ကျောက်ထု PDF

September 9, 2021

ကျောက်ထု PDF က စစ်ကောင်စီယာဥ်တန်းကို မိုင်းဆွဲတိုက်ခိုက်

မကွေးတိုင်းဒေသကြီး ကျောက်ထုဒေသမှာ စက်တင်ဘာလ ၉ ရက်နေ့မနက်ပိုင်းမှာ PDF တပ်ဖွဲ့က စစ်ကောင်စီယာဥ်တန်းကို မိုင်းဆွဲတိုက်ခိုက်ခဲ့ပြီး နှစ်ဖက် အပြန်အလှန်တိုက်ပွဲ ဖြစ်ပွားခဲ့တယ်လို့ PDFတပ်ဖွဲ့က ထုတ်ပြန်ပါတယ်။

ကျောက်ထုကနေ ပခုက္ကူမြို့ဘက်ကိုသွားတဲ့ အကြမ်းဖက်စစ်ကောင်စီယာဥ်တန်း ကား ၄ စီးကို ပုံတောင်ပုံညာ တစ်နေရာမှာ ကျောက်ထု PDF တပ်ဖွဲ့က ဒီကနေ့မနက်ပိုင်းက မိုင်းဆွဲတိုက်ခိုက်တာကြောင့် အပြန်အလှန်တိုက်ပွဲဖြစ်ပွားခဲ့တယ်လို့ ဆိုပါတယ်။

တိုက်ပွဲအတွင်းမှာ အကြမ်းဖက်စစ်ကောင်စီဘက်က သေဆုံး၊ ဒဏ်ရာရသူတွေများပြားနိုင်ပေမယ့် တိုက်ပွဲဖြစ်ပွားနေတဲ့ အခြေနေတွေကြောင့် အတည်မပြုနိုင်သေးဘူးလို့ ထုတ်ပြန်ပါတယ်။

အကြမ်းဖက်စစ်ကောင်စီဘက်က လက်နက်ကြီး၊ လက်နက်ငယ်တွေနဲ့ ရမ်းသမ်းပြီး ပစ်ခတ်နေပေမဲ့ ကျောက်ထု PDF တပ်ဖွဲ့ဘက်က အထိခိုက်အကျဆုံးမရှိဘဲ ဆုတ်ခွာနိုင်ခဲ့တယ်လို့ ဆိုပါတယ်။

1 month Ago
Up