ကျဆုံးသူ၂ဦး

March 28, 2021

ကျောက်ပန်းတောင်းတွင် ကျဆုံးသူ ၂ ဦးအား မီးသင်္ဂြိုဟ်ပြီးမှ သရဏဂုံတင်ခွင့်ရ

မတ် ၂၇ ရက်နေ့ ကျောက်ပန်းတောင်းမြို့မှာ အကြမ်းဖက်စစ်တပ်က ပစ်ခတ်လို့ ကျဆုံးခဲ့သူ ၂ ယောက်ကို မီးသင်္ဂြိုဟ်ပြီးမှ သရဏဂုံတင်ခွင့်ရခဲ့တယ်လို့ ဒေသခံတွေက ပြောပါတယ်။

ဘူတာရပ်ကွက်မှာ မနက်ပိုင်းက ဆန္ဒပြဖို့ လူစုနေတုန်း စစ်ကား ၂ စီးရောက်လာပြီး ဖြိုခွင်းခဲ့လို့ နီးစပ်ရာ အိမ်တွေထဲ ရှောင်ခဲ့ပေမဲ့ ထွက်လမ်းမရှိဘဲ ကမ်းပါးတွေပဲ ရှိတာကြောင့် လူ ၅၀ လောက် အဖမ်းခံခဲ့ရတယ်လို့ ဒေသခံတွေက ပြောပါတယ်။

ဖြိုခွင်းတုန်းမှာ မောင်ဝင်းမျိုးဦးရဲ့ ဦးခေါင်းကို သေနတ်ထိမှန်လို့ လဲကျသွားတုန်း သွားဆွဲယူဖို့ ကြိုးစားတဲ့ ရဲဝန်ထမ်းဟောင်း ကိုဝင်းဇော်ရဲ့ ဘယ်ဘက်ပါးကိုလည်း ကျည်ထိမှန်ခဲ့တာပါ။

“အလောင်းတွေကို စစ်တပ်က ကားနဲ့ ဆေးရုံကိုယူသွားတယ်။ မိသားစုက သွားယူတော့ မီးသင်္ဂြိုဟ်စက်က စောင့်ဆိုပြီး ယောကျ်ားသားတွေ မပါဘဲ အမျိုးသမီး ၄ ယောက်ပဲ လာခိုင်းတယ်။ မီးသင်္ဂြိုဟ်စက်မှာလည်း ကိုဝင်းဇော်ရဲ့ အမျိုးသမီးက ဓာတ်ပုံရိုက်တော့လည်း စစ်သားတွေက သေနတ်နဲ့ ချိန်ပြီး ပြန်ဖျက်ခိုင်းတယ်။ အဲဒီမှာ အလောင်း ၂ လောင်းရှိတယ်။ အင်္ကျီတွေတော့ မရှိဘူး။ မီးသင်္ဂြိုဟ်ပြီးမှ ဘုန်းကြီးကျောင်းကိုသွားပြီး သရဏရုံတင်ရတယ်” လို့ ဒေသခံတယောက်က ပြောပါတယ်။

သပိတ်အတွက် လူစုနေသူတွေကို စစ်တပ်က ဖြိုခွင်းလို့ ဒဏ်ရာရသူ ၁၀ ယောက်ကျော်ရှိတယ်လို့လည်း ဒေသခံတွေက ပြောပါတယ်။

8 months Ago

March 27, 2021

ကျောက်ပန်းတောင်း၌ ကျဆုံးသူ ၂ ဦးကို မိသားစုနှင့်တွေ့ခွင့်မပေးဘဲ အကြမ်းဖက်စစ်တပ်က ချက်ချင်းမီးသင်္ဂြိုဟ်

ကျောက်ပန်းတောင်းမြို့မှာ ဒီနေ့ စစ်အာဏာရှင်ဆန့်ကျင်ရေး ဘူတာရပ်ကွက်က သပိတ်စစ်ကြောင်းကို အကြမ်းဖက်စစ်တပ်နဲ့ရဲက ပစ်ခတ်ဖြိုခွင်းမှုကြောင့် ၂ ဦး ကျဆုံးခဲ့တယ်လို့ သိရပါတယ်။

သပိတ်စစ်ကြောင်း စထွက်ချိန်မှာ အကြမ်းဖက်တပ်ရဲ့ ပစ်ခတ်မှုကြောင့် ဦးခေါင်းကျည်ထိမှန်ပြီး မောင်ဝင်းမင်းထွန်းအပါအဝင် ၂ ဦး ကျဆုံးသွားတယ်လို့ ဒေသခံတဦးက ပြောပါတယ်။

ကျဆုံး နှစ်ယောက်အလောင်းကို မိသားစုတွေ့ခွင့်မရဘဲ စစ်ကောင်စီရဲ့ အကြမ်းဖက် လက်နက်ကိုင်အင်အားများစွာက ချက်ခြင်း မီးသဂြိုဟ်စက်ခေါ်ဆောင်သွားကာ မီးသဂြိုဟ်ပစ်လိုက်တယ်လို့ ဆိုပါတယ်။

8 months Ago
Up