်အဖွဲ့ခွဲရုံးက ပြောပါတယ်။ သတင်း - နောင်နောင် 
7 months Ago

August 10, 2020

ကျောက်ဖြူခရိုင်တွင် တပ်တွင်းမဲရုံမထားဟု ခရိုင်ရွေးကောက်ပွဲကော်မရှင် ပြော

နိုဝင်ဘာ ၈ ရက်နေ့ကျင်းပမယ့် ပါတီစုံအထွေထွေရွေးပွဲမှာ ကျောက်ဖြူခရိုင်၊ ကျောက်ဖြူ မြို့နယ်နဲ့ အမ်းမြို့နယ်တွေက တပ်ရင်းတွေမှာ မဲရုံတွေကို တပ်တွင်းမထားဘဲ တပ်ပြင်ပမှာ ထားရှိဖို့ စီစဉ်ထားတယ်လို့ ကျောက်ဖြူခရိုင်ရွေးကောက်ပွဲကော်မရှင်အဖွဲ့ခွဲရုံး တာဝန်ရှိသူက ပြောပါတယ်။ ပြီးခဲ့တဲ့ ရွေးကောက်ပွဲတွေကလို တပ်ပြင်ပရှိ နီးစပ်ရာစာသင်ကျောင်းတွေမှာထားပြီး တပ်မတော်သားတွေနဲ့ တပ်မိသားစုဝင်တွေ လာရောက်မဲပေးနိုင်အောင် စီစဉ်ထားတယ်လို့ ကျောက်ဖြူခရိုင်ရွေးကောက်ပွဲကော်မရှင်အဖွဲ့ခွဲရုံး အတွင်းရေးမှူး ဦးဌေးအောင်ခိုင်က ဒီဗွီဘီကို ပြောပါတယ်။ “တပ်တွင်းမဲရုံမရှိပါဘူး။ ဟိုးအရင်ကတည်းက ၃၄ တပ်တို့ဆိုရင်လည်း တပ်ရှေ့ကစ ာသင်ကျောင်းတွေမှာ ပေးတာ။ ၅၄၂၊ ၅၄၃ တပ်တွေဆိုရင်လည်း တပ်နဲ့နီးတဲ့ စာသင်ကျောင်းတွေမှာ မဲရုံတွေ ဖွင့်လှစ်ပေးထားတယ်ပေါ့၊ အဲဒီမှာလာပြီးတော့ ပေးကြတာပါ။ အခုလည်းအဲဒီလိုပဲလုပ်ထားတယ်၊ တပ်တွင်းမှာတော့လုံးဝမရှိပါဘူး။ အမ်းမြို့နယ်တို့မှာလည်း မရှိပါဘူး၊ သူတို့က ရပ်ကျေးနဲ့ပေါင်းပေးတာတွေရှိတယ်၊ သူတို့ဟာသူတို့ သပ်သပ် တပ်ရှေ့မှာရှိတဲ့ဟာတွေ ရှိတယ်၊ သီးခြားတော့ တပ်ထဲမှာ လုပ်ထားတာတော့မရှိပါဘူး။” ကျောက်ဖြူခရိုင်မှာ  တပ်မတော်သားတွေနဲ့ တပ်မိသားစုဝင်တွေအပါအဝင် မဲဆန္ဒရှင်စုစုပေါင်း ၃ သိန်းကျော်ရှိပြီး တပ်သီးသန့်မဲစာရင်းထုတ်ပြန်တာမရှိဘဲ သက်ဆိုင် ရာရပ်ကျေးတွေမှာ ပါဝင်ပြီးဖြစ်တယ်လို့ ဦးဌေးအောင်ခိုင်က ပြောပါတယ်။ ကျောက်ဖြူခရိုင် ကျောက်ဖြူမြို့နယ်မှာ တပ်မဲရုံ ၃ ရုံနဲ့ အမ်းမြို့နယ်မှာ တပ်မဲရုံ ၆ ရုံ၊ တပ်မဲရုံစုစုပေါင်း ၉ ရုံရှိပြီး အမှတ် ၃၂ ရဲတပ်ရင်းခွဲအတွက် သက်ဆိုင်ရာကျေးရွာအုပ်စုရှိ စာသင်ကျောင်းတွေမှာ မဲရုံထားရှိထားတယ်လို့ ကျောက်ဖြူခရိုင်ရွေးကောက်ပွဲကော်မရှင်အဖွဲ့ခွဲရုံးက သိရပါတယ်။ နောင်နောင် 
7 months Ago
More News
Up