ကျမ်းသစ္စာ ကျိန်ဆို

March 1, 2020

မလေးရှားဝန်ကြီးချုပ်သစ် ယက်ဆင် ကျမ်းသစ္စာ ကျိန်ဆို

မလေးရှားအမျိုးသားရေးဝါဒီ နိုင်ငံရေးသမား မူဟစ်ဒင်ယက်ဆင်ဟာ  မလေးရှားနိုင်ငံ ဝန်ကြီးချုပ်အဖြစ် တာဝန်ထမ်းဆောင်ပါမယ့်အကြောင်း မတ် ၁ ရက် တနင်္ဂနွေနေ့က မလေးရှား ဘုရင်ရဲ့ ရှေ့မှောက်မှာပဲ ကျမ်းသစ္စာ ကျိန်ဆိုလိုက်ပါတယ်။  မလေးရှားဘုရင် ဆူလ်တန်အဗ္ဗဒူလ်လာ  ဆူလ်တန်အာမဒ်ရှားဟာ အသက် ၉၄ နှစ် အရွယ်ရှိ ဝန်ကြီးချုပ်ဟောင်း မဟာသီယာမိုဟာမဒ်ရဲ့နေရာမှာ  အကျင့်ပျက်ခြစားမှုကို တိုက်ဖျက်နေတဲ့ ယခင်အာဏာရပါတီကနေ ကျောထောက်နောက်ခံပေးထားတဲ့ အသက် ၇၂ နှစ်အရွယ်  မူဟစ်ဒင်ကို ဝန်ကြီးချုပ်သစ်အဖြစ် ရွေးချယ်ခန့်အပ် တာဝန်ပေးလိုက်တာပါ။   မဟာသီယာ ဝန်ကြီးချုပ်ရာထူးကနေ နုတ်ထွက်ပြီးနောက် အာဏာတည်မြဲရေးအတွက် ဆူပူအုံကြွလှုပ်ရှားမှုတွေ သီတင်း တပတ်ကြာလောက် ပေါ်ပေါက်ခဲ့ပါတယ်။  ဒါပေမဲ့ မလေးရှားနိုင်ငံရေးကို ဆယ်စုနှစ်ချီ စိုးမိုးခြယ်လှယ်နေတယ်ဆိုတဲ့  ဝေဖန်ပြစ်တင်မှုတွေ ပေါ်ပေါက်လာပြီးနောက်မှာတော့ မဟာသီယာဟာ ဘေးထွက်ထိုင်နေရပြီလို့ သတင်းတွေမှာ ရေးပါတယ်။  မဟာသီယာက မူဟစ်ဒင်ရဲ့ ထောက်ခံအင်အားကို စိန်ခေါ်တဲ့အနေနဲ့ လွှတ်တော်ထဲမှာ မဲဆွယ်စည်းရုံးဖို့ လုပ်ဆောင်ခဲ့ပေမယ့် သူ အနိုင်မရနိုင်ကြောင်းလည်း ဝန်ခံခဲ့ပါတယ်။  ဝန်ကြီးချုပ်ဟောင်း မဟာသီယာဟာ  အကျင့်ပျက်ခြစားမှုတိုက်ဖျက်ရေး စီမံချက်မှာ နှစ်ပေါင်း ၆၀ လောက် အာဏာရပါတီဖြစ်တဲ့ United Malay nationals Organization (UNMO) ပါတီကို ဖြုတ်ချဖို့ သူ့ရဲ့ပြိုင်ဘက် အသက် ၇၂ နှစ်အရွယ် အန်နဝါအီဘရာဟင်နဲ့ ပူးပေါင်းလိုက်ပြီး နောက် ၂ နှစ်မပြည့်ခင်မှာပဲ ခုလို ခေါင်းဆောင်ပိုင်း အပြောင်းအလဲ ဖြစ်လာတာပါ။
1 year Ago
Up