ကျည်ထိမှန်

May 10, 2021

Times Square ရင်ပြင်ပစ်ခတ်မှု လူ ၃ ဦး ကျည်ထိမှန်ဒဏ်ရာရ

အမေရိကန်နိုင်ငံ နယူးယောက်မြို့လယ်က Times Square ရင်ပြင်မှာ အငြင်းပွားမှုအပြီး ပစ်ခတ်ခဲ့လို့ ၄ နှစ်သမီးတစ်ယောက်အပါအဝင် လူ ၃ ဦး ကျည်ထိမှန် ဒဏ်ရာရသွားပါတယ်။

ဒဏ်ရာရသူတွေဟာ အငြင်းပွားတဲ့အထဲပါသူတွေ ဟုတ်ပုံ မရဘူးလို့ နယူးယောက် ထိပ်တန်း ရဲကော်မရှင်နာမင်းကြီး ဒါးမော့ ရှီးယားက မေ ၈ ရက်မှာ ပြောပါတယ်။

ဘရွတ်ကလင်ရပ်ကွက်က မိသားစုဟာ ကလေးကို အရုပ်ဝယ်ပေးဖို့ Times Square ဆီကို လာခဲ့တဲ့ အပြစ်မရှိတဲ့ ဘေးက ရပ်ကြည့် သူတွေလို့ ရှီးယားက ပြောပါတယ်။

၄ နှစ်သမီးနဲ့ အသက်၂၃ နှစ်အရွယ် အမျိုးသမီးက ခြေထောက်ကို ကျည်ဆန် ထိမှန်ပြီး ၄၃ နှစ် အရွယ် အမျိုးသမီးကတော့ ခြေဖဝါးမှာ ဒဏ်ရာရခဲ့တယ်လို့ ဆိုပါတယ်။

 မနှစ်က နယူးယောက်နဲ့ တခြား အမေရိကန် မြို့တွေမှာ ရာဇဝတ်မှုနှုန်း မြင့်တက်ခဲ့တယ်လို့ ရိုက်တာသတင်းဌာနက ဖော်ပြပါတယ်။

2 months Ago

April 8, 2021

ဗန်းမော်တွင် ကျည်ထိမှန် ဖမ်းဆီးခံထားရသူ၏ ကျန်းမာရေးအခြေအနေ မိသားစုစိုးရိမ်

မတ်လ ၂၇ ရက်နေ့က ဗန်းမော်မြို့ရှိ ခွန်သာကမ်းနား သဲသောင်ပြင်မှာ အကြမ်းဖက်  စစ်ကောင်စီဝင်တွေရဲ့ ပစ်ခတ်ခံရမှုကြောင့် ပေါင်မှာ ဒဏ်ရာရရှိပြီး ဖမ်းဆီးခံခဲ့ရသူရဲ့ ကျန်းမာရေးအခြေအနေ မသိရတဲ့အတွက် မိသားစုဝင်တွေ စိုးရိမ်နေကြတယ်လို့ သိရပါတယ်။ 

ဗန်းမော်မြို့ ပေါက်ကုန်းရပ်ကွက်နေ အသက် ၄၂ နှစ်အရွယ်ရှိ ဒဏ်ရာရ ဦးစုပြည့်ချမ်းအား ဖမ်းဆီးသွားတာ ဧပြီ ၈ ရက်နေ့အထိဆို ၁၂ ရက် ရှိသွားခဲ့ပြီဖြစ်ပြီး ဇနီးဖြစ်သူနှင့်တကြိမ်သာ တွေ့ခွင့်ပေးခဲ့ကာ ဘယ်နေရာမှာ ထိန်းသိမ်းထားမှန်း မသိရသလို ကျန်းမာရေးအခြေအနေလည်း မသိရဘူးလို့ ဇနီးဖြစ်သူက ပြောပါတယ်။

ဒါ့အပြင်  ရုံးထုတ်အမှုဖွင့် စစ်ဆေးမယ်ဆိုပေမယ် ဘယ်လိုပုဒ်မမျိုးနဲ့ စွဲဆိုထားမှန်းလည်း မသိရသေးတာကြောင့် တတ်နိုင်တဲ့သူတွေ အကူအညီပေးကြဖို့ တောင်းဆိုတယ်လို့ သားဖြစ်သူက ပြောပါတယ်။

ဦးစိုးပြည့်ချမ်းနဲ့အတူ မျိုးမင်းသန်းဆိုတဲ့ လူငယ်တစ်ဦးလည်း ဖမ်းဆီးခံခဲ့ရတယ်လို့ သိရပါတယ်။

ဗန်းမော်ခရိုင်မှာ စစ်အာဏာရှင်တော်လှန်ရင်း ကျဆုံးခဲ့သူ ၃ ဦးရှိခဲ့ပြီး ဖမ်းဆီးခံရသူ အရေအတွက် ၃၀ ထက်မနည်းရှိနိုင်ပြီး အများစုက မိသားစုဝင်တွေနဲ့ တွေခွင့်မရကြဘူးလို့  ဗန်းမော်ဒေသခံတွေက ပြောပါတယ်။

3 months Ago
More News
Up