ကျည်ဆန် ၇၁ တောင့်

September 26, 2020

မိတ္ထီလာတွင် သရက်ပင်အမြစ်တူးရာမှ လက်ပစ်ဗုံး ၁ လုံးနှင့် ကျည်ဆန် ၇၁ တောင့်တွေ့ရှိ

မန္တလေးတိုင်း၊ မိတ္ထီလာမြို့နယ်၊ ညောင်ကန်အုပ်စု ညောင်ကန်ရွာမှာ စင်တင်ဘာ ၂၅ ရက်နေ့က ဦးတင်အေးအိမ် ခြံစည်းရိုးရှိ သရက်ပင် ခုတ်လဲပြီး အမြစ်တူးရာက လက်ပစ်ဗုံး ၁ လုံးနဲ့ သေနတ်ကျည်ဆန် ၇၁ တောင့် တွေ့ရှိတယ်လို့ ညောင်ကန်အုပ်စု အုပ်ချုပ်ရေးမှူးက ပြောပါတယ်။ ညောင်ကန်အုပ်စုအုပ်ချုပ်ရေးမှူး ဦးကျော်ထူးက “မြေအနက် ၁ ပေကျော်ကျော်လောက် တူးလိုက်တော့ လက်ပစ်ဗုံးနဲ့ သေနတ်ကျည်ဆန်တွေ တွေ့တာပါပဲ။ ရဲစခန်းနဲ့ တပ်မတော်က အဖွဲ့တွေလာကြတယ်။ ဘယ်ကာလ ဘယ်ခေတ်က ဆိုတာတော့ ပြောမသွားဘူး။ လူကြီးတွေ ပြောဖူးတာကတော့ ဒုတိယကမ္ဘာစစ်တုန်းက ရွာမှာ လေယာဉ်တွေတောင် ဆင်းခဲ့တယ်တဲ့၊ လက်ပစ်ဗုံးနဲ့သေနတ်ကျည်ဆန်တွေ သံချေးတောင် တက်နေမှတော့ အဲဒီခေတ်ကာလကပဲ ဖြစ်မှာပါ” လို့ ပြောပါတယ်။ အလျား ၄ လက်မ၊ လုံးပတ် ၈ လက်မရှိတဲ့ ၃၆ လက်ပစ်ဗုံး ၁ လုံးနဲ့ ၉-မမ ပစ္စတိုသေနတ်ကျည်ဆန် ၆၅ တောင့်၊ ပွိုင့် ၃၀ သေနတ်ကျည်ဆန် ၅ တောင့် ၅ ဒသမ ၅၆ သေနတ်ကျည်ဆန် ၁ တောင့် စုစုပေါင်း သေနတ်ကျည်ဆံ ၇၁ တောင့် တွေ့ခဲ့တာပါ။ အဲဒီလက်ပစ်ဗုံးနဲ့ သေနတ်ကျည်ဆန်တွေကို အမှတ် ၉၁၁ စစ်မြေပြင်အင်ဂျင်နီယာတပ်ကို ကို လွှဲပြောင်းပေးလိုက်ပြီလို့ မိတ္ထီလာအမှတ် ၃ ရဲစခန်းတာဝန်ကျရဲဝန်ထမ်း ၁ ဦးက  ပြောပါတယ်။ သတင်း-မောင်မောင်လင်း
8 months Ago
Up