ကျဆုံးရဲတပ်ဖွဲ့ဝင်

April 11, 2021

နောင်မွန်ရဲကင်းတွင် သေဆုံးသွားသည့် ရဲတပ်ဖွဲ့ဝင်များကို သင်္ဂြိုဟ်

နောင်မွန်ရဲကင်းတိုက်ခိုက်ခံရပြီး သေဆုံးခဲ့တဲ့ ရဲတပ်ဖွဲ့ဝင်တွေကို ဧပြီ ၁၁ ရက်နေ့ မွန်းလွဲပိုင်းက လားရှိုး ဘာသာပေါင်းစုံ သုဿာန်မှာ မီးသဂြိုလ်ခဲ့ပါတယ်။

လားရှိုးမြို့နယ် ရန်ကုန်-မန္တလေး-လားရှိုး-မူဆယ် အဝေးပြေးလမ်းမဘေးရှိ နောင်မွန် ရဲကင်းကို ဧပြီ ၁၀ ရက်နေ့ မနက် အစောပိုင်းက ညီနောင်မဟာမိတ် တပ်ဖွဲ့ဖြစ်တဲ့ TNLA, MNDAA နဲ့ AA တို့ ပူးပေါင်းဝင်ရောက်ပစ်ခတ်တိုက်ခိုက်ခဲ့တယ်လို့ ဒေသခံတွေက ပြောပါတယ်။

TNLA ပြောခွင့်ရှိသူ ဒုတိယဗိုလ်မှူးကြီး မိုင်းအိုက်ကျော်က ရဲကင်းစခန်းတိုက်ခိုက်မှုနဲ့ ပတ်သက်ပြီး အောက်ခြေနဲ့ ​အဆက်အသွယ်မရသေးတာကြောင့် အတည်မပြုနိုင်သေးဘူးလို့ ပြောပါတယ်။

သေဆုံးသူ ၁၅ ဦး၊ ဒဏ်ရာရသူ ၇ ဦး၊ ပျောက်ဆုံးသူ ၂ ဦးရှိတယ်လို့ လူမှုကူညီရေး အသင်းဆီက သိရပါတယ်။ 

1 month Ago
Up