ကျောက်ကြီး

September 27, 2021

ကျောက်ကြီးမြို့နယ် မုန်းဒေသတွင် တိုက်ပွဲဖြစ်၊ စစ်ကောင်စီတပ်သား ၁၂ ဦး သေဆုံး

ပဲခူးတိုင်း၊ ကျောက်ကြီးမြို့နယ်၊ မုန်းဒေသက ကြောင်ပြာနဲ့ မြွေတော်ကြားမှာ  ပဲခူးပြည်သူ့ကာကွယ်ရေး တပ်ဖွဲ့အပါအဝင် တိုင်းရင်းသားတပ်ပေါင်းစုတွေနဲ့ အကြမ်းဖက်စစ်ကောင်စီတပ်တွေ စက်တင်ဘာ ၂၆ ရက်က ည ၇ နာရီအထိ တနေကုန်နီးပါး တိုက်ပွဲဖြစ်ပွားခဲ့တယ်လို့ သိရပါတယ်။

တိုက်ပွဲမှာ စစ်ကောင်စီဘက်ကအများအပြား ဒဏ်ရာရရှိခဲ့ပြီး အလောင်း ၁၂ လောင်းနဲ့ လက်နက်တွေ သိမ်းဆည်းနိုင်ခဲ့တယ်လို့ ပဲခူးပြည်သူ့ကာကွယ်ရေးတပ်ဖွဲ့ (BPDF-YOMA) က သတင်းထုတ်ပြန်ပါတယ်။

''အကြမ်းဖက်စစ်ကောင်စီဘက်က အင်အား ကား ၆ စီး ထပ်မံရောက်ရှိခဲ့ပေမဲ့ နေရာအနှံ့ကို စစ်အာဏာရှင်များက မရပ်မနားစေခိုင်းမှုကြောင့် စစ်ကောင်စီတပ်သားတွေ စစ်ပန်းနေတာရယ်၊ အကျအဆုံး အင်အားများပြားလာပြီဖြစ်လို့ ကျောက်ကြီးမြို့နယ် တပ်ရင်းများကနေ တပ်စု၊ တပ်စိတ်အလိုက် CDM ထပ်မံဝင်ဖို့ ရှိနေတယ်'' လို့ စစ်တပ်နဲ့ နီးစပ်သူတွေက ပြောပါတယ်။

ပြီးခဲ့တဲ့ စက်တင်ဘာ ၂၂ ရက်နေ့ကလည်း တိုက်ပွဲဖြစ်ပွားခဲ့ပြီး သစ်တော၊ လယ်ကွင်းပြင်နဲ့ ချောင်းအတွင်းက ငါးဖမ်းပိုက်တွေမှာ စစ်ကောင်စီဘက်က သေဆုံးရုပ်အလောင်းတွေ တွေ့ရှိခဲ့လို့ PDF တပ်ပေါင်းစုတွေနဲ့ ဒေသခံစစ်ဘေးရှောင်ပြည်သူတွေက မြေမြုပ်သင်္ဂြိုဟ် ပေးခဲ့ရတယ်လို့  ဒေသခံတွေဆီက သိရပါတယ်။

အကြမ်းဖက်စစ်ကောင်စီဘက်က တပ်ရင်း ၃ ရင်းနဲ့ တပ်သားအင်အား ၂၀၀ လောက်က ၅၀ စီ ခွဲလာတာဖြစ်ပြီး ၃၀ နီးပါးသေဆုံးကာ ထိခိုက်ဒဏ်ရာရသူတွေကို အရေးပေါ်လူနာတင်ယာဉ်တွေနဲ့ တောင်ငူဆေးရုံကို ပို့ဆောင်ခဲ့တာလို့ ဆေးရုံနဲ့နီးစပ်တဲ့အသိုင်းအဝိုင်းဆီက သိရပါတယ်။

2 months Ago

March 7, 2021

ကျောက်ကြီးမြို့က ဒုရဲအုပ်တစ်ဦး CDM တွင် ပါဝင်လာ

ပဲခူးတိုင်းဒေသကြီး၊ ကျောက်ကြီးမြို့နယ်၊ နတ်သံကွင်းနယ်မြေစခန်းက ဒုရဲအုပ်တစ်ဦး မတ်လ ၆ ရက်နေ့က  အာဏာဖီဆန်ရေးလှုပ်ရှားမှု (CDM) မှာ ပါဝင်လာတယ်လို့ သိရပါတယ်။

နတ်သံကွင်းနယ်​​မြေစခန်းက  ဒုရဲအုပ်ဇင်မင်းထက်က စစ်အာဏာရှင်အုပ်ချုပ်မှုအောက်မှာ မြန်မာနိုင်ငံရဲတပ်ဖွဲ့ဝင်တွေအား မတရားအမိန့်ပေးပြီး ပြည်သူများအပေါ် ဥပဒေမဲ့ အကြမ်းဖက်သတ်ဖြတ်တာ၊ မတရားဖိနှိပ်စေခိုင်းတာတွေ ရှိနေတာကြောင့် စစ်အာဏာရှင်အုပ်ချုပ်မှုအောက်မှာ တာဝန်ထမ်းဆောင်လိုခြင်းမရှိတာကြောင့် CDM ပြုလုပ်ရတာလို့​​ ပြောပါတယ်။

ပြည်သူဆန္ဒနဲ့အညီ ဒီမိုကရေစီနည်းကျ ရွေးချယ်တင်မြှောက်ထားတဲ့ အစိုးရသစ်တရပ်ပြန်လည်ပေါ်ပေါက်လာမှ မူလတာဝန်များ ပြန်လည်ထမ်းဆောင်သွားမယ်လို့ ဆိုပါတယ်။

"အခုတော့ လုံခြုံတဲ့နေရာကိုရောက်နေပါတယ်။ မနေ့ကစပြီး CDM လုပ်တာပါ၊ လုံခြုံရေးအခြေအနေအရ ဒီနေ့မှာ ဆက်သွယ်းရတာပါ။"

ကျောက်ကြီးမြို့နယ်မှာ ရဲတပ်ဖွဲ့ဝင် တစ်ဦးအနေနဲ့ CDM ကို စတင်ပြုလုပ်လာခဲ့တာ ပထမဦးဆုံးဖြစ်ပါတယ်။

9 months Ago
Up