ကျန်းမာရေးစင်တာ

A d v e r t i s e m e n t With Us

August 31, 2020

ဘာစီလိုနာကျန်းမာရေးစင်တာကို တိုက်စစ်မှူးမက်ဆီ မလာ

ဘာစီလိုနာအသင်းဟာ ကစားသမားတွေကို သြဂုတ် ၃၀ ရက်နေ့ အရောက်လာဖို့ ညွှန်ကြားထားပေမဲ့ အသင်းခေါင်းဆောင် မက်ဆီ ရောက်မလာခဲ့ဘူးလို့ သိရပါတယ်။  ဘာစီလိုနာကစားသမား အများစုက ကိုဗစ်-၁၉ ရှိ၊ မရှိ စစ်ဆေးဖို့အတွက် အသင်းရဲ့ ကျန်းမားရေးစင်တာဆီ လာရောက်ခဲ့ကြပေမဲ့ မက်ဆီကတော့ မရောက်လာဘူးလို့ အသင်းရဲ့ သတင်းရစ်မြစ်တဦးက ပြောခဲ့ပါတယ်။  အသက် ၃၃ နှစ်ရှိ တိုက်စစ်မှူး မက်ဆီအနေနဲ့ အသင်းကနေ ထွက်ခွာဖို့ ဆုံးဖြတ်ထားတယ်လို့လည်း သတင်းထွက်ပေါ်နေတာပါ။  တချိန်တည်းမှာပဲ လာလီဂါအဖွဲ့ချုပ်ဘက်က မက်ဆီနဲ့ပတ်သက်ပြီး သတင်းထုတ်ပြန်ချက်တခု ထုတ်ပြန်ခဲ့ပါတယ်။  မက်ဆီနဲ့ ဘာစီလိုအသင်းတို့ရဲ့ စာချုပ်ဟာ အကျုံးဝင်နေဆဲဖြစ်ပြီး ခေါ်ယူလိုတဲ့ အသင်းတွေအနေနဲ့ ယူရိုသန်း ၇၀၀ ပေးချေရမယ်လို့ တရားဝင် သတင်းထုတ်ပြန်ခဲ့ပါတယ်။  ကမ္ဘာ့အကောင်းဆုံးကစားသမားဆုကို ၆ ကြိမ်အထိ စံချိန်တင်ရရှိထားတဲ့ မက်ဆီကို နည်းပြဂွါဒီယိုလာ ကိုင်တွယ်နေတဲ့ မန်စီးတီးအသင်းက ခေါ်ယူနိုင်ဖို့ ရေပန်းစားနေပါတယ်။ 
6 months Ago

March 30, 2020

အီတီဟတ်ကွင်းကို ကျန်းမာရေးစင်တာအဖြစ် အသုံးပြုနိုင်ကြောင်း မန်စီးတီးကြေညာ

မန်စီးတီးအသင်းဟာ အီတီဟတ်ကွင်းကို အမျိုးသားကျန်းမာရေးဆိုင်ရာ စင်တာအဖြစ် အသုံးပြုနိုင်ကြောင်း ကြေညာလိုက်ပါတယ်။ ဗြိတိန်မှာ ဗိုင်းရပ်စ်ကူးစက်ခံရသူ ၂ သောင်းနီးပါး အထိရောက်ရှိနေပြီး သေဆုံးသူအရေအတွက်ကလည်း ၁၂၀၀ ကျော်ခဲ့ပြီဖြစ်ပါတယ်။ ဒါကြောင့် မန်စီးတီးအသင်းက အိမ်ကွင်း အီတီဟတ်ကွင်းကို အမျိုးသားကျန်းမာရေး စင်တာ အဖြစ် အသုံးပြုနိုင်ကြောင်း ကြေညာခဲ့တာပါ။ အီတီဟတ်ကွင်းကို ဆရာဝန်တွေနဲ့ သူနာပြုတွေအတွက် ဗိုင်းရပ်စ်ကာကွယ်တားဆီးရေး လေ့ကျင့်မှုသင်တန်းတွေ ပြုလုပ်တဲ့နေရာအဖြစ် အသုံးပြုနိုင်မှာဖြစ်ပါတယ်။  မြို့ခံပြိုင်ဘက် မန်ချက်စတာယူနိုက်တက် အသင်းကတော့ ဒေသခံတွေအတွက် စားသောက်ရေး အဆင်ပြေစေဖို့အတွက် ပြီးခဲ့တဲ့တစ်ပတ်က ပေါင် ၁ သိန်းလှူဒါန်းခဲ့ပါတယ်။  စပိန်နိုင်ငံမှာတော့ ရီးရဲလ်မက်ဒရစ်အသင်းက သူတို့ရဲ့အိမ်ကွင်း ဘာနေဗျူးကွင်းကို  ဆေးပစ္စည်း ဆိုင်ရာတွေ သိုလှောင်သိမ်းဆည်းထားနိုင်ဖို့ အသုံးပြုခွင့်ပေးခဲ့ပါတယ်။ 
11 months Ago
Up